ചോക്കലേറ്റ് മില്‍ക്ക് ഷേക്ക് Chocolate milk shake

Chocolate milk shake

വളരെ പെട്ടെന്ന് തയ്യാറാക്കാന്‍ കഴിയുന്ന ഒരു വിഭവമാണിത്.

ചേരുവകള്‍
പാല്‍- 1 കപ്പ്
പഞ്ചസാര- 4 ടേബിള്‍ സ്പൂണ്‍
കൊക്കോപ്പൊടി – 1 1/2 ടേബിള്‍ സ്പൂണ്‍
ചോക്കലേറ്റ് ഐസ്‌ക്രീം- 1/2 കപ്പ്

തയ്യാറാക്കുന്ന വിധം

പാല്‍, പഞ്ചസാര, കൊക്കോ പൗഡര്‍ എന്നിവ മിക്‌സിയില്‍ അടിച്ചെടുത്ത് ചോക്കലേറ്റ് ഐസ്‌ക്രീം ചേര്‍ത്ത് ലഘുവായി യോജിപ്പിച്ചതിന് ശേഷം ഉപയോഗിക്കുക.

അട പ്രഥമൻ ada pradhaman

ada pradhaman

പ്രധാന ചേരുവകൾ

1. അട - 250 ഗ്രാം
2. ശർക്കര - 600 ഗ്രാം
3. തേങ്ങ - 2
4. ഉണക്കമുന്തിരി - 15
5. അണ്ടിപ്പരിപ്പ് - 15 എണ്ണം
6. ഏലയ്ക്കാപ്പൊടി - 5
7. നെയ്യ് - പാകത്തിന്
8. തേങ്ങാക്കൊത്ത് - കുറച്ച്

പാകം ചെയ്യുന്ന വിധം

ശർക്കര ചൂടുവെള്ളത്തിൽ ചേർത്ത് ശർക്കര പാനീയമുണ്ടാക്കുക. തേങ്ങ തിരുമ്മി ഒന്നാം പാ‍ൽ, രണ്ടാം പാൽ, മൂന്നാം പാൽ എന്നിവയെടുത്ത് മാറ്റി വയ്ക്കുക. എന്നിട്ട് അട വേവിച്ച് തണുത്തവെള്ളത്തിൽ വാർത്തെടുക്കുക. അതിനുശേഷം അട ശർക്കരയിൽ വഴറ്റിയെടുക്കുക. അതിലേക്ക് രണ്ടാം പാലും മൂന്നാം പാലും ചേർത്ത് ചെറുതീയിൽ തിളപ്പിക്കുക. നന്നായി കുറുകി വരുമ്പോൾ ഏലയ്ക്ക പൊടിച്ച് ചേർക്കുക. എന്നിട്ട് ഒന്നാം പാൽ ചേർത്ത് ഇളക്കുക. നെയ്യ് ചൂടാക്കി ഉണക്കമുന്തിരി, അണ്ടിപ്പരിപ്പ്, തേങ്ങാക്കൊത്ത് എന്നിവ വറുത്ത് പ്രഥമനിൽ ചേർത്ത് ഇളക്കി വാങ്ങിവയ്ക്കുക. രുചിയേറും പ്രഥമൻ തയ്യാർ.

പരിപ്പ് പായസം parippu payasam

parippu payasam

ചേരുവകള്‍.
ചെറുപയര്‍ പരിപ്പ്-250ഗ്രാം
തേങ്ങ -2എണ്ണം
ശര്‍ക്കര -250ഗ്രാം
നെയ്യ് -2സ്പൂണ്‍
ചുക്കുപൊടി - കാല്‍ ടീസ്പൂണ്‍
കശുവണ്ടി -ആവശ്യത്തിന്

മുന്തിരിങ്ങ -ആവശ്യത്തിന്

തയ്യാറാക്കുന്നവിധം.
1) ഒരു പാത്രത്തില്‍ ചെറുപയര്‍ പരിപ്പ് ഇളം ബ്രൌണ്‍ നിറമാകുന്നത് വരെ വറക്കുക(ഏകദേശം 5-6മിനിട്ട്) അതിനുശേഷം നാന്നായി കഴുകിയ പരിപ്പ് തിളച്ച വെള്ളത്തില്‍ വേവിയ്ക്കുക.
2) ശര്‍ക്കര വേറെ ഒരു പാത്രത്തില്‍ കുറച്ച് വെള്ളമൊഴിച്ച് ഉരുക്കുക.
3)വെന്ത പരിപ്പിലേയ്ക്ക് ശര്‍ക്കരപാനി ഒഴിയ്ക്കുക.അതിന് ശേഷം തേങ്ങയുടെ രണ്ടാം പാലും,മൂന്നാം പാലും ചേര്‍ത്ത് കുറുകുന്നത് വരെ ഇളക്കികൊണ് ടിരിയ്ക്കുക. നെയ്യ് ചേര്‍ത്ത് വീണ് ടും ഇളക്കുക.
4)പായസം ആവശ്യത്തിന് കുറുകി കഴിയുമ്പോള്‍ ഒന്നാം പാല്‍ ചേര്‍ത്ത് ഇളക്കുക.ഏകദേശം 4-5 മിനിട്ട് കഴിയുമ്പോള്‍ ജീരകപ്പൊടിയും ചേര്‍ത്ത് ഇളക്കിയശേഷം വാങ്ങിവയ്ക്കുക.
5)അതിനുശേഷം നെയ്യില്‍ വറുത്ത കശുവണ്ടി,മുന്തിരിങ്ങ എന്നിവയും, ആവശ്യമെങ്കില്‍ നെയ്യില്‍ വറുത്ത തേങ്ങാക്കൊത്തും അല്പം ചുക്കുപൊടിയും ചേര്‍ത്താല്‍ സ്വാദിഷ്ടമായ പരിപ്പുപായസം റെഡി.

ഷേക്ക് (പപ്പായ) papaya shake

papaya shake

ഇത് 'പപ്പായ ഷേക്ക്' ഉദര സംബന്ധമായ ഒരു പാടു അസുഖങ്ങള്‍ക്ക് നല്ലാതാണ് പപ്പായ എന്നു പ്രത്യേകം പറയണ്ട, കുട്ടികളില്‍ വിശപ്പില്ലായ്മ യും വിസര്‍ജ്ജ തടസ്സവും ഉണ്ടെങ്കില്‍ ഇതു അത്യുത്തമം ആണ്. ' ഇന്നാ മോനെ പപ്പായ കഴിക്കു' എന്നു പറഞ്ഞു ഇത് നുറുക്കി അവരുടെ അടുത്ത് ചെന്നാല്‍ അവരു നമ്മുടെ വീട്ടില്‍ അല്ലാ രണ്ടു മുന്നു വീട്ടിനു അപ്പുറത്തു പോയ് നിന്നു കൊഞ്ഞനം കാണിക്കും. കാരണം അത്ര പരസ്യം ഒന്നും പറഞ്ഞു കേള്‍ക്കാത്തതും പറമ്പില്‍ ആവശ്യത്തിനും അനാവശ്യത്തിനും വളര്‍ന്ന ഈ സാധനത്തിനോട് വലിയവര്‍ക്കു തന്നെ ഒരു പുശ്ചമാണ് പിന്നെ അല്ലേ കുട്ടികള്‍. അപ്പോഴാണ് ഈ പപ്പായ ഷാര്‍ജ്ജ പുന:ജനിക്കുന്നത് (NB: കുട്ടികള്‍, ഗര്‍ഭിണികള്‍ ആകാന്‍ സാധ്യത ഉള്ളവര്‍ ഇത് കാണുന്നുണ്ടെങ്കില്‍ മാറ്റി പൊക്കോ) ഇത് ഹൊറര്‍ സിനുമയുടെ കഥയായതു കൊണ്ടല്ല 1. കുട്ടികള്‍ ഇതിന്റെ രഹസ്യമറിയാതിരിക്കാന്‍ ആണ് 2. രണ്ടാമത്തെ രഹസ്യം നിങ്ങള്‍ക്കു അറിയാം...ഇനി കാര്യത്തിലേക്കു.

വേണ്ടത്

പാല്‍ (കട്ടിയായത് ഉത്തമം അല്ലാത്തതായാലും തണുത്തതാവണം)
പപ്പായ
ഏലയ്ക്കാപൊടി
പഞ്ചസാര (പഞ്ചാര)
ചെറുപഴം
(പിന്നെ വീട്ടില്‍ ലഭ്യമാകുന്ന ബൂസ്റ്റ്, ബോണ്‍വിറ്റ )
ഏതായാലും അത്
എല്ലാം കൂടി അടിക്കരുത്
പഴം, പപ്പായ ആദ്യം നന്നായ് അരയണം അതിന്റെ ഒരു കക്ഷണം കുട്ടികളുടെ കണ്ണില്‍ പെട്ടാല്‍ തീര്‍ന്നു
പിന്നെ മറ്റു കൂട്ടുകളും ചേര്‍ക്കണം, ഏലയ്ക്കാ പൊടി ഉള്ളതു കൊണ്ടു പപ്പായ രഹസ്യം അറിയില്ല...

ആഷ് കൂള്‍ കുല്‍ഫി

1.പാല്‍ നാല് കപ്പ്് 
2. ഏലക്കായ പൊടിച്ചത് അര േടബിള്‍ സ്പൂണ്‍
3. പിസ്ത(നുറുക്കിയത്) ഒരു ടേബിള്‍സ്പൂണ്‍
4.തൊലി കളഞ്ഞ ബദാം ഒരു ടേബില്‍ സ്പൂണ്‍
5. പഞ്ചസാര എട്ട് ടേബിള്‍ സ്പൂണ്‍

അടി കട്ടിയുള്ള പാനില്‍ പാല്‍ ചൂടാക്കുക. തീ നാളങ്ങള്‍ ക്രമീകരിച്ച് പാല്‍ രണ്ടു കപ്പാവുന്നതുവരെ ചൂടാക്കുക . 40-45 മിനുട്ട് എടുക്കും. കരിയാതിരിക്കാന്‍ വശങ്ങള്‍ ഇളക്കി കൊണ്ടിരിക്കുക. അതില്‍ പഞ്ചസാര, നട്ട്‌സ്, ഏലക്കായ് എന്നിവ ചേര്‍ക്കുക. കുറച്ചു മിനിട്ടുകള്‍ കൂടി ചൂടാക്കല്‍ തുടരുക. പിന്നെ തണുപ്പിക്കുക. ഈ മിശ്രിതം കോണ്‍ ആകൃതിയുള്ള കുല്‍ഫി മോള്‍ഡുകളില്‍ നിറച്ച്്, രണ്ടു മണിക്കൂറോളം തണുപ്പിക്കുക. കഴിക്കുന്നതിന് രണ്ട് മിനിട്ടു മുമ്പു മാത്രം ഇത് ഫ്രീസറിന് പുറത്തെടുത്ത് വെക്കുക.