തലശ്ശേരി ദം ബിരിയാണി thalasheri dum biriyani

ചേരുവകൾ ,,,,,,,,
1. ചെറിയ ബസ്മതി അരി – 1 1/2 Kg
2. ചിക്കന്‍ – 2 1/2 Kg
3. നാടൻ നെയ്യ് - 250 ഗ്രാം
4. സവാള – 10 എണ്ണം
5. തക്കാളി – 10 എണ്ണം
6. പച്ചമുളക് – 10 -12 എണ്ണം
7. ഇഞ്ചി ചതച്ചത്- 1 ടേബിള്‍ സ്പൂണ്‍
8. വെളുത്തുളളി - 3-4 ചതച്ചത്
9. പൊതീനയില - ഒരു പിടി 
10. മല്ലിയില - ഒരു പിടി 
11. നാരങ്ങനീര് - 2 ടീ സ്പൂണ്‍
12. അണ്ടിപ്പരിപ്പ് - 25 ഗ്രാം
13. ഉണക്കമുന്തിരി - 25 ഗ്രാം
14. ഗരം മസാല - 1 ടീ സ്പൂണ്‍
15. കറുവപ്പട്ട - 4 കഷണം 
16. ഗ്രാമ്പൂ - 4
17. ഏലയ്ക്കാ - 5
18. റോസ് റോസ് വാട്ടര്‍- 1 1- 1 1/2 ടീ സ്പൂണ്‍
19. കുങ്കുമപ്പൂ 1/4 ടി സ്പൂണ്‍
 പാലില്‍ കലക്കിയത്തയ്യാറാക്കുന്ന വിധം ,,,,,,,,ഒരു പാത്രത്തിൽ 50 ഗ്രാം നെയ്യൊഴിച്ച് ചൂടാക്കുക. ചെറുതായി അരിഞ്ഞ സവാള ഇതിലെക്കിട്ട് നന്നായി വഴറ്റുക. നല്ല ബ്രൌണ് കളറാകുമ്പോള് കോരി മാറ്റാം. ഇതിനെ ബിസ്ത എന്ന് പറയും.ഇനി ഒരു പാത്രത്തിൽ അരിഞ്ഞ് വച്ചിരിക്കുന്ന തക്കാളി ഇട്ട് എണ്ണയില്ലാതെ നന്നായി വഴറ്റുക. തക്കാളി നന്നായി വാടിയ ശേഷം ചതച്ച പച്ചമുളകും ഇഞ്ചിയും വെളുത്തുള്ളിയും ഇട്ട് നന്നായി ഇളക്കുക. ഇത് മൂത്ത് വരുമ്പോള് അതിലേയ്ക്ക് ചിക്കന്‍ കഷണങ്ങൾ ഇടാം. ഇറച്ചി വേവുന്നതിനാവശ്യമായ വെള്ളം ഒഴിച്ച് ആവശ്യത്തിന് ഉപ്പും, അല്പം പൊതീനയും ഇട്ട് അടച്ച് വെച്ച് വേവിക്കുക. വേവാകും വരെ വെള്ളം വറ്റി പോവാതെ നോക്കണം. ആവശ്യമെങ്കില്‍ വീണ്ടും വെള്ളം ഒഴിക്കാം. ചിക്കന്‍ വെന്താല്‍ ഇതിലേക്ക് കുറേശെ ബിസ്ത ഇട്ടു കൊടുക്കുക. എന്നിട്ട് കുറച്ച് നേരം കൂടി അടച്ച് വയ്ക്കുക. അതിനു ശേഷം ഗരം മസാല, നാരങ്ങാ നീര് , ഒരു പിടി മല്ലിയില എന്നിവ ഇടുക. മല്ലിയില വാടുമ്പോള് ഇറച്ചി അടുപ്പില് നിന്നിറക്കാം.ഇനി ബിരിയാണിക്കുള്ള അരി വേവിക്കലാണ്. രണ്ട് ലിറ്ററ് വെള്ളം ഒരു പാത്രത്തിലെടുത്ത് തീയില് വയ്ക്കുക. ചൂടാകുമ്പോള് അതിലേയ്ക്ക് കറുവപ്പട്ട, ഗ്രാമ്പൂ, ഏലയ്ക്കാ എന്നിവ ഇടുക. വെള്ളം നന്നായി തിളയ്ക്കുമ്പോള് അതിലേയ്ക്ക് ബാക്കിയുള്ള നെയ്യ് പകുതി ഒഴിക്കുക. പാകത്തിന് ഉപ്പും ചേര്‍ത്ത് ഇളക്കിയ ശേഷം അരി നന്നായി കഴുകി വെള്ളത്തിലിടുക. 1 1/2 ടീ സ്പൂണ്‍ റോസ് വാട്ടറ് കൂടി ചേര്‍ത്ത് അടച്ച് വെച്ച് വേവിക്കുക. വെള്ളം വറ്റി കഴിഞ്ഞാല് പിന്നെ കുറച്ച് നേരം ആവിയില് വേവിക്കണം. ഏകദേശം എണ്പത് ശതമാനം വെന്ത് കഴിഞ്ഞാല് അത് തീയില് നിന്നും മാറ്റി വയ്ക്കുക. ഇനി തയ്യാറാക്കി വച്ചിരിക്കുന്ന ഇറച്ചി അടുപ്പില് വയ്ക്കുക. ഇറച്ചിക്കു മുകളിലായി അല്പം ബിസ്തയും മല്ലിയിലയും ഇടുക. അതിന് മുകളിലായി വെന്ത അരി ഇട്ട് ഒന്ന് തട്ടി നിരത്തിയിടുക. അതിലേയ്ക്ക് പാലില് കലക്കി വച്ചിരിക്കുന്ന കുങ്കുമപ്പൂ തളിക്കുക. ബിരിയാണിക്ക് കളറ് വരാനാണ് ഇങ്ങനെ ചെയ്യുന്നത്. അണ്ടിപ്പരിപ്പും മുന്തിരിയും വറുക്കാതെ അതിന് മുകളില് നിരത്തുക. അതിന് മുകളിലായി ബാക്കിയുള്ള ബിസ്ത കൂടി വിതറുക.മൈദാ മാവ് നനച്ച് പാത്രത്തിന്റെ മൂടിയും പാത്രവും ചേര്‍ത്ത് ആവി പോവാത്ത വിധം ഒട്ടിക്കുക. പാത്രത്തിന് മുകളില് കുറച്ചു കനല്‍ കൂടി വിതറിയിടുക. പത്ത് മിനിറ്റ് വേവിച്ചാല് തലശ്ശേരി ദം ബിരിയാണി റെഡി.

ചിക്കന്‍ ബട്ടര്‍ മസാല chicken butter masala

എല്ലില്ലാത്ത ചിക്കന്‍-അരക്കിലോ ബട്ടര്‍-100 ഗ്രാം ഇഞ്ചി-വെളുത്തുള്ളി പേസ്റ്റ്‌-2 ടീസ്‌പൂണ്‍ ഇഞ്ചി-1 കഷ്‌ണം അരിഞ്ഞത്‌ തക്കാളി-3 മുളകുപൊടി-1 ടീസ്‌പൂണ്‍ മഞ്ഞള്‍പ്പൊടി-1 ടീസ്‌പൂണ്‍ കസൂരി മേത്തി-4 ടേബിള്‍സ്‌പൂണ്‍ ഫ്രഷ്‌ ക്രീം-1 കപ്പ്‌ ഉപ്പ്‌ ഒരു പാനില്‍ എണ്ണ ചൂടാക്കുക. ഇതിലേയ്‌ക്ക്‌ ഇഞ്ചി-വെളുത്തുള്ളി പേസ്റ്റ്‌, ചിക്കന്‍ എന്നിവയിട്ട്‌ ഇളക്കണം. ചിക്കന്‍ ഗോള്‍ഡന്‍ ബ്രൗണ്‍ നിറമാകുമ്പോള്‍ ബട്ടര്‍ ചേര്‍ത്തിളക്കുക. ഇതിലേയ്‌ക്ക്‌ തക്കാളി അരച്ചു ചേര്‍ക്കുക. ഇത്‌ നല്ലപോലെ ഇളക്കുക. ഇതിലേയ്‌ക്ക്‌ മുളകുപൊടി, മഞ്ഞള്‍പ്പൊടി, ഉപ്പ്‌ എന്നിവ ചേര്‍ത്തിളക്കണം. ചിക്കന്‍ വെന്തു കഴിയുമ്പോള്‍ കസൂരി മേത്തി ചേര്‍ത്തിളക്കുക. പിന്നീട്‌ ഫ്രഷ്‌ ക്രീം, ഇഞ്ചി അരിഞ്ഞത്‌ എന്നിവ ചേര്‍ത്തിളക്കണം. ചിക്കന്‍ ബട്ടര്‍ മസാല തയ്യാര്‍.

ഘീ റൈസ് (നെയ്‌ച്ചോർ)

വീട്ടിൽ ഗസ്റ്റ് ഒക്കെ വരുമ്പോൾ പെട്ടെന്ന് ഉണ്ടാക്കാൻ പറ്റുന്ന ഒരു ഫാൻസി സംഭവം!
ഘീ റൈസ് (നെയ്‌ച്ചോർ)
************************************
ബാസ്മതി റൈസ് -1 1/2 കപ്പ് 
ചൂട് വെള്ളം -3 കപ്പ് 
സവാള കനം കുറച്ചു നീളത്തിലരിഞ്ഞത് -1
ഇഞ്ചി വെളുത്തുള്ളി ചെറുതായി അരിഞ്ഞത് -1 tb സ്പൂൺ
ഏലക്ക -3,ഗ്രാമ്പൂ-2 ,പട്ട -ചെറിയ കഷ്ണം ,ബേലീഫ് -1
നെയ്യ്,ഉപ്പ്,കാഷ്യു,കിസ്മിസ് -ആവശ്യത്തിന്.
അരി കഴുകി വെള്ളം വാർന്നു പോകാൻ വെക്കുക.പാനിൽ നെയ്‌ചൂടാക്കി കാഷ്യു കിസ്മിസ് വറുത്തു മാറ്റിവെക്കുക.ഇതിലേക്ക് സവാള ചേർത്ത് നന്നായി വഴറ്റിയെടുക്കുക.
ചുവട് കട്ടിയുള്ള ഒരു പാത്രത്തിൽ ഒരു സ്പൂൺ നെയ് ഒഴിച്ച് ചൂടാക്കുക.ഇഞ്ചി -വെളുത്തുള്ളി അരിഞ്ഞത് ചേർത്ത് ഒന്ന് വഴറ്റുക. തീയ് കുറച്ച ശേഷം വൃത്തിയാക്കി വെച്ചിരിക്കുന്ന അരിചേർത്തു നന്നായി ഇളക്കിയെടുക്കുക.ചൂടുവെള്ളംഒഴിച്ചശേഷം ഗ്രാമ്പൂ,ഏലക്ക,പട്ട,ബേയ് ലീഫ് എന്നിവയും ഉപ്പും ചേർത്ത് നന്നായി ഇളക്കി വറുത്തു വെച്ചിരിക്കുന്ന ഉള്ളിയിൽനിന്നും ഒരു സ്പൂണും ചേർത്ത് below മീഡിയം ഫെയ്മിൽ അടച്ചു വേവിക്കുക.10 -15 മിനിറ്റ് മതിയാകും.ഇടക്ക് മൂടിതുറന്നു ചെറുതായി ഇളക്കുക.വറുത്തു വെച്ചിരിക്കുന്ന കാഷ്യു,കിസ്മിസ്,ഉള്ളി,മല്ലിയില എന്നിവ ചേർത്ത് അലങ്കരിക്കാം.രണ്ടു സ്പൂൺ ചൂടുപാലിൽ ഒരു നുള്ള് കുങ്കുമപ്പൂവ്‌ അഞ്ച് മിനിട്ടു വെച്ചശേഷം ചേർത്തിളക്കിയാൽ കൂടുതൽ രുചിയും മണവും നിറവും കിട്ടും!

ചിക്കന്‍ ഡ്രൈഫ്രൈ

ആവശ്യമുള്ള സാധനങ്ങള്‍:

ചിക്കന്‍- അരക്കിലോ

മുളക് പൊടി- 2 ടീസ്പൂണ്‍

മഞ്ഞള്‍ പൊടി- അര ടീസ്പൂണ്‍

ഉപ്പ്- പാകത്തിന്

ഇഞ്ചി, വെളുത്തുള്ളി,

പച്ചമുളക് പേസ്റ്റാക്കിയത്- 2 ടേബിള്‍ സ്പൂണ്‍

ചെറുനാരങ്ങ- ഒന്ന്

കൊണ്‍ഫ്‌ളോര്‍ര്‍- 50ഗ്രാം

കറിവേപ്പില- 2 തണ്ട്

വെളിച്ചെണ്ണ- ആവശ്യത്തിന്

കുരുമുളക്: അല്പം

തയ്യാറാക്കുന്ന വിധം:

ചിക്കന്‍ വൃത്തിയാക്കി ചെറു കഷണങ്ങളാക്കുക. മുളക് പൊടി, മഞ്ഞള്‍പൊടി, ഉപ്പ്, കുരുമുളക് എന്നിവ ചേര്‍ത്ത് 15 മിനിട്ട് വെയ്ക്കുക. ഇഞ്ചി, വെളുത്തുള്ളി, പച്ചമുളക് പേസ്റ്റ് നാരങ്ങാ നീരുമായി ചേര്‍ത്ത് ചിക്കനില്‍ പുരട്ടി വെയ്ക്കുക.

അതിനു ശേഷം കോണ്‍ഫ്‌ളോര്‍ ചേര്‍ത്ത് നല്ല പോലെ കുഴയ്ക്കുക. ശേഷം ചീനച്ചട്ടിയില്‍ എണ്ണ ചൂടാക്കി ചിക്കന്‍ പൊരിച്ചെടുക്കാം. തവിട്ടു നിറമാകുമ്പോള്‍ എണ്ണയില്‍ നിന്നും വറുത്തു കോരണം. ഇതിലേക്ക് കറിവേപ്പിലയിട്ട് വറുത്തെടുത്ത് ചിക്കനു മുകളില്‍ വിതറാം.

ചിക്കൻ സമൂസ chicken samoosa

chicken samoosa

ചേരുവകൾ :

1. ചിക്കൻ - 5 പീസ്‌
2. സവാള - 2 എണ്ണം
3. പച്ചമുളക് - 2
4. മല്ലിയില - കുറച്ച്
5. വെളുത്തുള്ളി - 7 അല്ലി
6. ഇഞ്ചി - ചെറിയ കഷ്ണം
7. ഉപ്പ് - ആവശ്യത്തിനു
8. മഞ്ഞൾ പൊടി - കുറച്ച്
9. കുരുമുളക് - പൊടി
10. ഓയിൽ
11. സമൂസ ഷീറ്റ്

തയ്യാറാക്കുന്ന വിധം :

ചിക്കൻ ഉപ്പ് മഞ്ഞൾ കുരുമുളക് boil ചെയ്യുക .വേവിച്ച ചിക്കൻ എല്ലു മാറ്റി മിക്സിയിൽ അടിച്ചു എടുക്കുക. ഒരു പാൻ അടുപ്പിൽ വെച്ച് 3 ടേബിൾ സ്പൂൺ ഓയിൽ ഒഴിച്ച് ചൂടാകുമ്പോൾ വെളുത്തുള്ളി അരിഞ്ഞത് ഇഞ്ചി അരിഞ്ഞത് ചേർത്ത് ഒന്ന് വഴറ്റി അതിലേക്ക് ചെറുതായി അറിഞ്ഞു വെച്ച സവാള പച്ചമുളക് അരിഞ്ഞത് ഉപ്പ് മഞ്ഞൾ ഒരു നുള്ള് ഇട്ടു നന്നായി വഴറ്റി, അതിലേക്ക് ചതച്ചു വെച്ച ചിക്കൻ ഇട്ടു അരിഞ്ഞു വെച്ച മല്ലിയില ഉം ചേർത്ത് മിക്സ്‌ ചെയ്യുക. സമൂസ ഷീറ്റ് കോണ്‍ ആക്കി ee ഈമിക്സ്‌ അതിൽ 2 tsp ഇട്ട് മടക്കി എണ്ണയിൽ വറുത് കോരുക സ്വധിഷ്ട്ടമായ സമൂസ തയ്യാർ....!

ചിക്കന്‍ ഫ്രൈഡ് റൈസ് chicken fried rice

chicken fried rice

ചേരുവകൾ :

1. റൈസ് - രണ്ടു കപ്പ്‌ (ഗീ റൈസ് ആണ് നല്ലത്)
2. ചിക്കന്‍ - പത്തു കഷണം (ഒരു സ്പൂണ്‍ ഇഞ്ചി ,വെളുത്തുള്ളി
പേസ്റ്റ്..കാല്‍ ടീസ്പൂണ്‍ മഞ്ഞള്‍ പൊടിയും ,ഒരു ടീസ്പൂണ്‍ മുളക്
പൊടിയും ഉപയോഗിച്ച് അര മണിക്കൂര്‍ വെച്ചതിനു ശേഷം നന്നായി
വെളുത്തുള്ളി -രണ്ടെണ്ണം (ചെറുതായി അരി ന്നത് )
ബ്രൌണ്‍ കളര്‍ ആകുന്നത്‌ വരെ എണ്ണയില്‍ വറുത്തെടുക്കുക ....

3. എണ്ണ - രണ്ടു ടേബിള്‍ സ്പൂണ്‍
4. സവാള - ഒരെണ്ണം (ചെറുത്)
5. കാരറ്റ്‌ - ഒരെണ്ണം
6. ബീന്സ് - ഒരു കപ്പ്‌
7. കാബേജ് - കാല്‍ കപ്പ്‌
8. ക്യാപ്സിക്കം - ഒരു കപ്പ്‌
9. കുരുമുളക് പൊടി - അര ടീസ്പൂണ്‍
10. ചില്ലി സോസ് - ഒരു ടീസ്പൂണ്‍
11. സോയ സോസ് - രണ്ടു ടീസ്പൂണ്‍
12. ടോമടോ സോസ് - രണ്ടു ടീസ്പൂണ്‍
13. മുട്ട - രണ്ടെണ്ണം ( അര ടീസ്പൂണ്‍ എണ്ണയില്‍ ഒരു നുള്ള് ഉപ്പും ,ഒരു നുള്ള് കുരുമുളക് പൊടിയും ഇട്ടു നന്നായി വറുത്തെടുക്കുക ).
14. ഉപ്പ് - ആവശ്യത്തിന്
15. മല്ലിയില - ആവശ്യത്തിന്

തയ്യാറാക്കുന്ന വിധം :

ഒരു പാത്രം അടുപ്പില്‍ വെച്ച് , ചൂടായത്തിനു ശേഷം അതില്‍ രണ്ടു ടേബിള്‍ സ്പൂണ്‍ എണ്ണ ഒഴിചതിനു ശേഷം അരിഞ്ഞു വെച്ചിരിക്കുന്ന വെളുത്തുള്ളി അതിലിട്ടു നന്നായി വയറ്റി എടുക്കുക. അതിനു ശേഷം കാരറ്റ്‌ , ബീൻസ്, കാബേജ്, സവാള, ആവശ്യത്തിന് ഉപ്പ്, കുരുമുളക് പൊടി എന്നിവ ചേർത്ത് ചെറുതീയില്‍ വേവിച്ചെടുക്കുക. അതിനു ശേഷം കാപ്സികം, ചില്ലി സോസ്, ടോമടോ സോസ്, സോയ സോസ് ഇവ കൂടി ചേർത്ത് നന്നായി ഇളക്കി അഞ്ചു മിനിറ്റ് കൂടി വേവിക്കുക. അതിലേക്കു വറുത്തു വെച്ചിരിക്കുന്ന ചിക്കന്‍ പീസ്‌ ചെറിയ കഷണങ്ങള്‍ ആക്കി അതിലേക്കിട്ട് നന്നായി ഇളക്കി ഇറക്കി വെക്കുക.

ഒരു പാത്രം അടുപ്പില്‍ വെച്ചു, ചൂടായതിനുശേഷം ശേഷം അര ടീസ്പൂണ്‍ നെയ്യ്‌ (ആവശ്യമുണ്ടെങ്കില്‍ ടേസ്റ്റ് കൂടും) രണ്ടു ടീസ്പൂണ്‍ എണ്ണയും ഒയിച്ചു കഴുകി വൃത്യക്കിയ അരി നന്നായി വറുക്കുക. അതിലേക്കു മൂന്ന് കപ്പ്‌ വെള്ളവും ഒഴിച്ച് ആവശ്യത്തിന് ഉപ്പും ചേര്ത്ത് (വേണമെങ്കില്‍ ഒരു ഏലക്കായ,ഒരു കരാമ്പു, ഒരു കഷണം കറുവപ്പട്ട .....ഇവ കൂടി ഇട്ടു കൊടുക്കാം ) ഗി റൈസ് ഉണ്ടാക്കുന്നത് പോലെ വേവിച്ചെടുക്കുക. അതിനു ശേഷം
ആദ്യം ഉണ്ടാക്കിയ വെജിറ്റബിൾ ചിക്കന്‍ മിക്സിലേക്ക് റൈസ് കുറച്ച് കുറച്ച ഇട്ടു ഇളക്കി മിക്സ്‌ ചെയ്യാവുന്നതാണ്. അതിലേക്കു മുട്ട വറുത്തതും മല്ലിയിലയും കൂടി ചേർത്തു വിളമ്പാം....!

ചിക്കന്‍ ഉലര്‍ത്തിയത് .. chicken ularthiyad

chicken ularthiyad

ചിക്കന്‍ - അര കിലോ 
സവാള – ഒരെണ്ണം 
തക്കാളി – ഒരെണ്ണം 
മഞ്ഞള്‍ പൊടി - ഒരു നുള്ള്
മുളക് പൊടി – ഒരു സ്പൂണ്‍
മല്ലിപ്പൊടി- ഒരു സ്പൂണ്‍
വറ്റല്‍ മുളക് - നാല്
കുരുമുളകുപൊടി - അര ചെറിയ സ്പൂണ്‍
എണ്ണ - പാകത്തിന്
കറിവേപ്പില - രണ്ട് തണ്ട്
ഇഞ്ചി ( അരിഞ്ഞത്‌ ) - ഒരു ചെറിയ കഷ്ണം
ചിക്കന്‍ മസാല - അര ചെറിയ സ്പൂണ്‍
ഉലുവപ്പൊടി - അര ചെറിയ സ്പൂണ്‍
ജീരക പൊടി - ഒരു നുള്ള്
മല്ലി ഇല – ആവശ്യത്തിന്
ഉപ്പു – പാകത്തിന്

ചെയ്യുന്ന രീതി:-

ചിക്കന്‍ വൃത്തിയാക്കി , ചെറു കഷണങ്ങള്‍ ആക്കിയതിനുശേഷം ഉപ്പ് , മഞ്ഞള്‍പൊടി എന്നിവ ചേര്‍ത്ത് വേവിക്കുക. വെന്ത ഇറച്ചി ഒരു പാനില്‍ അല്‍പ്പം എണ്ണ ഒഴിച്ച് ചെറു തീയില്‍ വറുത്തെടുത്ത് മാറ്റി വെക്കുക , വറ്റല്‍ മുളകും, കുരുമുളകുപൊടിയും, മുളക് പൊടിയും ചേര്‍ത്ത് ചെറുതായി ചൂടാക്കിയ ശേഷം ഒന്ന് പൊടിച്ചെടുക്കുക വീണ്ടും എണ്ണ ചൂടാക്കി കടുക് പൊട്ടിച്ചശേഷം സവാള അരിഞ്ഞതും കറിവേപ്പില, ഇഞ്ചി, ഗരം മസാല, മല്ലിപൊടി, ഉലുവപൊടി, ജീരകപോടി എന്നിവ ചേര്‍ത്ത് വഴറ്റുക. വഴണ്ട് വരുമ്പോള് പൊടിച്ചു വെച്ച മസാല കൂട്ട് ചേര്‍ക്കുക വീണ്ടും അരിഞ്ഞു വെച്ച തക്കാളിയും വറുത്ത് വെച്ച ചിക്കനും ഇട്ട് ആവശ്യത്തിനു ഉപ്പും ചേര്‍ത്ത് ചെറുതീയില്‍ നന്നായി ഇളക്കി വഴറ്റി എടുക്കുക.. ഇതിലേക്ക് ഒരല്‍പം തേങ്ങാപാല്‍ ഒഴിച്ച് ചെറു തീയില്‍ ഉലര്‍ത്തി അരിഞ്ഞു വെച്ച മല്ലിയില ചേര്‍ത്ത് വാങ്ങുക..

അഫ്ഘാനി മൂര്‍ഗ (ചിക്കന്‍) Afghani murgh (chicken)

afghani murgh

ചേരുവകള്‍

1. വെളുത്തുള്ളി ഒരുകിലോ

2. ഉപ്പ് അരടീസ്പൂണ്‍

3. തൈര് 2കപ്പ്

4. നാരങ്ങാനീര് 4 ടേബിള്‍സ്പൂണ്‍

5. കുരുമുളക് പൊടിച്ചത് അരക്കപ്പ്

6. കോഴി വൃത്തിയാക്കിയ ഒരു കിലോ

തയ്യാറാക്കുന്ന വിധം:

തൊലികളഞ്ഞുവൃത്തിയാക്കിയ വെളുത്തുള്ളി അല്ലികള്‍ ഉപ്പുചേര്‍ത്ത് പേസ്റ്റുരൂപത്തില്‍ അരച്ചെടുക്കുക. അതിലേക്ക് തൈരും കുരുമുളകുപൊടിച്ചതും നാരങ്ങാനീരും ചേര്‍ത്തിളക്കുക. കോഴി തൊലികളഞ്ഞു കൊഴുപ്പുനീക്കി വൃത്തിയാക്കി പരന്ന കഷ്ണങ്ങളാക്കി മുറിച്ചെടുക്കുക. പേസ്റ്റില്‍ മുങ്ങിക്കിടക്കും വിധം ഒരു പാത്രത്തിലാക്കി ഫ്രിഡ്ജിലാക്കി വെക്കുക. ഒന്ന്-ഒന്നര ദിവസം അപ്രകാരമിരിക്കട്ടെ.

പേസ്റ്റിന്റെ ആവരണം തുടച്ചുനീക്കി ചിക്കന്‍ കഷ് ണങ്ങള്‍ ബ്രോയില്‍ ചെയ്‌തോ ഗ്രില്‍ ചെയ്‌തോ ഉപയോഗിക്കാം. കഷ് ്ണങ്ങള്‍ 8-10 മിനിറ്റുവീതം തിരിച്ചും മറിച്ചും വേണം ഗ്രില്‍ ചെയ്യാന്‍. ചൂടോടെ ഉപയോഗിക്കണം.6 പേര്‍ക്കുകഴിക്കാം

രെശ്മി ചിക്കന്‍ reshmi chicken

chicken reshmi

ചേരുവകള്‍ 1

    ഇഞ്ചി : രണ്ടിഞ്ചു വലുപ്പമുള്ള കഷ്ണം
    വെളുത്തുള്ളി : ആറേഴു ചുള
    ജീരകം : ഒരു ടീ സ്പൂണ്‍
    ഏലയ്ക്ക : ഒന്ന്
    പച്ച മുളക് : നാല്
    മല്ലിയില : ചെറുതായി അരിഞ്ഞത് : രണ്ടു ടേബിള്‍ സ്പൂണ്‍ 

ചേരുവകള്‍ 2

    എല്ലില്ലാത്ത കോഴി കഷ്ണങ്ങള്‍ ഉപ്പും കുരുമുളകും ചേര്‍ത്ത് വേവിച്ചത് : അര കപ്പ് (കഴിവതും ചതുര കഷ്ണങ്ങള്‍ ആയാല്‍ നല്ലത് )

    ക്യാപ്‌സിക്കം : രണ്ടു : ചതുരക്കഷ്ണങ്ങള് ആക്കിയത്
    സവാള : ഒന്ന് വലുത് : ചതുരക്കഷ്ണങ്ങള് ആക്കിയത് 

ചേരുവകള്‍ 3

    കടലമാവ് : മൂന്നു ടേബിള്‍ സ്പൂണ്‍
    ഓറഞ്ച് റെഡ് കളര്‍ : ഒരു തുള്ളി
    നാരങ്ങാ നീര് : ഒന്നിന്റെ
    ഉപ്പു : പാകത്തിന്
    തൈര് : രണ്ടു ടേബിള്‍ സ്പൂണ്‍
    കാശ്മീരി മുളക് പൊടി : രണ്ടു ടീ സ്പൂണ്‍ 

ചേരുവകള്‍ 4

    തക്കാളി : ഒന്ന് : ചൂട് വെള്ളത്തില്‍ ഇട്ട ശേഷം തൊലി കളഞ്ഞു മിക്‌സിയില്‍ നന്നായി അടിച്ചെടുത്തത്
    എണ്ണ : രണ്ടു ടേബിള്‍ സ്പൂണ്‍
    ഗരം മസാല : അര ടീ സ്പൂണ്‍
    എണ്ണ : വറക്കാന്‍
    വെണ്ണ : രണ്ടു ടീ സ്പൂണ്‍ 

    ചേരുവകള്‍ 1 മിക്‌സിയിലിട്ട് വെണ്ണ പോലെ അരച്ചെടുക്കുക.
    ചേരുവകള്‍ 3നന്നായി മിക്‌സ് ചെയ്ത് ഇതില്‍ ചേര്‍ക്കുക .
    ഇത് ഒരു വലിയ പാത്രത്തിലേയ്ക്ക് മാറ്റിയ ശേഷം ചിക്കന്‍ കഷ്ണങ്ങള്‍ ഇതില്‍ ചേര്‍ത്ത് നന്നായി ഇളക്കുക്.
    സവാളക്യാപ്‌സിക്കം കഷ്ണങ്ങളും ഇതില്‍ ചേര്‍ത്ത് ഇളക്കുക.
    ഇനി ഈ കൂട്ട് ഒരു പത്ത് മിനുട്ട് ഫ്രിഡ്ജില്‍ വയ്ക്കുക.
    എണ്ണ ചൂടാക്കി ചിക്കന്‍ കഷ്ണങ്ങള്‍ ക്രിസ്പിയായി വറുത്തെടുക്കുക.
    സവാളക്യാപ്‌സിക്കം കഷ്ണങ്ങള്‍ മസാല പുരണ്ടു ഒരു അഞ്ചു മിനുട്ട് കൂടി ഫ്രിഡ്ജില്‍ ഇരിക്കട്ടെ.
    ഇനി രണ്ടു ടേബിള്‍ സ്പൂണ്‍ എണ്ണ ചൂടാക്കി ഉള്ളിയും ക്യാപ്‌സിക്കവും നന്നായി വഴറ്റുക.
    ഉള്ളി നല്ല മൃദുവാകുന്നത് വരെ ഇളക്കുക.
    ഇനി തക്കാളി അരച്ചതും ബാക്കിയുള്ള മസാലയും (ചിക്കനും ഉള്ളിയും ക്യാപ്‌സിക്കവും എടുത്ത ശേഷവും കുറച്ച് മസാല പാത്രത്തില്‍ ബാക്കി കാണും ) ഇതില്‍ ചേര്‍ക്കുക.
    ഉപ്പു നോക്കിയാ ശേഷം വേണമെങ്കില്‍ അല്പം ഉപ്പു കൂടി ചേര്‍ത്ത ശേഷം വറുത്ത ചിക്കന്‍ കഷ്ണങ്ങള്‍ ഇതില്‍ ചേര്‍ക്കുക.
    വെണ്ണ ചേര്‍ത്ത് നന്നായി ഇളക്കുക.
    മസാലയും തക്കാളി ചാറും നന്നായി കഷ്ണങ്ങളില്‍ ! പിടിച്ചു കഴിയുമ്പോള്‍ ഗരം മസാല ചേര്‍ത്തിളക്കി അടുപ്പില്‍ നിന്നും വാങ്ങുക. 

ചൂടോടെ ചപ്പാത്തിയുടെയോ നാനിന്റെയോ റൊട്ടിയുടെയോ കൂടെ കഴിച്ചോളൂ .

ചിക്കന്‍ കറി(ചൈനീസ്) chicken curry chinese

chicken curry chinese

കോഴി-250ഗ്രാം

സവാള-2 എണ്ണം (വലുത്)

അജിനാമോട്ടോ-ഒരു ടീസ്പൂണ്‍

വെളുത്തിള്ളിചതച്ചത്-8ഇതള്‍

ഉപ്പ്-ആവശ്യത്തിന്

സെലറി-ഒരു തണ്ട് നുറുക്കിയത്

പാചകരീതി:
-സവാള അരിഞ്ഞത് എണ്ണയില്‍ ബ്രൗണ്‍ നിറമാകുന്നത് വരെ മൂപ്പിക്കുക. ഇതിലേക്ക് കോഴി ചെറിയ കഷ്ണങ്ങളാക്കിയത് വഴറ്റുക. തുടര്‍ന്ന് വെളുത്തുള്ളിക ചതച്ചിടുക. ഏകദേശം പത്തുമിനിട്ടോളം വഴറ്റിയ ശേഷം(അപ്പേഴേക്കും ഇറച്ചിക്ക് ബ്രൗണ്‍ നിറമാകും) നിരയെ വെള്ളഴിച്ച് ഉപ്പും അജിനാമോട്ടോയും ചേര്‍ത്ത് വേവിക്കുക. വെന്ത ശേഷം ഒരു ടേബിള്‍ സ്പൂണ്‍ വിനാഗിരി ചേര്‍ത്ത് തിളപ്പിക്കുക. സെലറി വിതറുക.

ചിക്കന്‍ മഞ്ചൂറിയന്‍ chicken manchurian

chicken manchurian

കോഴി-250ഗ്രാം

വെള്ളം-ഒന്നര കപ്പ്

മുട്ട-പകുതി

മൈദ-2ടേബിള്‍ സ്പൂണ്‍

കോണ്‍ ഫ്‌ലവര്‍-ഒരു ടേബിള്‍ സ്പൂണ്‍

ഉപ്പ്-ഒരു നുള്ള്

സോയാബീന്‍ സോസ്-ഒന്നര ടേബിള്‍ സ്പൂണ്‍

വിനാഗിരി-ഒന്നര ടേബിള്‍ സ്പൂണ്‍

വൂസ്റ്റര്‍ സോസ്-ഒരു ടേബിള്‍ സ്പൂണ്‍

ടുമോട്ടോ കെച്ചപ്പ്-ഒരു ടേബിള്‍ സ്പൂണ്‍

അജിനോ മോട്ടോ-ഒരു ടേബിള്‍ സ്പൂണ്‍ 

ഉപ്പ്,കുരുമുളക്‌പൊടി-ഒരു നുള്ള് വീതം

ഇഞ്ചി-ഒരു ചെറിയ കഷ്ണം

സെലറി-ഒരുതണ്ട് നുറുക്കിയത്

വെള്ളം ഒഴിച്ച് കോഴി വേവിക്കുക. വെന്തശേഷം വെള്ളം അരിച്ച് മാറ്റുക.എല്ലില്‍ നിന്ന് ഇറച്ചി മാറ്റി കൈകൊണ്ട് ചെറുതായി വേര്‍പെടുത്തുക.ബാറ്ററിന്റെ കൂട്ട് നന്നായി യോജിപ്പിച്ച ശേഷം ഇറച്ചി വിടര്‍ത്തിയെടുത്ത് ചേര്‍ക്കുക. കുറേശ്ശെ എണ്ണയില്‍ കോരിയിട്ട് വറുക്കുക. എണ്ണ ചൂടാക്കി ചതച്ച ഇഞ്ചിയും വെളുത്തുളളിയും വഴറ്റുക. ഇനി സോസുകളെല്ലാം ഇറച്ചി വെന്ത വെള്ളത്തില്‍ കലക്കി ചേര്‍ക്കുക. കുറുകി വരുമ്പോള്‍ കോഴി വറുത്തിട്ട് അടുപ്പത്ത് നിന്നെടുത്ത് സെലറി വിതറി ഉപയോഗിക്കുക. 

ചിക്കൻ കറി ( വടക്കൻ രീതിയിൽ )

chicken curry vadakkan

1.കോഴി

2.സവാള നീളത്തില്‍ അരിഞ്ഞത്-ഒരു കപ്പ്

പച്ച മുളക്-8

തക്കാളി കഷണങ്ങളാക്കിയത്-1

കറിവേപ്പില-ഒരു തണ്ട്

ഇഞ്ചി ചെറുതായി അരിഞ്ഞത്-ഒരു വലിയ കഷ്ണം

3.കുരുമുളക്-5

തേങ്ങചിരവിയത്-ഒരുകപ്പ്

ഗ്രാമ്പൂ-6

പട്ട- 3കഷണം

വലിയചീരകം-കാല്‍ ടീസ്പൂണ്‍

മല്ലി-അര ടീസ്പൂണ്‍

4.ഉപ്പ്-പാകത്തിന്

മഞ്ഞള്‍ പൊടി-പാകത്തിന്

വെളിച്ചെണ്ണ-അരയ്ക്കാല്‍ കപ്പ്

പാചകരീതി- 

രണ്ടാമത്തെ ചേരുവകള്‍ വെളിച്ചെണ്ണയില്‍ വഴറ്റി അതും മഞ്ഞള്‍പൊടി ഉപ്പ് എന്നിവയും കോഴിയില്‍ ചേര്‍ത്ത് വേവിക്കുക.മൂന്നാമത്തെ ചേരുവകള്‍ മയത്തല്‍ വേവിച്ചെടുക്കണം കോഴി വെന്ത് വരുമ്പോള്‍ മസാലചേര്‍ക്കണം. വെന്തതിന് ശേഷം ചൂടോടെ ഉപയോഗിക്കണം.

നാടന്‍ കോഴിക്കറി nadan chicken curry

nadan chicken curry

ആവശ്യമുള്ളവ:
കോഴി, ചെറിയ കഷണം ആക്കി മുറിച്ചത്- 1 കിലോ
ഇഞ്ചി - ഒരു വലിയ തുണ്ടം കൊത്തിയരിഞ്ഞത്‌
വെളുത്തുള്ളി - 8 അല്ലി, അരിഞ്ഞത്
പച്ചമുളക് – 3 എണ്ണം രണ്ടായി കീറിയത്
സവാള – ഇടത്തരം 2 എണ്ണം അരിഞ്ഞത്
കുഞ്ഞുള്ളി – 10 എണ്ണം
തക്കാളി - ചെറിയ ഒരെണ്ണം
ചിക്കന്‍ മസാല കൂട്ട് :
കറുകപ്പട്ട - ഒരു ചെറിയ കഷണം
ഗ്രാമ്പൂ - അഞ്ചു എണ്ണം
ഏലയ്ക്ക - 7 എണ്ണം
ജാതിപത്രി - ഒരു ചെറിയ കഷണം
പെരുംജീരകം - അര ടേബിള്‍ സ്പൂണ്‍
കുരുമുളക് - അര ടീസ്പൂണ്‍
തക്കോലം - ഒന്ന്
..ഇവ ചൂടാക്കി മിക്സറില്‍ പൊടിച്ചു എടുക്കുക.
മുളകു പൊടി - 1 ടേബിള്‍ സ്പൂണ്‍
മല്ലി പൊടി - 2 ടേബിള്‍ സ്പൂണ്‍
(മുളകും മല്ലിയും ചൂടാക്കി പൊടിയ്ക്കുക.)
മഞ്ഞള്‍ പൊടി - 1/2 ടീസ്പൂണ്‍
കടുക് - 1 ടീസ്പൂണ്‍
കായം - ഒരു ചെറിയ കഷണം
തേങ്ങാക്കൊത്ത് - അര കപ്പ്‌
കറിവേപ്പില - 2 തണ്ട്
വെളിച്ചെണ്ണ - കുറച്ച്‌
ഉപ്പ് - പാകത്തിന്

ഉണ്ടാക്കേണ്ട വിധം:
ഒരു പാനിലോ അടി കട്ടിയുള്ള ചീനച്ചട്ടിയിലോ വെളിച്ചെണ്ണ ഒഴിച്ച് ചൂടാകുമ്പോള്‍ ഇഞ്ചിയും വെളുത്തുള്ളിയും ഇട്ട് വഴറ്റുക, ഇഞ്ചിയും വെളുത്തുള്ളിയും ഒന്ന് വാടി കഴിയുമ്പോള്‍ തേങ്ങാക്കൊത്ത് ചേര്‍ക്കുക. തേങ്ങാ ഒന്ന് ബ്രൌണ്‍ നിറം ആയി വരുമ്പോള്‍ പച്ചമുളകും സവാള അരിഞ്ഞതും കുഞ്ഞുള്ളി അരിഞ്ഞതും ചേര്‍ത്തു നന്നായി വഴറ്റുക. ഇതിലേക്ക് മുളക് പൊടി ചേര്‍ത്തു മൂപ്പിക്കുക, മുളക് പൊടി മാത്രമായി ഇട്ടു മൂപ്പിക്കണം. മുളക് പൊടി മൂത്തതിനു ശേഷം തക്കാളി ചെറുതായി അരിഞ്ഞത് ചേര്‍ത്തു വഴറ്റുക, ഇതിലേക്ക് മല്ലിപൊടി , മഞ്ഞപൊടി , ഇറച്ചി മസാല കൂട്ട് , കായം എന്നിവ ചേര്‍ത്തു വഴറ്റുക..ഒരു തണ്ട് കറിവേപ്പിലയും ഇപ്പോള്‍ ചേര്‍ക്കാം . ഒന്നിളക്കിയതിനു ശേഷം കോഴി കഷണങ്ങള്‍ ചേര്ക്കാം , രണ്ടു മിനിട്ട് ഇളക്കിയതിനു ശേഷം ഉപ്പും വെള്ളവും ചേര്‍ത്ത് അടച്ചു വെച്ച് വേവിയ്ക്കുക.. 30 മിനിട്ട് കഴിയുമ്പോള്‍ വെന്തു പാകം ആകും, വെന്തു കഴിഞ്ഞു കടുകും കറി വേപ്പിലയും താളിച്ചു ചേര്‍ക്കാം.രുചികരമായ കോഴിക്കറി തയ്യാര്‍.

വാല്‍ക്കഷണം : തക്കാളി ഒന്നില്‍ കൂടുതല്‍ ചേര്‍ക്കണ്ട.രുചി മാറി പോകും.മുളക് പൊടിയുടെ ഇരട്ടി മല്ലിപ്പൊടി ചേര്‍ക്കണം. കറിയുടെ ചാറു കുറച്ചു കുറുകി ഇരിക്കുന്നതാണ് കൂടുതല്‍ രുചി

ചിക്കൻ തോരൻ chicken thoran

chicken thoran

ചേരുവകള്‍
ചിക്കന്‍ കഷ്ണങ്ങള്‍ (എല്ലില്ലാത്തത് ചെറുതായി അരിഞ്ഞത്) - 1/2 കിലോ
സവാള (അരിഞ്ഞത്) - 2 കപ്പ്
വെളുത്തുള്ളി (അരിഞ്ഞത്) - 2 ടീസ്പൂണ്‍
ഇഞ്ചി കൊത്തിയരിഞ്ഞത് - 2 ടീസ്പൂണ്‍
പച്ചമുളക് - അരിഞ്ഞത് - 8
ചിക്കന്‍മസാലപൊടി - 2 ടീസ്പൂണ്‍
കുരുമുളക് (പൊടിച്ചത)് - 1 ടീസ്പൂണ്‍
കടുക് 1 ടീസ്പൂണ്‍
കറിവേപ്പില
തേങ്ങ തിരുമ്മിയത് 1 കപ്പ്
മല്ലിയില - 1 /2 കപ്പ്
ഉപ്പ്
എണ്ണ
ജീരകം 1 ടീസ്പൂണ്‍
വയണയില - ഒന്ന്
ഉഴുന്ന് പരിപ്പ് - 1 ടീസ്പൂണ്‍.

പാചകം ചെയ്യുന്ന വിധം.
ഒരു കടായിയില്‍ 3 ടീസ്പൂണ്‍ എണ്ണയെടുത്ത് ചൂടാക്കുക. കടുക്, ജീരകം,കറിവേപ്പില, ഇഞ്ചി, ഉഴുന്ന്പരിപ്പ്, വെളുത്തുള്ളി എ്ന്നിവ ഇതിലേക്കിടുക.

തുടര്‍ന്ന് പച്ചമുളകും സവാളയും ചേര്‍ക്കുക, നന്നായി ഇളക്കി അല്‍പ്പം കഴിഞ്ഞ് ഇതിലേക്കിട്ട് ചിക്കന്‍ ഇടുക. ചെറുതായി ഇളക്കി പരസ്പരം ചേര്‍കണം. ചിക്കന്‍ മസാല, കുരു മുളകു പൊടി, മഞ്ഞള്‍ പൊടി എന്നിവ ഇതിലേക്കിട്ട് മി്ക്‌സ് ചെയ്യണം.

ഇതിലേക്ക് 2 കപ്പ് വെള്ളം ഒഴിക്കുക. പാത്രം അടച്ച് വേവിക്കുക. വെള്ളം വറ്റുമ്പോള്‍ തേങ്ങ തിരുമ്മിയത് ഇടുക. അല്‍പനേരം കൂടി പാകം ചെയ്യുക. അരിഞ്ഞ മല്ലിയില കൂടിയിട്ട് ഇളക്കുക. രുചികരമായ ചിക്കന്‍ തോരന്‍ തയ്യാര്‍.

ചിക്കന്‍ കറി chicken curry

chicken curry

ആവശ്യമുള്ളവ;

ചിക്കന്‍ - 1കിലോ
സവോള- ഇടത്തരം 3എണ്ണം
തൈര് -അര കപ്പ്‌ അല്ലെങ്കില്‍ തക്കാളി-2എണ്ണം ഞാന്‍ തൈര് ആണ് എടുത്തത്‌...
ഇഞ്ചി- ഇടത്തരം കഷണം,
വെളുത്തിള്ളി 6 അല്ലി – ഇത് രണ്ടും പേസ്റ്റ് ആക്കുക ,
കൂടെ ഒരു പച്ചമുളകും അരയ്ക്കുക.
.
കുരുമുളക് പൊടി -3/4 ടേബിള്‍സ്പൂണ്‍
മല്ലിപ്പൊടി - 1 ടേബിള്സ്പൂ്ണ്‍
മഞ്ഞള്‍പ്പൊടി - 1/4 ടീസ്പൂണ്‍
വറുത്തിടാൻ :
പെരുംജീരകം - 1 ടേബിള്‍സ്പൂണ്‍
പച്ചമുളക് -5 രണ്ടായി കീറിയത്
കറിവേപ്പില-2 തണ്ട്
എണ്ണ , ഉപ്പ് , ചൂടു വെള്ളം എന്നിവ പാകത്തിന്

തയ്യാറാക്കുന്ന വിധം

ചിക്കന്‍ മുറിച്ചു കഷണങ്ങള്‍ ആക്കി കഴുകി വൃത്തിയാക്കി കുറച്ചു തൈരും മഞ്ഞള്പൊടിയും ഉപ്പും ചേർ ത്തു പുരട്ടി അര മണിക്കൂര്‍ വയ്ക്കുക.
ഇനി ഒരു ചീനച്ചട്ടിയില്‍ എണ്ണ ചൂടാക്കി സവാള വഴറ്റുക,ഏകദേശം വഴന്നു കഴിയുമ്പോള്‍ ഇഞ്ചി ,വെളുത്തുള്ളി ,പച്ചമുളക് എന്നിവ അരച്ചതും കൂടി വഴറ്റുക.
ഇതിലേയ്ക്ക് അരിഞ്ഞുവച്ച തക്കാളിയും ചേര്‍ത്തു വഴറ്റി (തക്കാളി ഇഷ്ടമില്ലാത്തവര്‍ക്ക് തൈര് ചേര്‍ക്കാം)
മല്ലിപ്പൊടി, മഞ്ഞള്‍ പൊടി , കുരുമുളക് പൊടി എന്നിവ വഴറ്റി ചിക്കന്‍ കഷണങ്ങള്‍ കൂടി ചേര്‍ക്കുക. ആവശ്യത്തിന് ഉപ്പുചേര്ത്ത്
( ചിക്കനില്‍ നേരത്തെ ഉപ്പ് പുരട്ടി വെച്ചിരുന്നത് കൊണ്ട് നോക്കിയതിനു ശേഷമേ ഉപ്പ് ചേര്‍ക്കാവു ) ഇവ വീണ്ടും നന്നായി അഞ്ചുമിനിറ്റുനേരം ഇളക്കുക. ഇനി ഒരു കപ്പ്‌ ചൂട് വെള്ളം ഒഴിയ്ക്കുക,
.
അടച്ചുവച്ച് 25 മിനിറ്റ് ചിക്കന്‍ വേവിയ്ക്കുക.
ചിക്കന്‍ നന്നായി വെന്ത് ചാറ് കുറുകുമ്പോള്‍
ഇതിലേയ്ക്ക് അഞ്ചു പച്ചമുളക് കീറിയത് , കറിവേപ്പില , പെരുംജീരകം എന്നിവ വറുത്തു കോരി കറിയുടെ മുകളില്‍ ഇടുക.ഇവ വറുത്ത് ഇടുമ്പോൾ കറിയ്ക്ക് ഒരു പ്രത്യേക മണവും രുചിയും കിട്ടും...ചിക്കന്‍ കറി തയ്യാര്‍...മല്ലിയില തൂവി അലങ്കരിയ്ക്കാം .

ടിപ്സ് :
ഒരുപാട് വെള്ളം കൂടി ചാറു വെള്ളം പോലെ ആയാല്‍ കറി നന്നാവില്ല 
പെരുംജീരകം പൊടിച്ചും മുഴുവനെയും ഇട്ടു ഈ കറി ഞാന്‍ ഉണ്ടാക്കി നോക്കിയിട്ടുണ്ട്.പൊടിയ്ക്കാതെ വറുത്ത് ഇടുന്നതാണ് നല്ലത്...
എരിവു കുറഞ്ഞാല്‍ കറി ഒരു രുചിയും കിട്ടില്ല, എരിവു കൂടുതല്‍ വേണമെങ്കില്‍ കൂട്ടിക്കോളൂ .നിങ്ങളുടെ ഇഷ്ടം...

ചില്ലി ചിക്കന്‍

chilli chicken

ആവശ്യമായവ:
.............................

ചിക്കന്‍ - 500 ഗ്രാം
എല്ലോടു കൂടിയതോ എല്ല് ഇല്ലാത്തതോ ആയ ചിക്കന്‍ എടുക്കാം .ചെറിയ കഷണങ്ങളായി മുറിയ്ക്കുക.

ചിക്കന്‍ മാരിനേറ്റു ചെയ്യുവാന്‍ :

മുട്ടയുടെ വെള്ള - ഒന്നിന്റെ
കോണ്‍ ഫ്ലോര്‍ - 2 ടേബിള്‍സ്പൂണ്‍
സോയാ സോസ് - ഒന്നര ടേബിള്‍സ്പൂണ്‍
ഇഞ്ചിയും വെളുത്തുള്ളിയും അരിഞ്ഞത് - ഒന്നര ടേബിള്‍സ്പൂണ്‍
കാശ്മീരി മുളകുപൊടി- അര ടീസ്പൂണ്‍
കുരുമുളക് പൊടീ - 1/4 ടീസ്പൂണ്‍
പച്ചമുളക് -3 എണ്ണം
ഉപ്പു - പാകത്തിന്

ഇനി സോസ് ഉണ്ടാക്കുവാന്‍ വേണ്ടത് :

സവാള - 2 ഇടത്തരം ,ചതുരത്തില്‍ അരിഞ്ഞത്
കാപ്സികം - 1 വലുത് ; ചതുരത്തില്‍ അരിഞ്ഞത്
ഇഞ്ചിയും വെളുത്തുള്ളിയും ചെറുതായി അരിഞ്ഞത് - ഒരു സ്പൂണ്‍ വീതം
കാശ്മീരി മുളക് പൊടി - 1 ടീസ്പൂണ്‍
സോയാ സോസ് - 1 ടേബിള്‍സ്പൂണ്‍
ടോമാറ്റോ സോസ് - 1 ടേബിള്‍സ്പൂണ്‍
എണ്ണ / ഉപ്പു എന്നിവ പാകത്തിന്

ഉണ്ടാക്കുന്ന വിധം:
.........................................

ചിക്കന്‍ മാരിനേറ്റു ചെയ്യുവാന്‍ പറഞ്ഞിരിയ്ക്കുന്ന ചേരുവകളില്‍ നിന്നും ആദ്യം ഇഞ്ചിയും വെളുത്തുള്ളിയും പച്ചമുളകും കൂടി ഒരു ടേബിള്‍ സ്പൂണ്‍ വെള്ളം ചേര്‍ത്തു ഒരു മിക്സറില്‍ പേസ്റ്റ് രൂപത്തില്‍ അരച്ച് എടുക്കുക. എന്നിട്ട് മാരിനേറ്റു ചെയ്യുവാനുള്ള ബാക്കി ചേരുവകളും കൂടി ചേര്‍ത്തു ചിക്കന്‍ നന്നായി മാരിനേറ്റ് ചെയ്തു ഫ്രിഡ്ജില്‍ 1 - 2 മണിക്കൂര്‍ വെക്കുക.

ഒരു പാനില്‍ എണ്ണ ചൂടാക്കി മാരിനേറ്റ് ചെയ്ത ചിക്കന്‍ ഗോള്‍ഡണ്‍ കളര്‍ ആകുന്നത് വരെ ഫ്രൈ ആക്കി എടുക്കുക

ഇനി മറ്റൊരു പാനില്‍ എണ്ണ ചൂടാക്കുക ( ചിക്കന്‍ ഫ്രൈ ചെയ്യാന്‍ എടുത്ത എണ്ണ തന്നെ ഉപയോഗിക്കാം )
ഇതിലേക്ക് സവാളയും , കാപ്സിക്കവും അരിഞ്ഞത് ചേര്‍ത്തു വഴറ്റുക. ( സവാള ഒന്നു സോഫ്റ്റ് ആയാല്‍ മതി .. സവാള കടിക്കുന്ന പരുവത്തില്‍ ആയാല്‍ മതി എന്നര്‍ത്ഥം ...നന്നായി നിറം മാറണ്ട ആവശ്യമില്ല )
ഇതിലേക്ക് ഇഞ്ചി , വെളുത്തുള്ളി എന്നിവ അരിഞ്ഞത്ചേര്‍ത്തു മൂന്നു നാലു മിനിറ്റ് വഴറ്റുക.
കാശ്മീരി മുളക് പൊടി ഒരു കപ്പ് വെള്ളത്തില്‍ കലക്കി അതിലേക്കു ചേര്‍ക്കുക. തിളക്കുമ്പോള്‍ സോയാ സോസും , ടുമാറ്റോ സോസും ചേര്‍ത്തു നന്നായി ഇളക്കുക.

ഇതിലേക്ക് വറുത്ത് വെച്ചിരിക്കുന്ന ചിക്കന്‍ കഷണങ്ങളും ചേര്‍ത്തു ഇളക്കുക.
മീഡിയം തീയില്‍ അടച്ചു വെച്ചു , സോസെല്ലാം കുറുകി ചിക്കനില്‍ പിടിക്കുന്നത് വരെ വേവിക്കുക.
രുചികരമായ ചില്ലി ചിക്കന്‍ തയ്യാര്‍ ...
സ്പ്രിംഗ് ഒനിയന്‍ വട്ടത്തില്‍ മുറിച്ചു ചേര്‍ത്തു അലങ്കരിയ്ക്കാം.
ഫ്രൈഡ് റൈസിന്‍റെ കൂടെയോ , പൊറോട്ട, നെയ്ച്ചോര്‍ എന്നിവയുടെ കൂടെയോ കഴിക്കാം

ടിപ്സ് :
സോയാ സോസ് ചേര്‍ക്കുന്നത് കൊണ്ട് ഉപ്പ് പാകമാണോ എന്നു നോക്കിയതിന് ശേഷമേ ഉപ്പ് വീണ്ടും ചേര്‍ക്കാവൂ ... ചിക്കന്‍ മാരിനേറ്റു ചെയ്തു ഒരു രാത്രി മുഴുവന്‍ ഫ്രിഡ്ജില്‍ വെച്ചിട്ട് പിന്നീട് വറുത്താല്‍ കൂടുതല്‍ രുചികരമാണ്. ഒരുപാട് അങ്ങ് ഫ്രൈ ആകാതെയും നോക്കണം

ബട്ടര്‍ ചിക്കന്‍ : butter chicken

butter chicken

അര കിലോ എല്ലില്ലാത്തതോ എല്ലോടു കൂടിയതോ ആയ ചിക്കന്‍ ചെറിയ കഷണങ്ങളാക്കി കഴുകി വയ്ക്കുക.

മൂന്നു ഇടത്തരം സവാള ചതുരത്തില്‍ അരിഞ്ഞു വയ്ക്കുക.ഇഞ്ചിയും വെളുത്തുള്ളിയും പേസ്റ്റ് ആക്കിയത് ഏകദേശം രണ്ടു ടേബിള്‍ സ്പൂണ്‍ ,

ഒരു ചെറിയ തക്കാളി ചതുരത്തില്‍ അരിഞ്ഞത് എന്നിവ തയ്യാറാക്കി വയ്ക്കുക.തക്കാളി വഴറ്റി അരച്ച് ചേര്‍ക്കാനാണ്.ഇതിനു പകരംറ്റൊമാറ്റോ സോസ് ചേര്‍ക്കാന്‍ ഇഷ്ടമുള്ളവര്‍ക്ക് ഒരു സ്പൂണ്‍ സോസ് ചേര്‍ക്കാവുന്നതാണ് .ഞാന്‍ സോസ് ആണ് ചേര്‍ത്തത്.

ഇനി ഒരു വലിയ തക്കാളി വെള്ളത്തിലിട്ടു വേവിച്ചു തൊലി കളഞ്ഞു മിക്സറില്‍ വെള്ളം ചേര്‍ക്കാതെ അരച്ചെടുത്ത് റ്റൊമാറ്റോ പ്യുരി തയാറാക്കി വെയ്ക്കുക.

കുറച്ചു അണ്ടിപ്പരിപ്പ് വെള്ളത്തില്‍ കുതിര്‍ത്തു വെച്ച ശേഷം കുറച്ചു വെള്ളം ഒഴിച്ച്പേസ്റ്റ് രൂപത്തില്‍ അരച്ചെടുക്കുക.

ഫ്രഷ്‌ ക്രീം ,കസൂരി മേത്തി, മല്ലിയില എന്നിവ തയ്യാറാക്കി വയ്ക്കുക.

തയാറാക്കുന്ന വിധം :

കഴുകി വൃത്തിയാക്കിയ ചിക്കന്‍ അര ടേബിള്‍ സ്പൂണ്‍ കാശ്മീരി മുളക് പൊടിയും കാല്‍ ടീസ്പൂണ്‍ ഗരംമസാലയും പുരട്ടി 15 മിനിറ്റ് വയ്ക്കുക.

ഒരു പാന്‍ ചൂടാക്കിയ ശേഷം രണ്ടു ടേബിള്‍ സ്പൂണ്‍ എണ്ണ ഒഴിച്ച് ചൂടാകുമ്പോള്‍ സവാള അരിഞ്ഞത് വഴറ്റുക, ഏകദേശം വഴന്നു കഴിഞ്ഞാല്‍ ഇത് ഒരു പാത്രത്തിലേക്ക് മാറ്റി ചൂടാറുമ്പോള്‍ അരച്ചെടുക്കുക.

ഇനി ഇതേ പാനില്‍ ഏകദേശം മൂന്നു ടേബിള്‍ സ്പൂണ്‍ ബട്ടര്‍ ഇട്ടു ചൂടാകുമ്പോള്‍ചിക്കന്‍ കഷണങ്ങള്‍ ഇട്ടു വഴറ്റണം.
ഇനി ഇഞ്ചിയും വെളുത്തുള്ളിയും പേസ്റ്റ് ചേര്‍ത്ത് വഴറ്റുക.
ഒരു ടേബിള്‍ സ്പൂണ്‍ കാശ്മീരി മുളക് പൊടി ,ഒരു നുള്ള് മഞ്ഞള്‍പ്പൊടി , ഒരു ടേബിള്‍ സ്പൂണ്‍ മല്ലിപ്പൊടി , എന്നിവ ചേര്‍ത്ത് വഴറ്റുക.നന്നായി വഴണ്ടാല്‍ സവാള അരച്ചത്‌ ചേര്‍ത്ത് വഴറ്റുക,ഇനി റ്റൊമാറ്റോ പ്യുരി ചേര്‍ത്ത് ഇളക്കുക, റ്റൊമാറ്റോ സോസ് കൂടി ചേര്‍ത്ത് വഴറ്റുക..ഈ സമയം പാകത്തിന് ഉപ്പു ചേര്‍ക്കുക. ചെറിയ തീയില്‍ അടച്ചു വെച്ച് കുറച്ചു സമയം വേവിയ്ക്കുക.

ഏകദേശം വെള്ളം വറ്റി കഴിഞ്ഞു അടപ്പ് മാറ്റി മുക്കാല്‍ ടീസ്പൂണ്‍ ഗരം മസാല വിതറി ചേര്‍ക്കുക. അണ്ടിപ്പരിപ്പ് അരച്ചത്‌ കൂടി ചേര്‍ത്ത് ഇളക്കുക, അര ടീസ്പൂണ്‍ കസൂരിമേത്തി കൂടി ചേര്‍ത്ത് ഇളക്കുക,ഒരു കപ്പ്‌ ഫ്രഷ്‌ ക്രീം കൂടി ചേര്‍ത്ത് നന്നായി ഇളക്കുക.വളരെ ചെറിയ തീയില്‍ ആയിരിയ്ക്കണം.ഇനി അര സ്പൂണ്‍ കസൂരി മേത്തി കൂടി ചേര്‍ത്തിളക്കി മല്ലിയില കൂടി തൂകി തീ ഓഫാക്കുക.ബട്ടര്‍ ചിക്കന്‍ തയ്യാര്‍.ചപ്പാത്തി ,പൊറോട്ട ,നാന്‍ എന്നിവയുടെ കൂടെ കഴിയ്ക്കാ,.

ടിപ്സ്

ഈ റെസിപിയില്‍ കൃത്രിമ നിറമൊന്നും ചേര്‍ത്തിട്ടില്ല,കാശ്മീരി മുളക് പൊടി ചേര്‍ക്കുമ്പോള്‍ നിറം കിട്ടും.
കാശ്മീരി മുളക്പൊടിയുടെ അളവ് എരിവു അനുസരിച്ച്കൂ ട്ടാവുന്നതാണ് .ഫ്രഷ്‌ ക്രീം ഇല്ലെങ്കില്‍ പാല്‍ ചേര്‍ക്കാം,പക്ഷെ ക്രീം ചേര്‍ക്കുന്നതിന്റെ അത്ര രുചി കിട്ടില്ലെന്ന് മാത്രം.

ടേസ്റ്റ് ഒന്ന് ബാലന്‍സ് ചെയ്യാന്‍ ഒരു സ്പൂണ്‍ തേന്‍ ചേര്‍ക്കാം.

കസൂരി മേത്തി (dried fenugreek leaves) ആണ് ഈ ഡിഷിനു ആ പ്രത്യേക ഫ്ലേവര്‍ കൊടുക്കുന്നത് ,അതുകൊണ്ട് അത് തീര്‍ച്ചയായും ചേര്‍ക്കണം.

കോഴിക്കോടന്‍ ചിക്കൻ ബിരിയാണി kozhikodan chicken biriyani

kozhikodan chicken biriyani

1.ബസ്മതി അരി – ഒരു കിലോ

2.നെയ്യ് – 250 ഗ്രാം

3.ഗ്രാമ്പൂ – നാല്

4.കറുക പട്ട -ചെറുതാക്കിയ നാല് കഷണങ്ങള്‍

5.ഏലക്ക – 3 എണ്ണം

6.അണ്ടിപ്പരിപ്പ് -10 എണ്ണം

7.കിസ്മിസ്‌ – ഒരു വലിയ സ്പൂണ്‍

8.സവാള – അര കപ്പ്‌ കനം കുറഞ്ഞു അരിഞ്ഞത്‌

9.വെള്ളം -ആവശ്യത്തിന്

10.ഉപ്പ് – പാകത്തിന്

11.കോഴി ഇറച്ചി – ഒരു കിലോ

12.പച്ചമുളക് – 100ഗ്രാം

13.ഇഞ്ചി വെളുത്തുള്ളി പേസ്റ്റ് – രണ്ടു വലിയ സ്പൂണ്‍

14.മല്ലിയില ,പുതിനയില ഇവ ചെറുതായി അരിഞ്ഞത്‌ – മൂന്ന് ടേബിള്‍സ്പൂണ്‍

15.നാരങ്ങ നീര് – രണ്ടു വലിയ സ്പൂണ്‍

16.കസ് കസ്(പോപ്പി സീഡ്‌ ) – രണ്ടു ടേബിള്‍സ്പൂണ്‍(വെള്ളത്തില്‍ പത്ത്‌ മിനുട്ട് കുതുര്‍ത്ത് വെക്കുക ,പിന്നീട് പേസ്റ്റ് ആക്കുക )

17.തൈര് – ഒരു കപ്പ്‌

18. ഏലക്ക -6

ജാതിക്ക -കാല്‍ കഷണം

ജാതിപത്രി -ഒരു വലിയ സ്പൂണ്‍

ഗ്രാമ്പൂ -4

പട്ട -1

പെരുംജീരകം-ഒരു വലിയ സ്പൂണ്‍

( ഇവ നന്നായി പൊടിച്ചെടുക്കുക .ഇതാണ് ബിരിയാണി മസാല കൂട്ട്)

19.മുട്ട പുഴുങ്ങിയത് – രണ്ട്

20.ഉപ്പ് – പാകത്തിന്

21.കോഴി കഷണങ്ങള്‍ മാരിനറ്റ്‌ ചെയ്യുവാന്‍

മഞ്ഞള്‍ പൊടി – അര ടി സ്പൂണ്‍

മുളക് പൊടി – ഒരു ടി സ്പൂണ്‍

ഉപ്പ് – പാകത്തിന്

22.കറി വേപ്പില - ഒരു തണ്ട്

23.മല്ലിയില അരിഞ്ഞത് – കുറച്ചു

തയ്യാറാക്കുന്ന വിധം

*ചിക്കന്‍ മഞ്ഞള്‍ ,മുളക് പൊടി, ഉപ്പ് ഇവ തേച്ച് പിടുപ്പിച്ചു അര മണിക്കൂര്‍ മാറ്റി വെക്കുക .(ഫ്രിഡ്ജില്‍ വെക്കുന്നതാണ് നല്ലത് )

*ബിരിയാണി അരി നെയില്‍ വറുത്തു ശേഷം ആവശ്യമായ ഉപ്പും വെള്ളവും കറുക പട്ടയും ഏലക്ക,ഗ്രാമ്പൂവും ചേര്‍ത്ത് തിളപ്പിക്കുക .(ഒരു കപ്പ്‌ അരിക്ക് രണ്ടു കപ്പ്‌ വെള്ളം എന്ന കണക്കില്‍ ).

*അരി പകുതി വേവാകുമ്പോള്‍ വാര്‍ത്തെടുതത് ഒരു പരന്ന പത്രത്തില്‍ നിരത്തി തണുക്കാന്‍ വെക്കുക .

*ഒരു പാനില്‍ നെയ്യ് ചൂടാക്കി അതില്‍ അണ്ടിപ്പരിപ്പ്,കിസ്മിസ്‌ ഇവ വറുത്തു കോരുക .

*അതെ നെയ്യില്‍ തന്നെ പകുതി സവാള നല്ല കരുകരുപ്പായി വറക്കുക. മാറ്റി വെച്ച ശേഷം ആവശ്യമെങ്കില്‍ കുറച്ചു നെയ്യ് കൂടി ചേര്‍ത്ത് മരിനറ്റ്‌ ചെയ്ത ചിക്കന്‍ വറുത്തു മാറ്റുക .(മൊരിയേണ്ട ആവശ്യമില്ല )

*അതെ നെയ്യില്‍ ബാകി സവാള വഴറ്റുക .ഈ നെയ്യ്‌ പിന്നിട് ആവശ്യമായി വരും .

*ഒരു ബിരിയാണി ചെമ്പില്‍ അല്പം നെയ്യ് ഒഴിച്ച് അതില്‍ സവാള വഴട്ടിയത് ,കോഴിയിറച്ചി,ഇഞ്ചി വെളുത്തുള്ളി പേസ്റ്റ് ,മല്ലി -പുതിനയില പേസ്റ്റ് ,നാരങ്ങ നീര് ,കറി വേപ്പില ,മല്ലി അരച്ചത്‌ ,പോപ്പി സീഡ്‌ അരച്ചത്‌ ,തൈര് ,ബിരിയാണി മസാല പൊടിച്ചതില്‍ പകുതി ,പാകത്തിന് ഉപ്പും ചേര്‍ത്ത് നല്ലവണ്ണം യോജിപ്പിക്കണം .ഇതു ചെറിയ തീയില്‍ വേവാന്‍ അനുവദിക്കുക .ചിക്കന്‍ പാകത്തിന് വെന്തു കഴിയുമ്പോള്‍ തീ അണക്കുക.

*ഇതിനു മുകളില്‍ വെന്ത ചോറില്‍ പകുതി നിരത്തുക .

*ഇതിനു മീതെ വറുത്തു കോരിയ സവാള ,അണ്ടിപ്പരിപ്പ്,എന്നിവയും ബാക്കി ബിരിയാണി മസാല പൊടിയും വിതറുക .ഇതിനു മീതെ ബാകി ചോറ് നിരത്തുക . സവാള വഴറ്റിയ നെയ്യ് ഇതിനു മുകളില്‍ ഒഴിക്കുക .

*ചെമ്പ് ,അടപ്പ് കൊണ്ട് അടക്കുക .ആവി പുറത്തു പോകാതിരിക്കാന്‍ വേണ്ടി അടപ്പിന് ചുറ്റും മൈദാ മാവ് കുഴച്ചു ഒട്ടിക്കുക .15 മിനുട് വേവിക്കുക (150 ഡിഗ്രി സെല്‍ഷ്യസ്).(അടുപ്പിലാണ്നെങ്കില്‍ പത്തോ പന്ത്രണ്ടോ ചിരട്ട കത്തിച്ചു ആ തീയില്‍ 15 മിനുട് വേവിച്ചു പിന്നീട് തീ അണച്ച് ആ കനലില്‍ മുക്കാല്‍ മണിക്കൂര്‍ വെക്കണം )

*ഇതിനുശേഷം അടപ്പ് തുറന്നു എല്ലാം കൂടി ഇളക്കി മുകളില്‍ മുട്ട പുഴുങ്ങി യതും മല്ലിയിലയും തൂവി ചൂടോടു കൂടി ഉപയോഗിക്കാം .

*തൈര് -ഉള്ളി സലാട് ,നാരങ്ങ അച്ചാര്‍,പപ്പടം എന്നിവ ഈ ബിരിയാണിയുടെ സൈഡ് ഡിഷ്‌ ആയി കഴിക്കാവുന്നതാണ് 

ചിക്കന്‍ ഉലര്‍ത്തിയത് chicken ularthiyad

chicken ularthiyad

ആവശ്യമായവ:
• ചിക്കന്‍ - ഒരു കിലോ
• സവാള – ഒന്നര
• മഞ്ഞള്‍ പൊടി - 1 ടീസ്പൂണ്‍
• മുളക് പൊടി – ഒന്നര ടേബിള്‍ സ്പൂണ്‍
• മല്ലിപ്പൊടി- ഒരു ടേബിള്‍ സ്പൂണ്‍
• കുരുമുളകു പൊടി - 1/2 ടേബിള്‍ സ്പൂണ്‍
• ഗരം മസാല - ഒരു ടേബിള്‍ സ്പൂണ്‍
• പെരുംജീരകം - 1/2 ടേബിള്‍ സ്പൂണ്‍
• കറിവേപ്പില - രണ്ട് തണ്ട്
• പച്ചമുളക് – 2 • തക്കാളി - 1 വലുത്
• ഇഞ്ചി - ഒരു ചെറിയ കഷ്ണം
• വെളുത്തുള്ളി - 7 അല്ലി
• കടുക് മല്ലി ഇല – ആവശ്യത്തിന്
• വെളിച്ചെണ്ണ, ഉപ്പ്– പാകത്തിന്

പാചകം ചെയ്യുന്ന വിധം:

1. ചിക്കന്‍ ചെറിയ കഷണങ്ങളാക്കിയതിനു ശേഷം കഴുകി വൃത്തിയാക്കി കുറച്ചു മഞ്ഞള്‍പൊടിയും ഉപ്പും കുറച്ചു ഇഞ്ചിയും വെളുത്തുള്ളിയും അരച്ചതും കുറച്ചു മുളക് പൊടിയും ചേര്‍ത്തു അര മണിക്കൂര്‍ വെയ്ക്കുക.
2. ഇനി ഒരു പാനില്‍ ആവശ്യത്തിനു എണ്ണ ഒഴിച്ച് ചിക്കന്‍ അധികം മൊരിയാതെ വറത്തെടുക്കുക.നന്നായി ഫ്രൈ ആകരുത്.
3. ഒരു പാനില്‍ ചിക്കന്‍ വറത്ത വെളിച്ചെണ്ണ ഒഴിച്ച് കറിവേപ്പിലയും കടുകും താളിച്ചു ബാക്കിയുള്ള ഇഞ്ചിയും വെളുത്തുള്ളിയും ചതച്ചതും ഉള്ളിയും പച്ചമുളകും അരിഞ്ഞതും ചേര്‍ത്തു വഴറ്റുക.
4. നന്നായി വഴറ്റിയതിനു ശേഷം ഇതിലേക്ക് മഞ്ഞള്‍പൊടിയും മുളക് പൊടിയും മല്ലിപൊടിയും ചേര്‍ത്തു മൂപ്പിചെടുക്കുക.തക്കാളി അരിഞ്ഞത് വഴറ്റുക.ആവശ്യത്തിനു ഉപ്പ് ചേര്‍ക്കുക.
5. തക്കാളി നന്നായി വഴന്നു എണ്ണ തെളിഞ്ഞാല്‍ ഗരം മസാലയും പെരുംജീരകവും ചേര്‍ത്തു മൂപ്പിയ്ക്കുക.ഇതിലേക്ക് ചിക്കനും ചേര്‍ത്തു നന്നായി ഇളക്കി യോജിപ്പിച്ച് ചെറുതീയില്‍ പത്തു മിനിറ്റ് അടച്ചു വെയ്ക്കുക..അതിനു ശേഷം ഒന്ന് കൂടി ഇളക്കി ചേര്‍ത്തു തീയണയ്ക്കുക .ചിക്കന്‍ ഉലര്‍ത്തിയത് തയ്യാര്‍..............
6. മല്ലിയില വിതറിയോ കറിവേപ്പില വറത്തിട്ടോ അലങ്കരിയ്ക്കാം.

വാല്‍ക്കഷണം :
മുളക് പൊടി ചേര്‍ക്കാതെ കുരുമുളക് മാത്രം ചേര്‍ത്താലും നല്ലതാണ്. കുരുമുളകിന്റെ അളവു കൂട്ടണം എന്ന് മാത്രം,അവരവരുടെ ഇഷ്ടം അനുസരിച്ചു എരിവു കൂട്ടുകയോ കുറയ്ക്കുകയോ ചെയ്യാം . ചിക്കന്‍ വറക്കുമ്പോള്‍ ഉപ്പ് ചേര്‍ക്കുന്നത് കൊണ്ട് മസാല തയ്യാറാക്കുമ്പോള്‍ ആവശ്യത്തിനു മാത്രം ചേര്‍ക്കാന്‍ ശ്രദ്ധിയ്ക്കുക. ചിക്കന്‍ വറത്ത എണ്ണയില്‍ തന്നെ മസാലക്കൂട്ട് വഴട്ടുന്നതാണ് നല്ലത്.

ക്രിസ്പി ഫ്രൈഡ് ചിക്കന്‍ crispy fried chicken

crispy fried chicken

എല്ലായ്പ്പോഴും ബ്രോസ്റ്റെട് ചിക്കന്‍ ബൂഫിയയില്‍ നിന്നും വാങ്ങിക്കഴിക്കുന്നത് ആരോഗ്യത്തിനു ഹാനികരം ആണെന്ന് നമുക്കെല്ലാവര്‍ക്കും അറിയാമല്ലോ. എന്നാല്‍ നമ്മുടെ അടുക്കളയില്‍ തന്നെയുള്ള സാധനങ്ങള്‍ ഉപയോഗിച്ച് രുചി ഒട്ടും കുറയാതെ തന്നെ നമുക്ക് സ്വന്തം വീട്ടില്‍ ഒന്ന് പരീക്ഷിച്ചാലോ

ആവശ്യമുള്ള സാധനങ്ങള്‍

ചിക്കന്‍ കഷണങ്ങള്‍ - 10 എണ്ണം
ഇഞ്ചി വെളുത്തുള്ളി പേസ്റ്റ് – 1 ½ ടേബിള്‍ സ്പൂണ്‍
വറ്റല്‍ മുളക് – 8-10 എണ്ണം
മുട്ട – 1 എണ്ണം
ചില്ലി സോസ് - 1 ½ ടേബിള്‍ സ്പൂണ്‍
മൈദ – 2 ½ ടേബിള്‍ സ്പൂണ്‍
കോണ്‍ ഫ്ലോര്‍ - 1 ½ ടേബിള്‍ സ്പൂണ്‍
കോണ്‍ ഫ്ലെക്സ് കൈകൊണ്ടു പൊടിച്ചെടുത്തത് - 1 ½ കപ്പ്
വിനാഗിരി - 2 ½ ടേബിള്‍ സ്പൂണ്‍
ഉപ്പു , എണ്ണ – ആവശ്യത്തിനു

ഉണ്ടാക്കുന്ന വിധം

ആദ്യം വറ്റല്‍ മുളക് 1 ½ ടേബിള്‍ സ്പൂണ്‍ വിനാഗിരിയില്‍ അര മണിക്കൂര്‍ കുതിര്‍ത്തു വെക്കണം . അതിനു ശേഷം നന്നായി അരച്ച് പേസ്റ്റ് ആക്കണം.
ഒരു ബൌളില്‍ മൈദ, കോണ്‍ ഫ്ലോര്‍ , ഇഞ്ചി വെളുത്തുള്ളി പേസ്റ്റ്, മുട്ട, ചില്ലി സോസ്, വറ്റല്‍ മുളക് പേസ്റ്റ്, ബാക്കിയിരിക്കുന്ന വിനാഗിരി, ഉപ്പ് എന്നിവ നന്നായി യോജിപ്പിച്ച് ചിക്കന്‍ കഷണങ്ങളില്‍ പുരട്ടി ഒരു മണിക്കൂര്‍ ഫ്രിഡ്ജിന്റെ താഴെ തട്ടില്‍ വെക്കുക.
അതിനു ശേഷം ചിക്കന്‍ കഷണങ്ങള്‍ പുറത്തു എടുത്തു കൈകൊണ്ടു പൊടിച്ചെടുത്ത കോണ്‍ ഫ്ലെക്സില്‍ നന്നായി മുക്കി പൊത്തിയെടുക്കണം. 10 മിനുട്ട് വെക്കുക.
ഫ്രയിംഗ് പാനില്‍ ആവശ്യത്തിനു എണ്ണയൊഴിച്ച് ചൂടാക്കി ഈ ചിക്കന്‍ കഷണങ്ങള്‍ ബ്രൌണ്‍ നിറമാകുന്നതു വരെ തിരിച്ചും മറിച്ചും ഇട്ടു വറുത്തു കോരിയെടുക്കുക. തീ അധികം കൂട്ടി വെക്കരുത്.
ഗാര്‍ലിക് മയോനൈസും , ടൊമാറ്റോ കെച്ചപ്പും കൂട്ടി കുബ്ബൂസിന്‍റെ കൂടെ കഴിക്കാം