ആലൂ പാലക് മസാല alu palakk masala

ചേരുവകൾ ,,,,,,,,

ഉരുളക്കിഴങ്ങ്-3 
പാലക്-കാല്‍കിലോ 
പച്ചമുളക്-3 
വെളുത്തുള്ളിൃ-4 
തക്കാളി-1 
മഞ്ഞള്‍പ്പൊടി-1 ടീസ്പൂണ്‍ 
മുളകുപൊടി-1 ടീസ്പൂണ്‍ 
മല്ലിപ്പൊടി-2 ടീസ്പൂണ്‍ 
ജീരകം-1 ടീസ്പൂണ്‍ 
കടുക്-1 ടീസ്പൂണ്‍ 
വയനയില-1 
ഉപ്പ് 
എണ്ണ 

തയ്യാറാക്കുന്ന വിധം ,,,,,,,,,

ഉരുളക്കിഴങ്ങ് നാലായി മുറിയ്ക്കുക. പാലക് നല്ലപോലെ കഴുകി ചെറുതായി അരിയുക. ഒരു പാത്രത്തില്‍ എണ്ണയൊഴിയ്ക്കുക. ഇതില്‍ കടുകും ജീരകവും പൊട്ടിയ്ക്കുക. വയനയില ചേര്‍ക്കുക. ഇതിലേക്ക് ഉരുളക്കിഴങ്ങു ചേര്‍ത്ത് നല്ലപോലെ ഇളക്കുക. അഞ്ചു മിനിറ്റ് കഴിഞ്ഞ് അരിഞ്ഞു വച്ചിരിക്കുന്ന പാലക് ചേര്‍ക്കണം. ഇതിലേക്ക് വെളുത്തുളളി, പച്ചമുളക് എന്നിവ ചേര്‍ക്കുക. ഇതിലേക്ക് ഉപ്പും മഞ്ഞള്‍പ്പൊടിയും ചേര്‍ത്തിളക്കണം. തക്കാളിയും അരിഞ്ഞിട്ട് ഇളക്കണം. തക്കാളി ഒരുവിധം ഉടഞ്ഞുകഴിയുമ്പോള്‍ മസാലപ്പൊടികള്‍ ചേര്‍ത്ത് ഇളക്കുക. പാത്രം അടച്ചു വച്ച് വേവിയ്ക്കണം. മേമ്പൊടി ഈ കറി വേവാന്‍ അധികം വെള്ളമൊഴിയ്ക്കരുത്. പാലക് ഉടഞ്ഞുപോകും. വേണമെങ്കില്‍ അല്‍പം വെള്ളം തളിച്ചു കൊടുക്കുക. ഉരുളക്കിഴങ്ങ് നേരത്തെ പുഴുങ്ങിയെടുത്തും ഈ കറിയുണ്ടാക്കാം....

ചിക്കന്‍ ബട്ടര്‍ മസാല chicken butter masala

എല്ലില്ലാത്ത ചിക്കന്‍-അരക്കിലോ ബട്ടര്‍-100 ഗ്രാം ഇഞ്ചി-വെളുത്തുള്ളി പേസ്റ്റ്‌-2 ടീസ്‌പൂണ്‍ ഇഞ്ചി-1 കഷ്‌ണം അരിഞ്ഞത്‌ തക്കാളി-3 മുളകുപൊടി-1 ടീസ്‌പൂണ്‍ മഞ്ഞള്‍പ്പൊടി-1 ടീസ്‌പൂണ്‍ കസൂരി മേത്തി-4 ടേബിള്‍സ്‌പൂണ്‍ ഫ്രഷ്‌ ക്രീം-1 കപ്പ്‌ ഉപ്പ്‌ ഒരു പാനില്‍ എണ്ണ ചൂടാക്കുക. ഇതിലേയ്‌ക്ക്‌ ഇഞ്ചി-വെളുത്തുള്ളി പേസ്റ്റ്‌, ചിക്കന്‍ എന്നിവയിട്ട്‌ ഇളക്കണം. ചിക്കന്‍ ഗോള്‍ഡന്‍ ബ്രൗണ്‍ നിറമാകുമ്പോള്‍ ബട്ടര്‍ ചേര്‍ത്തിളക്കുക. ഇതിലേയ്‌ക്ക്‌ തക്കാളി അരച്ചു ചേര്‍ക്കുക. ഇത്‌ നല്ലപോലെ ഇളക്കുക. ഇതിലേയ്‌ക്ക്‌ മുളകുപൊടി, മഞ്ഞള്‍പ്പൊടി, ഉപ്പ്‌ എന്നിവ ചേര്‍ത്തിളക്കണം. ചിക്കന്‍ വെന്തു കഴിയുമ്പോള്‍ കസൂരി മേത്തി ചേര്‍ത്തിളക്കുക. പിന്നീട്‌ ഫ്രഷ്‌ ക്രീം, ഇഞ്ചി അരിഞ്ഞത്‌ എന്നിവ ചേര്‍ത്തിളക്കണം. ചിക്കന്‍ ബട്ടര്‍ മസാല തയ്യാര്‍.

ടൊമാറ്റോ ഫിഷ് റോസ്റ്റ്

ചേരുവകള്‍ 

മീന്‍ (മുള്ളില്ലാത്തത്)- 250 ഗ്രാം
തക്കാളി- 2 എണ്ണം
സവാള- 1 എണ്ണം
ഇഞ്ചി- 1 കഷ്ണം
വെളുത്തുള്ളി- 8 അല്ലി
കറിവേപ്പില- 1 തണ്ട്
കശ്മീരി മുളക്‌പൊടി- 1 1/2 ടേബിള്‍ സ്പൂണ്‍ മഞ്ഞള്‍പ്പൊടി- 1/4 ടീസ്പൂണ്‍
കടുക്- 1/2 ടീസ്പൂണ്‍
എണ്ണ- 3 ടേബിള്‍സ്പൂണ്‍
ഉപ്പ്- പാകത്തിന്

തയ്യാറാക്കുന്ന വിധം

ഒരു പാനില്‍ എണ്ണ ചൂടാക്കി കടുക് പൊട്ടിച്ചതിന് ശേഷം വെളുത്തുള്ളി, സവാള, ഇഞ്ചി, ഉപ്പ് എന്നിവ ചേര്‍ത്ത് വഴറ്റുക. ഇത് ഗോള്‍ഡണ്‍ നിറമാകുമ്പോള്‍ തീ കുറച്ച് മുളക്‌പൊടിയും മഞ്ഞള്‍പ്പൊടിയും ചേര്‍ത്ത് നന്നായി വഴറ്റുക. ഇതിലേക്ക് തക്കാളി, മീന്‍, കറിവേപ്പില എന്നിവ ചേര്‍ത്ത് അടച്ചുവെച്ച് ചെറു തീയില്‍ വേവിക്കുക. ഇതി വെന്ത് കഴിഞ്ഞാല്‍ തുറന്ന് വെച്ച് വെള്ളം വറ്റുന്നത് വരെ ചെറു തീയില്‍ വേവിക്കുക....!!!

പാലക്ക് പനീര്‍

ആവശ്യമുള്ള സാധനങ്ങള്‍

പനീര്‍ (ചെറിയ കഷണങ്ങളാക്കിയത്) -നൂറ്റമ്പത്ഗ്രാം
പാലക്ക് - അരക്കിലോ
സവോള - ഒരെണ്ണം
കുരുമുളകുപൊടി - കാല്‍ടീസ്പൂണ്‍
ഇഞ്ചി വെളുത്തുള്ളി പെയ്സ്റ്റ് - മുക്കാല്‍ സ്പൂണ്‍
പച്ചമുളക് പെയ്സ്റ്റ് - അരസ്പൂണ്‍
ജീരകപ്പൊടി - ഒരു ടീസ്പൂണ്‍
ഗരംമസാല - ഒരു ടീസ്പൂണ്‍
എണ്ണ - ആവശ്യത്തിന്
ഉപ്പ് - പാകത്തിന്

തയാറാക്കുന്നവിധം

പാലക്ക്, ഇഞ്ചി, വെളുത്തുള്ളി പെയ്സ്റ്റ്, പച്ചമുളക് പെയ്സ്റ്റ് എന്നിവ കുക്കറില്‍ വളരെ കുറച്ച് വെള്ളം ചേര്‍ത്ത് വെയ്ക്കുക. ആദ്യ വിസിലിനു മുമ്പായി എടുക്കുക. ചീനച്ചട്ടിയില്‍ എണ്ണയൊഴിച്ച് ചൂടാകുമ്പോള്‍ സവോള ഇട്ട് വഴറ്റുക. ഗരംമസാല, കുരുമുളകുപൊടി, ഉപ്പ്, ജീരകപ്പൊടി എന്നിവ ചേര്‍ത്തിളക്കുക. മറ്റൊരു പാത്രത്തില്‍ പാലക്ക് വഴറ്റുക. എണ്ണ തെളിഞ്ഞ മസാലയിലേക്ക് പനീരും പാലക്കും ഇട്ടിളക്കുക. പാലക് പനീര്‍ ചപ്പാത്തിയുടെ കൂടെ ചൂടോടെ കഴിക്കാം

ചിക്കന്‍ ഡ്രൈഫ്രൈ

ആവശ്യമുള്ള സാധനങ്ങള്‍:

ചിക്കന്‍- അരക്കിലോ

മുളക് പൊടി- 2 ടീസ്പൂണ്‍

മഞ്ഞള്‍ പൊടി- അര ടീസ്പൂണ്‍

ഉപ്പ്- പാകത്തിന്

ഇഞ്ചി, വെളുത്തുള്ളി,

പച്ചമുളക് പേസ്റ്റാക്കിയത്- 2 ടേബിള്‍ സ്പൂണ്‍

ചെറുനാരങ്ങ- ഒന്ന്

കൊണ്‍ഫ്‌ളോര്‍ര്‍- 50ഗ്രാം

കറിവേപ്പില- 2 തണ്ട്

വെളിച്ചെണ്ണ- ആവശ്യത്തിന്

കുരുമുളക്: അല്പം

തയ്യാറാക്കുന്ന വിധം:

ചിക്കന്‍ വൃത്തിയാക്കി ചെറു കഷണങ്ങളാക്കുക. മുളക് പൊടി, മഞ്ഞള്‍പൊടി, ഉപ്പ്, കുരുമുളക് എന്നിവ ചേര്‍ത്ത് 15 മിനിട്ട് വെയ്ക്കുക. ഇഞ്ചി, വെളുത്തുള്ളി, പച്ചമുളക് പേസ്റ്റ് നാരങ്ങാ നീരുമായി ചേര്‍ത്ത് ചിക്കനില്‍ പുരട്ടി വെയ്ക്കുക.

അതിനു ശേഷം കോണ്‍ഫ്‌ളോര്‍ ചേര്‍ത്ത് നല്ല പോലെ കുഴയ്ക്കുക. ശേഷം ചീനച്ചട്ടിയില്‍ എണ്ണ ചൂടാക്കി ചിക്കന്‍ പൊരിച്ചെടുക്കാം. തവിട്ടു നിറമാകുമ്പോള്‍ എണ്ണയില്‍ നിന്നും വറുത്തു കോരണം. ഇതിലേക്ക് കറിവേപ്പിലയിട്ട് വറുത്തെടുത്ത് ചിക്കനു മുകളില്‍ വിതറാം.

വറുത്തരച്ച ചൂര കറി varutharacha choora curry

വറുത്തരച്ച ചൂര കറി  varutharacha choora curry 

ചേരുവകൾ :

1. ചൂര മീൻ - 1/2 കിലോ (ചതുര കഷണങ്ങൾ)
2. ഉലുവ - 1/4 ടി സ്പൂണ്‍
3. തേങ്ങ - 6 ടേബിൾ സ്പൂണ്‍

തയ്യാറാക്കുന്ന വിധം
ഒരു പാൻ അടുപ്പത്തു വച്ച് അതിലേക്കു ഉലുവ ഇട്ടു നല്ല ചൂടിൽ മൂപ്പിക്കുക (എണ്ണ വേണ്ട)
ഇനി അതിലേക്കു തേങ്ങ ചേർത്ത് കരിയാതെ മൂപ്പിക്കുക. നിറം മാറി തുടങ്ങുമ്പോൾ 4 കൊച്ചുള്ളി അരിഞ്ഞതും അഞ്ചാറു ഇതൾ കറിവേപ്പിലയും കൂടി ചേർത്ത് മൂപ്പിക്കുക. തേങ്ങ ബ്രൌണ്‍ നിറമായി വരുമ്പോൾ അതിലേക്ക് 1 ടി സ്പൂണ്‍ മുളക്പൊടി + 1 ടി സ്പൂണ്‍ മല്ലിപൊടി + 1/4 ടി സ്പൂണ്‍ മഞ്ഞള്പൊടി എന്നിവ ചേർത്ത് കരിയാതെ മൂപ്പിച്ചു വാങ്ങി ഇളക്കി തണുപ്പിക്കുക. ഇനി ഇത് ചട്ണി ജാറിൽ ഇട്ടു ഒരു ചെറിയ ഉരുളവാളൻപുളി കൂടി ചേർത്ത് നന്നായി അരച്ച് എടുക്കുക. ഒരു ചട്ടിയിൽ മീൻ കഷണങ്ങൾ നിരത്തുക.
അതിലേക്കു 3 വെളുത്തുള്ളി നീളത്തിൽ അരിഞ്ഞു ചേര്ക്കുക, 1/2 ടി സ്പൂണ്‍ ഇഞ്ചി കൊത്തി അരിഞ്ഞതും
ഒരു നല്ല മുരിങ്ങക്ക ചീവി വൃത്തിയാക്കി കഷണിച്ചു നെടുകെ കീറി ഇതിലേക്ക് ചേർക്കുക. ഒരു നല്ല തക്കാളി കൂടി ചതുര കഷണങ്ങളാക്കി ചേർക്കുക, ആവശ്യത്തിനു ഉപ്പും. അരപ്പ് അല്പം വെള്ളം കൂടി ചേർത്ത് മീൻ ചട്ടിയിലേക്ക് ഒഴിക്കുക (ഇത് നല്ല കുറുകിയ കരിയായിരിക്കണം.. അതിനാൽ വെള്ളം കുറച്ചു ചേർക്കുക.. തക്കളിയിൽ നിന്നും വെള്ളം ഇറങ്ങും, അതും ഓർക്കുക) അരപ്പ് തിളച്ചാൽ, തീ കുറച്ചു ചട്ടി മൂടി വച്ച് മീൻ ചാറ് കുറുകി വരുന്ന വരെ വറ്റിക്കുക ഇനി ഉലുവ കടുക് കൊച്ചുള്ളി വറ്റൽ മുളക് കറിവേപ്പില എന്നിവ വെളിച്ചെണ്ണയിൽ മൂപ്പിച്ചു കറി താളിക്കുക...!

കട്ടി പരിപ്പ് കറി dal parippu

തുവര അല്ലെങ്കില്‍ ചെറുപയര്‍ പരിപ്പ്- ഒരു കപ്പ്‌ (Dal Parippu) 
വെള്ളം- കട്ടിയായി കുറുകാന്‍ ആവശ്യത്തിന്
മഞ്ഞള്‍ പൊടി- അര ടീസ്പൂണ്‍
നെയ്യ്‌- രണ്ടു ടീസ്പൂണ്‍
ഉപ്പ് ആവശ്യത്തിന്

പരിപ്പ് ചെറുതായി ഒന്ന് വരുത്ത ശേഷം കഴുകിയെടുക്കുക. എന്നിട്ട് പരിപ്പിന് മുകളില്‍ വെള്ളം നില്ക്കുണന്ന വിധത്തില്‍ അര ടീസ്പൂണ്‍ മഞ്ഞ പൊടി ഇട്ടു വേവിക്കുക. വെള്ളം തിളക്കുമ്പോള്‍ തീ കുറക്കണം. (വെള്ളം കുറയുന്നതിന് അനുസരിച്ച് മാത്രം ഒഴിച്ചാല്‍ മതി. കൂടുതല്‍ ആയി പോവരുത്.) ചെറുതീയില്‍ വെന്തു കഴിയുമ്പോള്‍ ഉപ്പും നെയ്യും ചേര്ത്ത്്‌ നന്നായി ഇളക്കുക. കട്ടി പരിപ്പ് കറി റെഡി.
-------------------------------------------
പരിപ്പ്

ആവശ്യമുള്ള സാധനങ്ങള്
‍ചെറുപരിപ്പ് -250ഗ്രാം
പച്ചമുളക് -4എണ്ണം
ഉപ്പ് -പാകത്തിന്
വെളിച്ചെണ്ണ -പാകത്തിന്
തേങ്ങ -ഒരുമുറി
ജീരകം -കാല്‍ സ്പൂണ്‍
കറിവേപ്പില -രണ്ട് തണ്ട്
പാകം ചെയ്യുന്ന വിധം ചെറുപരിപ്പ് പച്ചമുളകും പാകത്തിന് ഉപ്പും ചേര്ത്ത് വേവിക്കുക. തേങ്ങ ജീരകം ചേര്ത്ത് നന്നായി അരയ്ക്കുക. പരിപ്പ് വേവിച്ചതിലേയ്ക്കു അരപ്പ് ചേര്ക്കു ക. അരപ്പു വെന്തു കഴിയുമ്പോള്‍ കറിവേപ്പില ഇട്ട് വെളിച്ചെണ്ണയും ഒഴിച്ച് അടുപ്പില്‍ നിന്നുമിറക്കുക.

വൻപയർ മത്തങ്ങ എരിശ്ശേരി vanpayar mathanga erisheri

വൻപയർ - 50 ഗ്രാം
മത്തങ്ങ - 250ഗ്രാം
തേങ്ങ - 60ഗ്രാം
ജീരകം -ഒരു ടീസ്പൂണ്‍
മുളകുപൊടി - ഒരു ടീസ്പൂണ്‍
മഞ്ഞള്പൊിടി - അര ടീസ്പൂണ്‍
വെളിച്ചെണ്ണ - രണ്ടു ടീസ്പൂണ്‍
വറ്റല്‍ മുളക് - രണ്ടെണ്ണം
ചുവന്നുള്ളി - ഒന്ന്
കടുക്, ഉപ്പ്‌ കറിവേപ്പില പാകത്തിന്

വൻപയർ ഇരട്ടി വെള്ളം ചേര്ത്ത്ന വേവിക്കാന്‍ വക്കുക. പകുതി വേവായാല്‍ മത്തങ്ങ അരിഞ്ഞതും മഞ്ഞള്‍ പൊടിയും മുളക് പൊടിയും ചേര്ക്കു ക. വെന്തു കഴിയുമ്പോള്‍ തേങ്ങയില്‍ മുക്കാല്‍ പങ്കും ജീരകവും കറിവേപ്പിലയും ചേര്ത്ത്ത തിളപ്പിക്കുക. എണ്ണ കടുക് തളിച്ച് ബാക്കി തേങ്ങയും ചുവക്കെ വറുത്തു ചേര്ക്കു ക.
-------------------------------------------------------------
എരിശ്ശേരി

മത്തങ്ങ-വന്പ-യര്‍ എരിശ്ശേരിക്കായി ആദ്യം കുതിര്ത്ത് വെച്ച വന്പങയര്‍ മഞ്ഞള്പ്പൊ-ടി , ഉപ്പ് എന്നിവ ചേര്ത്ത് കുക്കറില്‍ വേവാന്‍ വയ്ക്കുക. വെളുത്തുള്ളി,ജീരകം,പച്ചമുളക്,കുരുമുളക്പൊടി,മഞ്ഞള്പ്പൊൊടി,ഉപ്പ് എന്നിവ തേങ്ങയോടൊപ്പം ചേര്ത്ത് നന്നായി അരച്ചെടുക്കുക. വന്പിയര്‍ പകുതി വേവാകുമ്പോള്‍ മത്തങ്ങ ചെറുതായി മുറിച്ചത് കൂടി കുക്കറില്‍ ചേര്ത്ത് രണ്ട് വിസില്‍ വരുന്നതുവരെ വേവിക്കുക. വെന്ത് കഴിഞ്ഞാല്‍ മത്തങ്ങ നന്നായി ഉടയ്ക്കുക. അതിനു ശേഷം അരപ്പ് ചേര്ത്ത്് ഇളക്കുക. ചെറിയ ഉള്ളി, കടുക്, വറ്റല്മുവളക്, കറിവേപ്പില എന്നിവയും കുറച്ച് തേങ്ങാക്കൊത്തും ചേര്ത്ത് വറത്തിടുക.

 —

ചിക്കന്‍ ഉലര്‍ത്തിയത് .. chicken ularthiyad

chicken ularthiyad

ചിക്കന്‍ - അര കിലോ 
സവാള – ഒരെണ്ണം 
തക്കാളി – ഒരെണ്ണം 
മഞ്ഞള്‍ പൊടി - ഒരു നുള്ള്
മുളക് പൊടി – ഒരു സ്പൂണ്‍
മല്ലിപ്പൊടി- ഒരു സ്പൂണ്‍
വറ്റല്‍ മുളക് - നാല്
കുരുമുളകുപൊടി - അര ചെറിയ സ്പൂണ്‍
എണ്ണ - പാകത്തിന്
കറിവേപ്പില - രണ്ട് തണ്ട്
ഇഞ്ചി ( അരിഞ്ഞത്‌ ) - ഒരു ചെറിയ കഷ്ണം
ചിക്കന്‍ മസാല - അര ചെറിയ സ്പൂണ്‍
ഉലുവപ്പൊടി - അര ചെറിയ സ്പൂണ്‍
ജീരക പൊടി - ഒരു നുള്ള്
മല്ലി ഇല – ആവശ്യത്തിന്
ഉപ്പു – പാകത്തിന്

ചെയ്യുന്ന രീതി:-

ചിക്കന്‍ വൃത്തിയാക്കി , ചെറു കഷണങ്ങള്‍ ആക്കിയതിനുശേഷം ഉപ്പ് , മഞ്ഞള്‍പൊടി എന്നിവ ചേര്‍ത്ത് വേവിക്കുക. വെന്ത ഇറച്ചി ഒരു പാനില്‍ അല്‍പ്പം എണ്ണ ഒഴിച്ച് ചെറു തീയില്‍ വറുത്തെടുത്ത് മാറ്റി വെക്കുക , വറ്റല്‍ മുളകും, കുരുമുളകുപൊടിയും, മുളക് പൊടിയും ചേര്‍ത്ത് ചെറുതായി ചൂടാക്കിയ ശേഷം ഒന്ന് പൊടിച്ചെടുക്കുക വീണ്ടും എണ്ണ ചൂടാക്കി കടുക് പൊട്ടിച്ചശേഷം സവാള അരിഞ്ഞതും കറിവേപ്പില, ഇഞ്ചി, ഗരം മസാല, മല്ലിപൊടി, ഉലുവപൊടി, ജീരകപോടി എന്നിവ ചേര്‍ത്ത് വഴറ്റുക. വഴണ്ട് വരുമ്പോള് പൊടിച്ചു വെച്ച മസാല കൂട്ട് ചേര്‍ക്കുക വീണ്ടും അരിഞ്ഞു വെച്ച തക്കാളിയും വറുത്ത് വെച്ച ചിക്കനും ഇട്ട് ആവശ്യത്തിനു ഉപ്പും ചേര്‍ത്ത് ചെറുതീയില്‍ നന്നായി ഇളക്കി വഴറ്റി എടുക്കുക.. ഇതിലേക്ക് ഒരല്‍പം തേങ്ങാപാല്‍ ഒഴിച്ച് ചെറു തീയില്‍ ഉലര്‍ത്തി അരിഞ്ഞു വെച്ച മല്ലിയില ചേര്‍ത്ത് വാങ്ങുക..

രസം RASAM

rasam

കായം - കാൽ ടീസ്പൂൺ

മുഴുവൻ മല്ലി - 1 ടേബിൾസ്പൂൺ
ചുവന്ന മുളക് - 2
ജീരകം - 1/4 ടീസ്പൂൺ
garlic - 3 അല്ലി, ചതച്ചത്
എണ്ണ - 1 ടീസ്പൂൺ
പുളി, ശർക്കര, മഞ്ഞൾപൊടി
പരിപ്പ് - ഒരു പിടി
കടുക്, മല്ലിയില, കറിവേപ്പില, ചുമന്നമുളക് - വറത്തിടാൻ

തക്കാളിയും ഉപ്പും ചേർത്ത് പരിപ്പ് ഉടഞ്ഞുപോകുന്ന രീതിയിൽ വേവിക്കുക.
എണ്ണ ചൂടാക്കി കായം, മല്ലി, മുളക്, ജീരകം, garlic മൂപ്പിച്ചിട്ട്, ചതയ്ക്കുക. പുളി പൊഴിഞ്ഞ് 3cup വെള്ളത്തിൽ ചതച്ച സാധനങ്ങളും ശർക്കര, മഞ്ഞൾ, ഉപ്പ്, cooked പരിപ്പ് എല്ലാം ചേർത്ത് തിളപ്പിക്കുക - 4 മിനുറ്റ്. മല്ലിയില അരിഞ്ഞത്, വറുത്തത്‌, കുരുമുളക് പൊടി എന്നിവ ഇടുക.

ചിക്കന്‍ കറി(ചൈനീസ്) chicken curry chinese

chicken curry chinese

കോഴി-250ഗ്രാം

സവാള-2 എണ്ണം (വലുത്)

അജിനാമോട്ടോ-ഒരു ടീസ്പൂണ്‍

വെളുത്തിള്ളിചതച്ചത്-8ഇതള്‍

ഉപ്പ്-ആവശ്യത്തിന്

സെലറി-ഒരു തണ്ട് നുറുക്കിയത്

പാചകരീതി:
-സവാള അരിഞ്ഞത് എണ്ണയില്‍ ബ്രൗണ്‍ നിറമാകുന്നത് വരെ മൂപ്പിക്കുക. ഇതിലേക്ക് കോഴി ചെറിയ കഷ്ണങ്ങളാക്കിയത് വഴറ്റുക. തുടര്‍ന്ന് വെളുത്തുള്ളിക ചതച്ചിടുക. ഏകദേശം പത്തുമിനിട്ടോളം വഴറ്റിയ ശേഷം(അപ്പേഴേക്കും ഇറച്ചിക്ക് ബ്രൗണ്‍ നിറമാകും) നിരയെ വെള്ളഴിച്ച് ഉപ്പും അജിനാമോട്ടോയും ചേര്‍ത്ത് വേവിക്കുക. വെന്ത ശേഷം ഒരു ടേബിള്‍ സ്പൂണ്‍ വിനാഗിരി ചേര്‍ത്ത് തിളപ്പിക്കുക. സെലറി വിതറുക.

ചിക്കൻ കറി ( വടക്കൻ രീതിയിൽ )

chicken curry vadakkan

1.കോഴി

2.സവാള നീളത്തില്‍ അരിഞ്ഞത്-ഒരു കപ്പ്

പച്ച മുളക്-8

തക്കാളി കഷണങ്ങളാക്കിയത്-1

കറിവേപ്പില-ഒരു തണ്ട്

ഇഞ്ചി ചെറുതായി അരിഞ്ഞത്-ഒരു വലിയ കഷ്ണം

3.കുരുമുളക്-5

തേങ്ങചിരവിയത്-ഒരുകപ്പ്

ഗ്രാമ്പൂ-6

പട്ട- 3കഷണം

വലിയചീരകം-കാല്‍ ടീസ്പൂണ്‍

മല്ലി-അര ടീസ്പൂണ്‍

4.ഉപ്പ്-പാകത്തിന്

മഞ്ഞള്‍ പൊടി-പാകത്തിന്

വെളിച്ചെണ്ണ-അരയ്ക്കാല്‍ കപ്പ്

പാചകരീതി- 

രണ്ടാമത്തെ ചേരുവകള്‍ വെളിച്ചെണ്ണയില്‍ വഴറ്റി അതും മഞ്ഞള്‍പൊടി ഉപ്പ് എന്നിവയും കോഴിയില്‍ ചേര്‍ത്ത് വേവിക്കുക.മൂന്നാമത്തെ ചേരുവകള്‍ മയത്തല്‍ വേവിച്ചെടുക്കണം കോഴി വെന്ത് വരുമ്പോള്‍ മസാലചേര്‍ക്കണം. വെന്തതിന് ശേഷം ചൂടോടെ ഉപയോഗിക്കണം.

നാടന്‍ കോഴിക്കറി nadan chicken curry

nadan chicken curry

ആവശ്യമുള്ളവ:
കോഴി, ചെറിയ കഷണം ആക്കി മുറിച്ചത്- 1 കിലോ
ഇഞ്ചി - ഒരു വലിയ തുണ്ടം കൊത്തിയരിഞ്ഞത്‌
വെളുത്തുള്ളി - 8 അല്ലി, അരിഞ്ഞത്
പച്ചമുളക് – 3 എണ്ണം രണ്ടായി കീറിയത്
സവാള – ഇടത്തരം 2 എണ്ണം അരിഞ്ഞത്
കുഞ്ഞുള്ളി – 10 എണ്ണം
തക്കാളി - ചെറിയ ഒരെണ്ണം
ചിക്കന്‍ മസാല കൂട്ട് :
കറുകപ്പട്ട - ഒരു ചെറിയ കഷണം
ഗ്രാമ്പൂ - അഞ്ചു എണ്ണം
ഏലയ്ക്ക - 7 എണ്ണം
ജാതിപത്രി - ഒരു ചെറിയ കഷണം
പെരുംജീരകം - അര ടേബിള്‍ സ്പൂണ്‍
കുരുമുളക് - അര ടീസ്പൂണ്‍
തക്കോലം - ഒന്ന്
..ഇവ ചൂടാക്കി മിക്സറില്‍ പൊടിച്ചു എടുക്കുക.
മുളകു പൊടി - 1 ടേബിള്‍ സ്പൂണ്‍
മല്ലി പൊടി - 2 ടേബിള്‍ സ്പൂണ്‍
(മുളകും മല്ലിയും ചൂടാക്കി പൊടിയ്ക്കുക.)
മഞ്ഞള്‍ പൊടി - 1/2 ടീസ്പൂണ്‍
കടുക് - 1 ടീസ്പൂണ്‍
കായം - ഒരു ചെറിയ കഷണം
തേങ്ങാക്കൊത്ത് - അര കപ്പ്‌
കറിവേപ്പില - 2 തണ്ട്
വെളിച്ചെണ്ണ - കുറച്ച്‌
ഉപ്പ് - പാകത്തിന്

ഉണ്ടാക്കേണ്ട വിധം:
ഒരു പാനിലോ അടി കട്ടിയുള്ള ചീനച്ചട്ടിയിലോ വെളിച്ചെണ്ണ ഒഴിച്ച് ചൂടാകുമ്പോള്‍ ഇഞ്ചിയും വെളുത്തുള്ളിയും ഇട്ട് വഴറ്റുക, ഇഞ്ചിയും വെളുത്തുള്ളിയും ഒന്ന് വാടി കഴിയുമ്പോള്‍ തേങ്ങാക്കൊത്ത് ചേര്‍ക്കുക. തേങ്ങാ ഒന്ന് ബ്രൌണ്‍ നിറം ആയി വരുമ്പോള്‍ പച്ചമുളകും സവാള അരിഞ്ഞതും കുഞ്ഞുള്ളി അരിഞ്ഞതും ചേര്‍ത്തു നന്നായി വഴറ്റുക. ഇതിലേക്ക് മുളക് പൊടി ചേര്‍ത്തു മൂപ്പിക്കുക, മുളക് പൊടി മാത്രമായി ഇട്ടു മൂപ്പിക്കണം. മുളക് പൊടി മൂത്തതിനു ശേഷം തക്കാളി ചെറുതായി അരിഞ്ഞത് ചേര്‍ത്തു വഴറ്റുക, ഇതിലേക്ക് മല്ലിപൊടി , മഞ്ഞപൊടി , ഇറച്ചി മസാല കൂട്ട് , കായം എന്നിവ ചേര്‍ത്തു വഴറ്റുക..ഒരു തണ്ട് കറിവേപ്പിലയും ഇപ്പോള്‍ ചേര്‍ക്കാം . ഒന്നിളക്കിയതിനു ശേഷം കോഴി കഷണങ്ങള്‍ ചേര്ക്കാം , രണ്ടു മിനിട്ട് ഇളക്കിയതിനു ശേഷം ഉപ്പും വെള്ളവും ചേര്‍ത്ത് അടച്ചു വെച്ച് വേവിയ്ക്കുക.. 30 മിനിട്ട് കഴിയുമ്പോള്‍ വെന്തു പാകം ആകും, വെന്തു കഴിഞ്ഞു കടുകും കറി വേപ്പിലയും താളിച്ചു ചേര്‍ക്കാം.രുചികരമായ കോഴിക്കറി തയ്യാര്‍.

വാല്‍ക്കഷണം : തക്കാളി ഒന്നില്‍ കൂടുതല്‍ ചേര്‍ക്കണ്ട.രുചി മാറി പോകും.മുളക് പൊടിയുടെ ഇരട്ടി മല്ലിപ്പൊടി ചേര്‍ക്കണം. കറിയുടെ ചാറു കുറച്ചു കുറുകി ഇരിക്കുന്നതാണ് കൂടുതല്‍ രുചി

ചിക്കന്‍ കറി chicken curry

chicken curry

ആവശ്യമുള്ളവ;

ചിക്കന്‍ - 1കിലോ
സവോള- ഇടത്തരം 3എണ്ണം
തൈര് -അര കപ്പ്‌ അല്ലെങ്കില്‍ തക്കാളി-2എണ്ണം ഞാന്‍ തൈര് ആണ് എടുത്തത്‌...
ഇഞ്ചി- ഇടത്തരം കഷണം,
വെളുത്തിള്ളി 6 അല്ലി – ഇത് രണ്ടും പേസ്റ്റ് ആക്കുക ,
കൂടെ ഒരു പച്ചമുളകും അരയ്ക്കുക.
.
കുരുമുളക് പൊടി -3/4 ടേബിള്‍സ്പൂണ്‍
മല്ലിപ്പൊടി - 1 ടേബിള്സ്പൂ്ണ്‍
മഞ്ഞള്‍പ്പൊടി - 1/4 ടീസ്പൂണ്‍
വറുത്തിടാൻ :
പെരുംജീരകം - 1 ടേബിള്‍സ്പൂണ്‍
പച്ചമുളക് -5 രണ്ടായി കീറിയത്
കറിവേപ്പില-2 തണ്ട്
എണ്ണ , ഉപ്പ് , ചൂടു വെള്ളം എന്നിവ പാകത്തിന്

തയ്യാറാക്കുന്ന വിധം

ചിക്കന്‍ മുറിച്ചു കഷണങ്ങള്‍ ആക്കി കഴുകി വൃത്തിയാക്കി കുറച്ചു തൈരും മഞ്ഞള്പൊടിയും ഉപ്പും ചേർ ത്തു പുരട്ടി അര മണിക്കൂര്‍ വയ്ക്കുക.
ഇനി ഒരു ചീനച്ചട്ടിയില്‍ എണ്ണ ചൂടാക്കി സവാള വഴറ്റുക,ഏകദേശം വഴന്നു കഴിയുമ്പോള്‍ ഇഞ്ചി ,വെളുത്തുള്ളി ,പച്ചമുളക് എന്നിവ അരച്ചതും കൂടി വഴറ്റുക.
ഇതിലേയ്ക്ക് അരിഞ്ഞുവച്ച തക്കാളിയും ചേര്‍ത്തു വഴറ്റി (തക്കാളി ഇഷ്ടമില്ലാത്തവര്‍ക്ക് തൈര് ചേര്‍ക്കാം)
മല്ലിപ്പൊടി, മഞ്ഞള്‍ പൊടി , കുരുമുളക് പൊടി എന്നിവ വഴറ്റി ചിക്കന്‍ കഷണങ്ങള്‍ കൂടി ചേര്‍ക്കുക. ആവശ്യത്തിന് ഉപ്പുചേര്ത്ത്
( ചിക്കനില്‍ നേരത്തെ ഉപ്പ് പുരട്ടി വെച്ചിരുന്നത് കൊണ്ട് നോക്കിയതിനു ശേഷമേ ഉപ്പ് ചേര്‍ക്കാവു ) ഇവ വീണ്ടും നന്നായി അഞ്ചുമിനിറ്റുനേരം ഇളക്കുക. ഇനി ഒരു കപ്പ്‌ ചൂട് വെള്ളം ഒഴിയ്ക്കുക,
.
അടച്ചുവച്ച് 25 മിനിറ്റ് ചിക്കന്‍ വേവിയ്ക്കുക.
ചിക്കന്‍ നന്നായി വെന്ത് ചാറ് കുറുകുമ്പോള്‍
ഇതിലേയ്ക്ക് അഞ്ചു പച്ചമുളക് കീറിയത് , കറിവേപ്പില , പെരുംജീരകം എന്നിവ വറുത്തു കോരി കറിയുടെ മുകളില്‍ ഇടുക.ഇവ വറുത്ത് ഇടുമ്പോൾ കറിയ്ക്ക് ഒരു പ്രത്യേക മണവും രുചിയും കിട്ടും...ചിക്കന്‍ കറി തയ്യാര്‍...മല്ലിയില തൂവി അലങ്കരിയ്ക്കാം .

ടിപ്സ് :
ഒരുപാട് വെള്ളം കൂടി ചാറു വെള്ളം പോലെ ആയാല്‍ കറി നന്നാവില്ല 
പെരുംജീരകം പൊടിച്ചും മുഴുവനെയും ഇട്ടു ഈ കറി ഞാന്‍ ഉണ്ടാക്കി നോക്കിയിട്ടുണ്ട്.പൊടിയ്ക്കാതെ വറുത്ത് ഇടുന്നതാണ് നല്ലത്...
എരിവു കുറഞ്ഞാല്‍ കറി ഒരു രുചിയും കിട്ടില്ല, എരിവു കൂടുതല്‍ വേണമെങ്കില്‍ കൂട്ടിക്കോളൂ .നിങ്ങളുടെ ഇഷ്ടം...

ബട്ടര്‍ ചിക്കന്‍ : butter chicken

butter chicken

അര കിലോ എല്ലില്ലാത്തതോ എല്ലോടു കൂടിയതോ ആയ ചിക്കന്‍ ചെറിയ കഷണങ്ങളാക്കി കഴുകി വയ്ക്കുക.

മൂന്നു ഇടത്തരം സവാള ചതുരത്തില്‍ അരിഞ്ഞു വയ്ക്കുക.ഇഞ്ചിയും വെളുത്തുള്ളിയും പേസ്റ്റ് ആക്കിയത് ഏകദേശം രണ്ടു ടേബിള്‍ സ്പൂണ്‍ ,

ഒരു ചെറിയ തക്കാളി ചതുരത്തില്‍ അരിഞ്ഞത് എന്നിവ തയ്യാറാക്കി വയ്ക്കുക.തക്കാളി വഴറ്റി അരച്ച് ചേര്‍ക്കാനാണ്.ഇതിനു പകരംറ്റൊമാറ്റോ സോസ് ചേര്‍ക്കാന്‍ ഇഷ്ടമുള്ളവര്‍ക്ക് ഒരു സ്പൂണ്‍ സോസ് ചേര്‍ക്കാവുന്നതാണ് .ഞാന്‍ സോസ് ആണ് ചേര്‍ത്തത്.

ഇനി ഒരു വലിയ തക്കാളി വെള്ളത്തിലിട്ടു വേവിച്ചു തൊലി കളഞ്ഞു മിക്സറില്‍ വെള്ളം ചേര്‍ക്കാതെ അരച്ചെടുത്ത് റ്റൊമാറ്റോ പ്യുരി തയാറാക്കി വെയ്ക്കുക.

കുറച്ചു അണ്ടിപ്പരിപ്പ് വെള്ളത്തില്‍ കുതിര്‍ത്തു വെച്ച ശേഷം കുറച്ചു വെള്ളം ഒഴിച്ച്പേസ്റ്റ് രൂപത്തില്‍ അരച്ചെടുക്കുക.

ഫ്രഷ്‌ ക്രീം ,കസൂരി മേത്തി, മല്ലിയില എന്നിവ തയ്യാറാക്കി വയ്ക്കുക.

തയാറാക്കുന്ന വിധം :

കഴുകി വൃത്തിയാക്കിയ ചിക്കന്‍ അര ടേബിള്‍ സ്പൂണ്‍ കാശ്മീരി മുളക് പൊടിയും കാല്‍ ടീസ്പൂണ്‍ ഗരംമസാലയും പുരട്ടി 15 മിനിറ്റ് വയ്ക്കുക.

ഒരു പാന്‍ ചൂടാക്കിയ ശേഷം രണ്ടു ടേബിള്‍ സ്പൂണ്‍ എണ്ണ ഒഴിച്ച് ചൂടാകുമ്പോള്‍ സവാള അരിഞ്ഞത് വഴറ്റുക, ഏകദേശം വഴന്നു കഴിഞ്ഞാല്‍ ഇത് ഒരു പാത്രത്തിലേക്ക് മാറ്റി ചൂടാറുമ്പോള്‍ അരച്ചെടുക്കുക.

ഇനി ഇതേ പാനില്‍ ഏകദേശം മൂന്നു ടേബിള്‍ സ്പൂണ്‍ ബട്ടര്‍ ഇട്ടു ചൂടാകുമ്പോള്‍ചിക്കന്‍ കഷണങ്ങള്‍ ഇട്ടു വഴറ്റണം.
ഇനി ഇഞ്ചിയും വെളുത്തുള്ളിയും പേസ്റ്റ് ചേര്‍ത്ത് വഴറ്റുക.
ഒരു ടേബിള്‍ സ്പൂണ്‍ കാശ്മീരി മുളക് പൊടി ,ഒരു നുള്ള് മഞ്ഞള്‍പ്പൊടി , ഒരു ടേബിള്‍ സ്പൂണ്‍ മല്ലിപ്പൊടി , എന്നിവ ചേര്‍ത്ത് വഴറ്റുക.നന്നായി വഴണ്ടാല്‍ സവാള അരച്ചത്‌ ചേര്‍ത്ത് വഴറ്റുക,ഇനി റ്റൊമാറ്റോ പ്യുരി ചേര്‍ത്ത് ഇളക്കുക, റ്റൊമാറ്റോ സോസ് കൂടി ചേര്‍ത്ത് വഴറ്റുക..ഈ സമയം പാകത്തിന് ഉപ്പു ചേര്‍ക്കുക. ചെറിയ തീയില്‍ അടച്ചു വെച്ച് കുറച്ചു സമയം വേവിയ്ക്കുക.

ഏകദേശം വെള്ളം വറ്റി കഴിഞ്ഞു അടപ്പ് മാറ്റി മുക്കാല്‍ ടീസ്പൂണ്‍ ഗരം മസാല വിതറി ചേര്‍ക്കുക. അണ്ടിപ്പരിപ്പ് അരച്ചത്‌ കൂടി ചേര്‍ത്ത് ഇളക്കുക, അര ടീസ്പൂണ്‍ കസൂരിമേത്തി കൂടി ചേര്‍ത്ത് ഇളക്കുക,ഒരു കപ്പ്‌ ഫ്രഷ്‌ ക്രീം കൂടി ചേര്‍ത്ത് നന്നായി ഇളക്കുക.വളരെ ചെറിയ തീയില്‍ ആയിരിയ്ക്കണം.ഇനി അര സ്പൂണ്‍ കസൂരി മേത്തി കൂടി ചേര്‍ത്തിളക്കി മല്ലിയില കൂടി തൂകി തീ ഓഫാക്കുക.ബട്ടര്‍ ചിക്കന്‍ തയ്യാര്‍.ചപ്പാത്തി ,പൊറോട്ട ,നാന്‍ എന്നിവയുടെ കൂടെ കഴിയ്ക്കാ,.

ടിപ്സ്

ഈ റെസിപിയില്‍ കൃത്രിമ നിറമൊന്നും ചേര്‍ത്തിട്ടില്ല,കാശ്മീരി മുളക് പൊടി ചേര്‍ക്കുമ്പോള്‍ നിറം കിട്ടും.
കാശ്മീരി മുളക്പൊടിയുടെ അളവ് എരിവു അനുസരിച്ച്കൂ ട്ടാവുന്നതാണ് .ഫ്രഷ്‌ ക്രീം ഇല്ലെങ്കില്‍ പാല്‍ ചേര്‍ക്കാം,പക്ഷെ ക്രീം ചേര്‍ക്കുന്നതിന്റെ അത്ര രുചി കിട്ടില്ലെന്ന് മാത്രം.

ടേസ്റ്റ് ഒന്ന് ബാലന്‍സ് ചെയ്യാന്‍ ഒരു സ്പൂണ്‍ തേന്‍ ചേര്‍ക്കാം.

കസൂരി മേത്തി (dried fenugreek leaves) ആണ് ഈ ഡിഷിനു ആ പ്രത്യേക ഫ്ലേവര്‍ കൊടുക്കുന്നത് ,അതുകൊണ്ട് അത് തീര്‍ച്ചയായും ചേര്‍ക്കണം.

ചപ്പാത്തിയും ഉരുളകിഴങ്ങുകറിയും / chappati, poori and potato curry

poori and potato curry

ചപ്പാത്തി

1.ഗോതമ്പുപൊടി – മൂന്ന്‌ കപ്പ്‌

2.വെള്ളം , ഉപ്പ് – പാകത്തിന്

തയ്യാറാക്കുന്ന വിധം

ഗോതമ്പുപൊടി ,ഉപ്പ് ചേര്‍ത്ത് കുറേശ്ശെ വെള്ളം ഒഴിച്ച് കുഴച്ചെടുക്കുക .

മാവ് ഉണങ്ങിപോകാതിരിക്കനായി അല്പം എണ്ണ കുഴച്ച മാവിന്‍റെ മുകളില്‍ പുരട്ടി വെക്കുക.അല്ലെങ്കില്‍ ഒരു നനഞ്ഞ തുണി കൊണ്ട് മൂടിവക്കുക . ഇതിനെ പിന്നീട് കുഞ്ഞു കുഞ്ഞു ഉരുളകളാക്കി ,വട്ടത്തില്‍ പരത്തി എടുത്തു ചപ്പാതികല്ലില്‍മൊരിച്ചെടുക്കുക . വേണമെങ്കില്‍ ഓരോ

ചപ്പാത്തിയുടെയും മുകളില്‍ അല്പം നെയ്യ്‌ പുരട്ടി എടുക്കാം .ചൂടോടെ ഉപയോഗിക്കുക.

പൂരി

ആട്ട – രണ്ട് കപ്പ്‌

മൈദാ – അര കപ്പ്‌

നെയ്യ് അല്ലങ്കില്‍ എണ്ണ – 2 ടി സ്പൂണ്‍

ഉപ്പ് , വെള്ളം – പാകത്തിന്

എണ്ണ – വറത്ത് കോരാന്‍ ആവശ്യമായത്

തയ്യാറാക്കുന്ന വിധം

ആട്ടയും മൈദയും നെയ്യുമായി നന്നായി യോജിപ്പിക്കുക. എന്നിട്ട് വെള്ളവും ഉപ്പും ചേര്‍ത്ത് കുഴച്ചു എടുക്കുക .ചെറിയ ഉരുളകളാക്കി വട്ടത്തില്‍ (ഒരു ചെറിയ അടപ്പ് വെച്ച് വട്ടത്തില്‍ കട്ട്‌ ചെയ്ത്‌ എടുക്കുക)പരത്തുക .എണ്ണ വെട്ടി തിളക്കുമ്പോള്‍ ഓരോന്നും എണ്ണയില്‍ വറത്ത് കോരുക.

ഗ്രീന്‍പീസ്-ഉരുളകിഴങ്ങ് കറി

1.ഉരുളകിഴങ്ങ് – 3വലുത്

2.ഗ്രീന്‍പീസ്(മട്ടര്‍)- അര കപ്പ്‌ (ഫ്രഷ്‌മട്ടര്‍)

(പാക്കറ്റുകളില്‍ കിട്ടുന്ന ഉണങ്ങിയ ഗ്രീന്‍പീസ് അല്ല )

3.തക്കാളി – 3

4. സവാള – 1

5.ഇഞ്ചി – ഒരു ചെറിയ കഷണം

6.തൈര് – അര കപ്പ്‌

7.പച്ചമുളക് – 3

8.ഉപ്പ് – പാകത്തിന്

9.വെള്ളം – പാകത്തിന്

10.എണ്ണ – 3 ടേബിള്‍സ്പൂണ്‍

11.മല്ലിയില – കുറച്ച്‌.

12.ജീരകം – ഒരു നുള്ള്

13.കടുക് – ഒരു നുള്ള്

മസാലകള്‍

1.മല്ലിപൊടി – 1ടി സ്പൂണ്‍

2.മുളക്പൊടി – അര ടി സ്പൂണ്‍

3ഗരംമസാലപ്പൊടി – അര ടി സ്പൂണ്‍

4.മഞ്ഞള്‍പ്പൊടി – 1ടി സ്പൂണ്‍

തയ്യാറാക്കുന്ന വിധം

1.ഉരുളകിഴങ്ങ് പുഴുങ്ങി ,ഉടച്ചെടുക്കുക .

2.ഗ്രീന്‍പീസ് പുഴുങ്ങി എടുക്കുക.

3.തക്കാളി നീളത്തില്‍ അരിഞ്ഞുഎടുക്കുക.

4.സാവാളയും പച്ചമുളകും ഇഞ്ചിയും മിക്സിയില്‍ അരച്ചെടുക്കുക

ഇത്രയും ചെയ്തു വെച്ചാല്‍ ബാക്കിയുള്ള പണികള്‍ എളുപ്പമായി .

( A) ഒരു ചുവടു കട്ടിയുള്ള പാനില്‍ എണ്ണ ഒഴിക്കുക . എണ്ണ ചൂടാകുമ്പോള്‍ ജീരകവും കടുകും ഇടുക .

(B)ജീരകവും കടുകും പൊട്ടി തുടങ്ങുമ്പോള്‍ മിക്സിയില്‍ അരച്ചെടുത്ത കൂട്ട് ചേര്‍ക്കുക.

(C)നല്ലതുപോലെ വഴന്നു കഴിയുമ്പോള്‍ അതിലേക്കു തക്കാളിയും ഉപ്പും ആവശ്യമായ പൊടികളും ചേര്‍ത്ത് നന്നായ്‌ ഇളക്കി വഴറ്റുക.

(D) തീ കുറച്ചു വെച്ച് അതിലേക്കു ഉരുളകിഴ്ങ്ങും ഗ്രീന്‍പീസും ഒരു കപ്പ്‌ വെള്ളവും ചേര്‍ത്ത് ,കുറച്ച് മിനിട്ട് അടച്ച്‌ വെച്ച് വേവിക്കുക .(E)അതിലേക്കു ഉടച്ച തൈര് ചേര്‍ത്ത് നന്നായി ഇളക്കുക.നല്ലതുപോലെ കുറുകുമ്പോള്‍ (തിക്ക്ഗ്രേവി) തീ അണക്കുക.

(F)അതിനു ശേഷം കുറച്ച് മല്ലിയില അരിഞ്ഞത് മുകളില്‍ തൂവുക

പൂരിയുടെ കൂടയും ഈ കറി നല്ലതാണ്

അവിയൽ avial

ഓണം സ്പെഷ്യൽ:-

രുചിയും, പാകവും ഒത്ത് കിട്ടിയാൽ അവിയലിനോളം സ്വാദിഷ്ടമായ മറ്റൊരു കറി ഇല്ലാന്ന് തന്നെ പറയാം.പച്ചകറികളും ,അരപ്പും ചേർന്ന മണവും,പച്ചവെള്ളിച്ചെണ്ണയുടെ മണവും കൂടി ആകുമ്പോൾ അവിയലിന്റെ മണം കൊണ്ട് മാത്രം ചോറുണ്ണാം അതാണു നാടൻ അവിയലിന്റെ ഒരു സവിശെഷത. രുചിയിൽ മാത്രം അല്ല ,പോഷക സമ്പുഷ്ടവും ആണു നമ്മുടെ ഈ നാടൻ കറി.

അവിയലിനു സാധാരണ ചേർക്കുന്ന പച്ചകറികൾ ,പച്ചകായ,ചേന,വെള്ളരി,മുരിങ്ങക്ക,അച്ചിങ്ങ പയർ,ക്യാരറ്റ്,മത്തങ്ങ,പടവലം,ബീൻസ്,തുടങ്ങിയവ ഒക്കെ ആണു...നിങ്ങൾക്ക് ഇഷ്ടമുള്ള പച്ചകറികൾ എടുക്കാം.ഞാൻ ഉണ്ടാക്കിയത് പറയാം.

പച്ചകായ, ചേന,അച്ചിങ്ങ,ക്യാരറ്റ്,മുരിങ്ങക്ക,വെള്ളരി ഇത്രെം ആണു എടുതെ. എല്ലാം നീളത്തിൽ അരിഞ്ഞ് വക്കുക. 5 റ്റീകപ്പ് പച്ചകറികൾ ഉണ്ടായിരുന്നു.

പച്ചകറികൾ,1/2 റ്റീസ്പൂൺ മഞ്ഞൾപൊടി,1/2 റ്റീസ്പൂൺ മുളക് പൊടി(optional), പാകതിനു ഉപ്പ് ,വളരെ കുറച്ച് വെള്ളം എന്നിവ ചേർത്ത് ഇളക്കി അടച്ച് വച്ച് വേവിക്കുക.
പ്രെത്യേകം ശ്രദ്ധിക്കെണ്ട കാര്യം വെള്ളം കൂടരുത്.കാരണം പച്ചകറികൾ വെന്ത് അതിൽ നിന്നുള്ള വെള്ളവും ഇറങ്ങും,അപ്പൊ വെള്ളം ഒരുപാട് ആകും. അവിയൽ വെള്ളം ഉള്ളതായി പൊകും അപ്പൊ.

2.5 റ്റീകപ്പ് തേങ്ങ,2 നുള്ള് ജീരകം,4 പച്ചമുളക്,2 നുള്ള് മഞ്ഞൾപൊടി ഇവ മിക്സിയിൽ ഒന്ന് ഒതുക്കി എടുക്കുക.അരകല്ലിൽ ചെയ്യാൻ പറ്റിയാൽ എറ്റവും നന്ന്,അതു അവിയലിന്റെ രുചി കൂട്ടും.

പച്ചകറികൾ വെന്ത് വെള്ളം ഒക്കെ വലിഞ്ഞ് കഴിയുമ്പോൾ അരപ്പ് ചേർത്ത് നന്നായി ഇളക്കി ,പുളിക്കായി 4-5 റ്റീസ്പൂൺ തൈരും കൂടി ചേർത്തി ഇളക്കി,എല്ലാം കൂടി കൂട്ടി വച്ച് 3 മിനുറ്റ് കൂടി വേവിക്കുക.
തൈരിനു പുളി കൂടുതൽ ആണെങ്കിൽ അളവ് കുറക്കാം.ഇനി തൈരിനു പകരം നല്ല പുളിയുള്ള മാങ്ങയൊ,കുറച്ച് വാളൻ പുളി വെള്ളമൊ ചേർത്താലും മതി. എനിക്ക് തൈരു ചെർക്കുന്നതാണ് ഇഷ്ടം അതാണു തൈരു ഉപയൊഗിച്ചെ.

ഇനി തീ ഓഫ് ചെയ്ത് ,4 റ്റീസ്പൂൺ പച്ചവെള്ളിച്ചെണ്ണ,2 തണ്ട് കറിവേപ്പില,ഇവ ചേർത്ത് ഇളക്കി,5 മിനുറ്റ് അടച്ച് വച്ച് ,ശെഷം തുറന്ന് ഉപയോഗിക്കാം.രുചികരമായ അവിയൽ തയ്യാർ.

കരിമീന്‍ കറി karimeen curry

karimeen curry

ചേരുവകള്‍

കരിമീന്‍- 1/2 കിലോ
സവാള- 3 എണ്ണം
ഇഞ്ചി- 1 കഷ്ണം
പുളി- നെല്ലിക്കാ വലുപ്പത്തില്‍
മുളക്‌പൊടി- 2 ടീസ്പൂണ്‍
മഞ്ഞള്‍പ്പൊടി- 1 ടീസ്പൂണ്‍
പച്ചമുളക്- 3 എണ്ണം
കടുക്- 1 ടീസ്പൂണ്‍
ഉലുവ- 1/2 ടീസ്പൂണ്‍
ഉപ്പ്- പാകത്തിന്
എണ്ണ- ആവശ്യത്തിന്
കറിവേപ്പില- 1 തണ്ട്

തയ്യാറാക്കുന്ന വിധം

മീന്‍ മഞ്ഞള്‍ പുരട്ടിവെയ്ക്കുക. ഒരു ചട്ടിയില്‍ എണ്ണ ഒഴിച്ച് കടുകും ഉലുവയും പൊട്ടിക്കുക. ഇതിലേക്ക് സവാള, പച്ചമുളക്, ഇഞ്ചി എന്നിവ ചേര്‍ത്ത് വഴറ്റുക. ഇതിലേക്ക് മുളക്‌പൊടിയും മഞ്ഞള്‍പ്പൊടിയും ചേര്‍ത്ത് വീണ്ടും വഴറ്റുക. പുളി പിഴിഞ്ഞ വെള്ളവും ഉപ്പും ഇതിലേക്ക് ചേര്‍ത്ത് നന്നായി യോജിപ്പിക്കുക. തിളയ്ക്കുമ്പോള്‍ മീന്‍ കഷ്ണങ്ങളും കറിവേപ്പിലയും ചേര്‍ത്ത് ചട്ടി മൂടി വെയ്ക്കുക. മീന്‍ വെന്തുകഴിഞ്ഞാല്‍ ചൂടോടെ ഉപയോഗിക്കാം.

മീന്‍ വരട്ടിയത്‌

ചേരുവകള്‍

1. അയക്കൂറ- ചെറുതായി മുറിച്ചത്‌ (300 ഗ്രാം)

2. സവാള- രണ്ടെണ്ണം

3. ഇഞ്ചി- 20 ഗ്രാം

4. പച്ചമുളക്‌- 20 ഗ്രാം

5. വെളുത്തുള്ളി- 20 ഗ്രാം

6. തക്കാളി- ഒന്ന്‌

7. മുളകുപൊടി- 25 ഗ്രാം

8. മഞ്ഞള്‍പൊടി- 5 ഗ്രാം

9. കുരുമുളക്‌ പൊടി- 5 ഗ്രാം

10. മല്ലിപ്പൊടി- 15 ഗ്രാം

11. പെരുംജീരകപൊടി- 5 ഗ്രാം

12. കറിവേപ്പില- രണ്ടു തണ്ട്‌

13. വെളിച്ചെണ്ണ- ആവശ്യത്തിന്‌

14. ഉപ്പ്‌-പാകത്തിന്‌

പാകം ചെയ്യുന്ന വിധം

ചെറുതായി മുറിച്ച മീന്‍ കുറച്ച്‌ മസാല പുരട്ടി (മല്ലിപ്പൊടി, മഞ്ഞള്‍ പൊടി, മുളകുപൊടി) വെളിച്ചെണ്ണയില്‍ വറുത്തെടുക്കുക. ഉരുളിയില്‍ വെളിച്ചെണ്ണ ചൂടാക്കി അരിഞ്ഞ സവാള, ഇഞ്ചി, പച്ചമുളക്‌, കറിവേപ്പില എന്നിവ നന്നായി വഴറ്റുക. അതിലേക്ക്‌ ഉപ്പ്‌, മുളകുപൊടി, മല്ലിപ്പൊടി, മഞ്ഞള്‍പൊടി, കുരുമുളക്‌ പൊടി എന്നിവ ചേര്‍ത്തിളക്കി ചെറുതായി അരിഞ്ഞ തക്കാളി ചേര്‍ത്ത്‌ വഴറ്റുക. അതിനുശേഷം വറുത്ത മീനും പെരുംജീരകപ്പൊടിയും ചേര്‍ത്ത്‌ നന്നായി യോജിപ്പിക്കുക. തുടര്‍ന്ന്‌ ചൂടോടെ ഉപയോഗിക്കാം.

മത്തങ്ങാ കറി PUMPKIN CURRY

PUMPKIN CURRY

വേണ്ട സാധനങ്ങൾ --

മത്തങ്ങാ - ചതുരത്തിൽ മുറിച്ചത്
സവാള - നീളത്തിലോ ചതുരത്തിലോ അരിഞ്ഞത്
പച്ച മുളക് - കീറിയത്
തേങ്ങാ പാൽ - കട്ടിയുള്ളത്
ഇഞ്ചി വെളുത്തുള്ളി പേസ്റ്റ്
മുളക് പൊടി
ഗരം മസാല
മല്ലിപ്പൊടി
ജീരകം
കടുക്
എണ്ണ
മല്ലിയില
കുരുമുളക് ചതച്ചത്

അരപ്പിനു വേണ്ടത് - തേങ്ങ ചുരണ്ടിയത് ,വെളുത്തുള്ളി അല്ലി - 4-5,പച്ച മുളക് ,മഞ്ഞപ്പൊടി എന്നിവ മിക്സിയിൽ നന്നായി അരചെടുത്തത്

തയ്യാറാക്കുന്ന വിധം -

പാൻ ചൂടായി എണ്ണ ഉഴിച്ചു കടുക് പൊട്ടിയതിനു ശേഷം ജീരകം ചേർത്ത് കൊടുക്കുക ,കറിവേപ്പില ,പച്ച മുളക് എന്നിവ ചേർത്ത് ഇളക്കുക ,സവാള ഇട്ട് നന്നായി വഴറ്റുക , ശേഷം മത്തങ്ങാ ഇടുക ,സവാളയുമായി നന്നായി കൂട്ടി യോജിപ്പിച്ച് തേങ്ങാ പാലും ഉഴിച്ചു മൂടി വയ്ക്കുക ,മത്തങ്ങാ വെന്തു വരുമ്പോൾ അരപ്പും മറ്റു പൊടികളും എല്ലാം ചേർത്ത് കൊടുക്കുക , വെന്ത മത്തങ്ങാ കഷ്ണങ്ങൾ ഉടഞ്ഞു പോകാത്ത വിധം പതിയെ ഇളക്കുക,കുരുമുളക് ചതച്ചതും ചേർത്ത്,മല്ലിയിലയും തൂവി അടുപ്പിൽ നിന്നും വാങ്ങാം . വളരെ സ്വാദിഷ്ടമാണ്‌ ഈ കറി ,എല്ലാവരും ട്രൈ ചെയ്യുക