ചക്ക കേസരി

പഴുത്തവരിക്ക ചക്കച്ചുള പത്തെണ്ണം കുരുമാറ്റി മിക്സിയിൽ നന്നായി അരച്ച് പേസ്റ്റ് ആക്കുക . 

പാൻ ചൂടാക്കി ഒരു ടേബിൾ സ്പൂൺ നെയ്യൊഴിച്ച് അണ്ടിപരിപ്പ് വറുത്ത് മാറ്റി, അതിലേക്ക് ഒരു കപ്പ് റവ വറുക്കുക.

റവ മൂത്തു വന്നാൽ രണ്ടു കപ്പ് വെള്ളമൊഴിച്ച് വേവിക്കുക.വെള്ളം വറ്റി വരുമ്പോൾ പേസ്റ്റാക്കിയ ചക്ക ചേർത്ത് നന്നായി രണ്ടു മിനുട്ട് വരട്ടുക. അതിലേക്ക് ഒന്നര കപ്പ് പഞ്ചസാര ചേർത്ത് കട്ട കെട്ടാതെ ഇളക്കി കൊടുക്കുക. 

ഒരു വിധം കട്ടിയാവാൻ തുടങ്ങുമ്പോൾ രണ്ടു ടേബിൾ സ്പൂൺ നെയ്യ് ചേർത്ത് വീണ്ടും വരട്ടുക. ഏകദേശം വരണ്ടു വരുമ്പോൾ ഏലക്കാപ്പൊടി, വറുത്ത അണ്ടിപരിപ്പ് ചേർക്കുക. പാത്രത്തിൽ നിന്നു വിട്ടു വരുന്ന പാകമായാൽ നെയ്യ് പുരട്ടിയ പ്ലേറ്റിലേക്കോ, മോൾഡിലോക്കോ മാറ്റുക. 
ചക്ക കേസരി റെഡി ….