ബീഫ് അച്ചാര്‍ beef pickle

Beef pickle

ബീഫ് ചെറിയ കഷണങ്ങള്‍ ആക്കി നുറുക്കിയത് : 1 കിലോ

ഇഞ്ചി ചെറുതായി അരിഞ്ഞത് : 2 ടേബിള്‍ സ്പൂണ്‍
വെളുത്തുള്ളി അരിഞ്ഞത് : 2 ടേബിള്‍ സ്പൂണ്‍ 
ഇഞ്ചി വെളുത്തുള്ളി പേസ്റ്റ് : 1 ടേബിള്‍ സ്പൂണ്‍
കുരു മുളക് ചതച്ചത് : 1 ടേബിള്‍ സ്പൂണ്‍
പച്ചമുളക് : 5 എണ്ണം
ഗരം മസാല : 2 ടീസ്പൂണ്‍
മുളക് പൊടി : 4 ടേബിള്‍ സ്പൂണ്‍
മഞ്ഞള്‍പ്പൊടി : 1 ടീസ്പൂണ്‍
ഉലുവപ്പൊടി : 1/4 ടീസ്പൂണ്‍
കടുക് : 1 ടീസ്പൂണ്‍
കറിവേപ്പില : 2 sprigs
വിനാഗിരി : 4 ടേബിള്‍ സ്പൂണ്‍
വെള്ളം , എണ്ണ , ഉപ്പു : ആവശ്യത്തിനു

ഉണ്ടാക്കുന്ന വിധം :

ബീഫ്, 1 ടീസ്പൂണ്‍ ഗരം മസാല , മഞ്ഞള്‍പ്പൊടി, ഇഞ്ചി വെളുത്തുള്ളി പേസ്റ്റ്, ഉപ്പു എന്നിവ ചേര്‍ത്തു മാറിനേറ്റ് ചെയ്തു 20-30 മിനുട്ട് നേരം വെക്കുക.

ഈ മാറിനേറ്റ് ചെയ്ത ബീഫ് കുക്കറില്‍ വെള്ളം ഒഴിക്കാതെ നന്നായി വേവിക്കുക.

കുക്കറില്‍ നിന്നും വെള്ളം ഊറ്റി ബീഫ് മാറ്റി വെക്കുക. ഊറ്റി വെച്ചിരിക്കുന്ന വെള്ളം ( സ്ടോക്ക് ) സൂക്ഷിച്ചു വെക്കുക.

5-6 ടേബിള്‍ സ്പൂണ്‍ എണ്ണ ഒരു ഫ്രയിംഗ് പാനില്‍ ചൂടാക്കി ബീഫ് നന്നായി ഫ്രൈ ചെയ്തു മാറ്റിവെക്കുക.

ഒരു ഫ്രയിംഗ് പാനില്‍ കുറച്ചു എണ്ണ ചൂടാക്കി കടുക് പൊട്ടിക്കുക. ഇഞ്ചി, വെളുത്തുള്ളി , പച്ചമുളക് അരിഞ്ഞത് , കറിവേപ്പില എന്നിവ ചേര്‍ത്തു വഴറ്റുക. ഇതിലേക്ക് ഉലുവാപ്പൊടിയും ചേര്‍ത്തു ഇളക്കുക.
മുളക് പൊടി ചേര്‍ത്തു നന്നായി യോജിപ്പിക്കുക.

ഇതിലേക്ക് വിനാഗിരിയും , മാറ്റിവെച്ചിരിക്കുന്നതില്‍ നിന്നും 1 കപ്പു സ്ടോക്കും ചേര്‍ത്ത് തിളപ്പിക്കുക.

ഇതിലേക്ക് ഫ്രൈ ചെയ്തു വെച്ചിരിക്കുന്ന ബീഫ് പാനിലെ എണ്ണ സഹിതം ചേര്‍ക്കുക.

ഇതിലേക്ക് കുരു മുളക് ചതച്ചത് ചേര്‍ത്തു നന്നായി വരട്ടിയെടുക്കുക.
അടുപ്പില്‍ നിന്നും വാങ്ങി തണുക്കാന്‍ അനുവദിക്കുക.

ഗ്ലാസ് ഭരണിയില്‍ സൂക്ഷിച്ചു വെക്കാം.

മധുരമുള്ള മാങ്ങ അച്ചാര്‍ Sweet mango pickle

sweet mango pickle

ഒരു കിലോ പച്ച മാങ്ങ കഴുകി വൃത്തിയാക്കി തൊലിയോടു കൂടി തന്നെ നല്ല നീളമുള്ള കഷണങ്ങളാക്കി മുറിച്ചെടുക്കുക (ഓരോ മാങ്ങയും 12 കഷണങ്ങളാക്കാം ).

മാങ്ങാകഷണങ്ങളില്‍ അരടീസ്പൂണ്‍ മഞ്ഞള്‍പ്പൊടിയും പാകത്തിന് ഉപ്പും ചേര്‍ത്ത് പുരട്ടി ഒരു മണിക്കൂര്‍ നേരം വെയ്ക്കുക.

ചുവടിന് നല്ല കട്ടിയുള്ള ഒരു പത്രം ചൂടാക്കി എണ്ണ ഒഴിച്ച് അരടീസ്പൂണ്‍ കടുക്, നാല് വറ്റല്‍ മുളക് രണ്ട് തണ്ട് കറിവേപ്പില എന്നിവയിട്ട് താളിക്കുക.

ഇതിലേക്ക് ഉപ്പും, മഞ്ഞള്‍ പൊടിയും ഇട്ട് പുരട്ടിവെച്ചിരിക്കുന്ന മാങ്ങ കഷണങ്ങള്‍ ചേര്‍ത്ത് അഞ്ച് മിനിട്ട് നേരം വഴറ്റുക.

ഇതിലേക്ക് അഞ്ച് ടീസ്പൂണ്‍ മുളകുപൊടി, അരടീസ്പൂണ്‍ ഉലുവപ്പൊടി, ഒരു ടീസ്പൂണ്‍ കായപ്പൊടി, എന്നിവ ചേര്‍ത്ത് വീണ്ടും വഴറ്റി (3 മിനിട്ട് ) ഒന്നര കപ്പ് പുളിവെള്ളം ഒഴിക്കുക.

തിളച്ചു തുടങ്ങുമ്പോള്‍ ശര്‍ക്കര പൊടിച്ചതും ചേര്‍ത്ത് മാങ്ങാ കഷണങ്ങള്‍ വെന്ത് ചാറാകുന്നതുവരെ ചെറിയ തീയില്‍ ഇട്ട് വേവിക്കുക.

മധുര മാങ്ങ അച്ചാര്‍ തയ്യാര്‍ 

സ്പൈസി ചിക്കന്‍ മജ്ബൂസ് spicy chicken majboos

spicy chicken majboos

ചിക്കന്‍ - 1 കിലൊ
ബസ്മതി അരി - ½ കിലോ 
സവോള - 2 എണ്ണം
ഇഞ്ചി - 1 എണ്ണം ( മീഡിയം വലുപ്പത്തില്‍ )
വെളുത്തുള്ളി - 10 അല്ലി
പച്ചമുളക് - 2 എണ്ണം
തക്കാളി - 2 എണ്ണം
കുരുമുളക് പൊടി - 1 ടേബിള്‍ സ്പൂണ്‍
മുളക് പൊടി - 2 ടേബിള്‍ സ്പൂണ്‍
മഞ്ഞള്‍ പൊടി - ½ ടീസ്പൂണ്‍
ഗരം മസാല - 1 ടീസ്പൂണ്‍
മല്ലിപ്പൊടി - 11/2 ടേബിള്‍ സ്പൂണ്‍
മാഗി ചിക്കന്‍ ക്യൂബ് - 1 എണ്ണം
പട്ട - 1 ചെറിയ കഷണം
ഗ്രാമ്പു - 3 എണ്ണം
ഏലക്ക - 4 എണ്ണം
ഡ്രൈ ലെമണ്‍ - 2 എണ്ണം
നെയ്യ് - 2 ടീസ്പൂണ്‍
എണ്ണ , ഉപ്പു - ആവശ്യത്തിനു

ഉണ്ടാക്കുന്ന വിധം :-

ചിക്കന്‍ ചെറിയ കഷണങ്ങള്‍ ആക്കി കുരുമുളക് പൊടി, മുളക് പൊടി, മഞ്ഞള്‍ പൊടി , ½ ടീസ്പൂണ്‍ ഗരം മസാല , ആവശ്യത്തിനു ഉപ്പു പുരട്ടി ഒരു മണിക്കൂര്‍ വെക്കുക.

അതിനു ശേഷം എണ്ണ ചൂടാക്കി ചിക്കന്‍ പകുതി വേവില്‍ വറുത്തെടുക്കുക.

അരി 20 മിനുട്ട് കുതിര്‍ക്കാന്‍ വെക്കുക .

ഡ്രൈ ലെമണ്‍ കുറച്ചു സമയം വെള്ളത്തില്‍ കുതിര്‍ക്കാന്‍ വെക്കുക.

ഇഞ്ചി , വെളുത്തുള്ളി , പച്ചമുളക് എന്നിവ പേസ്റ്റ് ആക്കി വെക്കുക.

ഫ്രൈയിംഗ് പാന്‍ ചൂടാക്കി എണ്ണ ഒഴിച്ച് പട്ട, ഗ്രാമ്പു, ഏലക്ക എന്നിവ ചെറുതായി വറുത്തു അതിലേക്കു ഞ്ചി , വെളുത്തുള്ളി , പച്ചമുളക് പേസ്റ്റ് ചേര്‍ക്കുക. സവാളയും കൂടി ചേര്‍ത്തു വഴറ്റുക. പച്ച മണം മാറിക്കഴിഞ്ഞു അരിഞ്ഞ തക്കാളി ചേര്‍ത്തു വീണ്ടും വഴറ്റുക.

കുതിര്‍ന്ന ഡ്രൈ ലെമണ്‍ ഇതിലേക്ക് പതുക്കെ ചതച്ചു ചേര്‍ക്കുക.

ഇതിലേക്ക് ചിക്കന്‍ ക്യൂബ് , കുരുമുളക് ചതച്ചതും, ½ ടീസ്പൂണ്‍ ഗരം മസാല, മല്ലിപ്പൊടി എന്നിവ ചേര്‍ത്തു വീണ്ടും വഴറ്റുക. ഇതിലേക്ക് 6 ½ ഗ്ലാസ്‌ വെള്ളം ചേര്‍ത്തു തിളപ്പിക്കുക.

നന്നായി തിളക്കുമ്പോള്‍ അരി കഴുകി ഇടുക. അതിനൊപ്പം തന്നെ വറുത്തു വെച്ചിരിക്കുന്ന ചിക്കന്‍ കഷണങ്ങളും ചേര്‍ക്കുക. തിളപ്പിക്കുക.

ചെറു തീയില്‍ 20 മിനുട്ട് വേവിക്കുക.

മല്ലിയില വിതറി ഇളക്കിയെടുക്കാം .

മത്തി റോസ്റ്റ് Fish Roast - Mathi/Sardine

chaala roast

ചേരുവകള്‍

മത്തി -8 എണ്ണം
സവാള -2
ഇഞ്ചി വെളുതുള്ളി പേസ്റ്റ് – 1 ടേബിള്‍സ്പൂണ്‍
പച്ചമുളക് – 4-5
കുരുമുളക് ചതച്ചത് – ഒന്നര ടേബിള്‍സ്പൂണ്‍
മഞ്ഞള്‍പൊടി – ¼ ടീസ്പൂണ്‍
ഉലുവപൊടി – ¼ ടീസ്പൂണ്‍
കറിവേപ്പില, ഉപ്പു ,എണ്ണ – ആവശ്യത്തിനു

തയ്യാറാക്കുന്ന വിധം

മീന്‍ വൃത്തിയാക്കി കഴുകിയതിനു ശേഷം ഇരു വശവും വരയുക

ഇതിലേക്ക് അര ടേബിള്‍സ്പൂണ്‍ ഇഞ്ചി വെളുതുള്ളി പേസ്റ്റ്, ഉപ്പു, മഞ്ഞള്‍പൊടി, ഉലുവപൊടി, അര ടേബിള്‍സ്പൂണ്‍ കുരുമുളക് ചതച്ചത് എന്നിവ പുരട്ടി അര മണിക്കൂര്‍ വയ്കുക.

അതിനു ശേഷം ഫ്രയിംഗ് പാനില്‍ ആവശ്യത്തിനു എണ്ണ ഒഴിച്ച് മീന്‍ വറുത്തു മാറ്റി വെയ്ക്കുക

ഇനി മസാല തയ്യാറാക്കുന്നതിനായി അതേ എണ്ണയില്‍ തന്നേ കറിവേപ്പില, പച്ചമുളക്,സവാള ഇഞ്ചി ,വെളുതുള്ളി പേസ്റ്റ് എന്നിവ നന്നായി വഴറ്റുക.

അതിലേക്ക് ബാക്കി ഇരിക്കുന്ന കുരുമുളക് ചതച്ചത്,ഉപ്പു, എന്നിവ
ചേര്‍ത്ത് നന്നായി വീണ്ടും വഴറ്റുക .

ഇതിലേക്ക് വറുത്തു വെച്ചിരിക്കുന്ന മീന്‍ ചേര്‍ത്ത് ഇളക്കി യോജിപ്പിക്കുക .

പൊടിഞ്ഞു പോകാതെ നോക്കണം. 5 മിനുട്ട് മൂടി വച്ചു ചെറുതീയില്‍ വയ്ക്കുക.

മസാല എല്ലാം മീനില്‍ പിടിക്കുന്നതിനു വേണ്ടിയാണു .

അതിനു ശേഷം തീ അണക്കാം.

രുചികരമായ മത്തി റോസ്റ്റ് തയ്യാര്‍ .

ഉയർന്ന കൊളസ്ട്രോളുള്ള 10 ആഹാരപദാർഥങ്ങൾ

ശരീരത്തിലെ കൊളസ്ട്രോളിന്റെ ഉയർന്ന അളവ് ഇന്ന് ഒരു ജീവിത ശൈലീ രോഗമായി മാറിയിട്ടുണ്ട്. ശരീരത്തിന് കൊളസ്ട്രോൾ അത്യാവശ്യമായ ഘടകമാണെങ്കിലും അതിന്റെ ഉയർന്ന അളവ് ഹൃദയാഘാതം, സ്ട്രോക്ക് തുടങ്ങി നിരവധി മാരക രോഗങ്ങളിലേക്ക് നയിച്ചേക്കാം. പ്രായപൂർത്തിയായ ഒരാൾക്ക് ഒരുദിവസം 300 മില്ലിഗ്രാം കൊളസ്ട്രോൾ ആഹാരത്തിൽ ഉൾപ്പെടുത്തിയാൽ മതി. ആഹാരക്കാര്യത്തിൽ ശ്രദ്ധിച്ചാൽ കോളസ്ട്രോൾ നിയന്ത്രിക്കാം. ഉയർന്ന കൊളസ്ട്രോളുള്ള 10 ആഹാരപദാർഥങ്ങൾ പരിചയപ്പെടാം.
1 മുട്ടയുടെ മഞ്ഞക്കരു
ഒരു മുട്ടയുടെ മഞ്ഞക്കരുവിൽ 210 മില്ലിഗ്രാം കൊളസ്ട്രോളുണ്ട്. ഒരു മുട്ടയിൽ 210 മില്ലിഗ്രാം മാത്രം. അതായത് മുട്ടയിലെ കൊളസ്ട്രോളിന്റെ ഭൂരിഭാഗവും മഞ്ഞക്കരുവിലാണ് അടങ്ങിയിരിക്കുന്നത്.
2 കരൾ
ഏത് ഇറച്ചിയാണെങ്കിലും കരൾ ഒഴിവാക്കുക. 100 ഗ്രാം ലിവർ ഇറച്ചിയിൽ 564 മില്ലിഗ്രാം കൊളസ്ട്രോൾ അടങ്ങിയിട്ടുണ്ട്.
3 വെണ്ണ
100 ഗ്രാം വെണ്ണയിൽ 215 മില്ലിഗ്രാം കൊളസ്ട്രോൾ അടങ്ങിയിട്ടുണ്ട്. ഒരു ടേബിൾ സ്പൂണിൽ 30 മില്ലി ഗ്രാമും
4 ചെമ്മീൻ
100 ഗ്രാം ചെമ്മീനിൽ 195 മില്ലി ഗ്രാം കൊളസ്ട്രോളുണ്ട്.
5 ചിക്കൻ
ചിക്കൻ തൊലികളഞ്ഞുമാത്രം ഉപയോഗിക്കുക. തൊലിയോടുകൂടിയ ഒരു കോഴിക്കാലിൽ ഒരു ബർഗറിലോ, ഒരു കപ്പ് ഐസ്ക്രീമിലോ ഉള്ളയത്ര കൊളസ്ട്രോളുണ്ട്.
6 ഫാസ്റ്റ്ഫുഡ്
ചിപ്സ്, ബിസ്കറ്റ്, കുക്കീസ് എന്നിവയിലെല്ലാം അമിതമായ തോതിൽ കൊളസ്ട്രോൾ അടങ്ങിയിട്ടുണ്ട്.100 ഗ്രാം ബിസ്കറ്റിൽ 172 മില്ലിഗ്രാം കൊളസ്ട്രോൾ അടങ്ങിയിട്ടുണ്ട്.
7 പ്രോസസ് ചെയ്ത ഇറച്ചി
പ്രോസസ് ചെയ്ത ഇറച്ചിയിൽ അമിതമായ അളവിൽ കൊളസ്ട്രോളുണ്ട്. ഫ്രഷ് ആയ ഇറച്ചിമാത്രം ഉപയോഗിക്കുക
8 ചീസ് ബർഗർ
ഒരു ചീസ്ബർഗറിൽ 175 മില്ലിഗ്രാം കൊളസ്ട്രോൾ അടങ്ങിയിട്ടുണ്ട്.
9 ചീസ്
വെജിറ്റേറിയൻ ഭക്ഷണം കഴിക്കുന്നവർക്ക് പ്രോട്ടീനും ക്യാൽസിയവും പ്രധാനം ചെയ്യുന്നതിൽ ഏറെ പങ്കുവഹിക്കുന്നുണ്ടെങ്കിലും 100 ഗ്രാം ചീസിൽ 123 മില്ലിഗ്രാം കൊളസ്ട്രോൾ അടങ്ങിയിട്ടുണ്ട്.
10 ഐസ്ക്രീം
കൊളസ്ട്രോൾ ഏറ്റവും കൂടുതൽ അടങ്ങിയ ഭക്ഷണങ്ങളിൽ ഒന്നാണ് ഐസ്ക്രീം. ഒരു കപ്പ് ഐസ്ക്രീമിൽ 50 മില്ലിഗ്രാം മുതൽ 200 മില്ലിഗ്രാം വരെ കൊളസ്ട്രോൾ ഉണ്ട്.

പ്രമേഹ ചികിത്സയ്ക്ക് ഭക്ഷണമരുന്ന്!

Diabetic control

ഭക്ഷണം ഒരു മരുന്നാണോ? ആരോഗ്യം നിലനിര്ത്താ നും രോഗത്തെ അകറ്റാനും ശേഷിയുള്ളവയാണ് മരുന്ന് എങ്കില്‍ ഭക്ഷണവും മരുന്നാണ്. ഭൂരിഭാഗം പേരിലും കാണുന്ന ടൈപ് 2 പ്രമേഹത്തിന്റെ ചികിത്സയ്ക്കുപയോഗിക്കുന്ന മൂന്നു മരുന്നുകളില്‍ ഒന്നാണ് ഭക്ഷണം. വ്യായാമവും രാസമരുന്നുകളുമാണ് മറ്റു രണ്ടെണ്ണം. ഈ മൂന്നു മരുന്നുകളും കൂടിച്ചേരുമ്പോള്‍ മാത്രമേ പ്രമേഹചികിത്സ പൂര്ണറമാകൂ. ഒഴിവാക്കേണ്ട ഭക്ഷണം ഒഴിവാക്കുക. കഴിക്കേണ്ടവ കഴിക്കുക, സമയത്തു കഴിക്കുക, അളവു നിയന്ത്രിക്കുക. ഭക്ഷണം ഒരു പ്രമേഹമരുന്നായി മാറുന്നത് ഇത്തരം നിബന്ധനകള്‍ പാലിക്കുമ്പോഴാണ്. ബഹുഭൂരിപക്ഷം ടൈപ് 2 പ്രമേഹരോഗികളിലും ശരിയായ ഭക്ഷണക്രമത്തിലൂടെയും വ്യായാമത്തിലൂടെയും മാത്രം രക്തത്തിലെ പഞ്ചസാരനില നിയന്ത്രിച്ചു നിര്ത്താം . ഇതിനു ചില ചിട്ടകളും സമയക്രമീകരണവും വേണ്ടിവരും എന്നുമാത്രം. ആത്മാര്ഥകമായി പ്രവര്ത്തി്ച്ചാല്‍ രണ്ടു മൂന്നുമാസം കൊണ്ടു തന്നെ ഈ നേട്ടം കൈവരിക്കാനാകും. ക്രമേണ മരുന്നുകളുടെ അളവും കുറച്ചു കൊണ്ടുവരാനാകും. പക്ഷേ, ഷുഗര്നിഎല സൂക്ഷ്മമായി നിരീക്ഷിച്ചും ഡോക്ടറുടെ നിര്ദേ ശം സ്വീകരിച്ചും മാത്രമേ മരുന്നില്‍ മാറ്റം വരുത്താവൂ.

എപ്പോള്‍ കഴിക്കണം?
പ്രമേഹരോഗി വിശക്കുമ്പോഴല്ല വിശക്കാതിരിക്കാനാണ് ഭക്ഷണം കഴിക്കേണ്ടത്. വിശപ്പ് അനുഭവപ്പെടുന്നത് രക്തത്തിലെ ഗൂക്കോസ് നില കുറയുമ്പോഴാണ്. എങ്കില്‍ ഒട്ടും വിശക്കാത്ത വിധം മൂക്കുമുട്ടെ ഭക്ഷണം കഴിച്ചാല്‍ മതിയല്ലോ എന്നാവും പലരും ചിന്തിക്കുക. അതും തെറ്റാണ്. അമിതമായി ഭക്ഷണം ചെന്നാല്‍ പ്രമേഹരോഗിയില്‍ ഷുഗര്‍ നിയന്ത്രണാതീതമായി ഉയരുകയും ചെയ്യും. അതായത് രക്തത്തിലെ പഞ്ചസാരനില കൂടാതെയും കുറയാതെയും നല്ല സന്തുലിതമായി കൊണ്ടു നടക്കുക. അതാണ് പ്രമേഹരോഗി ചെയ്യേണ്ടത്. അതിനുള്ള എളുപ്പമാര്ഗംണ കുറഞ്ഞ അളവില്‍ കൂടുതല്‍ തവണകളായി കഴിക്കുകയാണ്. അതിലൂടെ ഷുഗര്നിഗല ഏറ്റക്കുറച്ചിലില്ലാതെ നിലനിര്ത്താ നാകും. വയറു നിറയ്ക്കുവാനല്ല, വിശപ്പ് ശമിപ്പിക്കുവാനാണ് ഭക്ഷണം കഴിക്കേണ്ടത്. ഇടയ്ക്ക് വിശപ്പു തോന്നുന്നുവെങ്കില്‍ വേവിക്കാത്ത പച്ചക്കറികള്‍ യഥേഷ്ടം കഴിക്കുക. വയര്‍ നിറയെ കഴിച്ചാലും കൊഴുപ്പുണ്ടാക്കാത്ത ഭക്ഷണസാധനങ്ങളാണു പച്ചക്കറികള്‍.

സമീകൃതാഹാരം എന്ന മരുന്ന്
ഒരാളുടെ അധ്വാനത്തിനും പ്രായത്തിനും രോഗങ്ങളുള്പ്പെ ടെയുള്ള മറ്റു ഘടകങ്ങള്ക്കുംവ അനുസൃതമായി ഊര്ജപവും മറ്റ് പോഷകമൂല്യങ്ങളും നിത്യേന നല്കുടന്ന ഭക്ഷണക്രമത്തെയാണ് സമീകൃതാഹാരം എന്നു പറയുന്നത്. അതിനര്ഥംു എല്ലാ പ്രമേഹരോഗികള്ക്കും ഒരേതരത്തിലുള്ള ഭക്ഷണമല്ല വേണ്ടത് എന്നര്ഥം.. പ്രമേഹത്തിന്റെ അവസ്ഥ, അതിന്റെ സങ്കീര്ണ്തകള്‍ ഇവയൊക്കെ അനുസരിച്ച് ആഹാരക്രമവും വ്യത്യാസപ്പെടും. അന്നജം എന്ന കാര്ബോരഹൈഡ്രേറ്റ്സ്, മാംസ്യം, കൊഴുപ്പ് ഇവയാണു ഭക്ഷണത്തിലെ പ്രധാന ഘടകങ്ങള്‍. വിറ്റമിനുകളും ധാതുലവണങ്ങളും മൂലകങ്ങളും നാരുകളും നമുക്കു ഭക്ഷണത്തില്‍ നിന്നു ലഭിക്കുന്നു. അന്നജം ഊര്ജംങ പ്രദാനം ചെയ്യുന്നു. പ്രോട്ടീനും ഫാറ്റും ശരീരവളര്ച്ച്യെ സഹായിക്കുന്നു. ഒപ്പം രോഗപ്രതിരോധം വര്ധിജപ്പിക്കുന്നു. പ്രമേഹരോഗിയുടെ സമീകൃതാഹാരത്തില്‍ അന്നജം (കാര്ബോ ഹൈഡ്രേറ്റ്) 5060, പ്രോട്ടീന്‍ 1520%, കൊഴുപ്പ് 2530% (അപൂരിത കൊഴുപ്പ് 10% വരെ) ആകാം.

അന്നജം ശരീരത്തില്‍ മധുരം
അന്നജം നമുക്ക് ഊര്ജംധ നല്കുഅന്നു. ഇത് അളവില്‍ കൂടുതല്‍ ഭക്ഷിച്ചാല്‍ ശരീരത്തിലെ കൊഴുപ്പായി മാറുന്നു. അമിതശരീരഭാരത്തിനും കുടവയറിനും പിന്നീടു പ്രമേഹത്തിനും കാരണമാകുന്നു. ഉദാഹരണത്തിന് നമ്മുടെ പ്രധാന ഭക്ഷണമായ ചോറ്. വയറുനിറയെ ഭക്ഷണം കഴിച്ചു ശീലിച്ചവരായതുകൊണ്ടു പ്രമേഹമുണ്ടെന്നറിഞ്ഞാലും നമ്മള്‍ പതിവു ശൈലി തുടരുന്നു. ചോറ് അധികം ഭക്ഷിച്ചാല്‍ അതു കരളിലും മാംസപേശികളിലും കൊഴുപ്പായി സംഭരിക്കപ്പെടുകയും അമിതശരീരഭാരത്തിനു കാരണമാവുകയും ചെയ്യുന്നു. അന്നജം ശരീരം സ്വീകരിക്കുന്നത് ഗൂക്കോസ് ആയാണ്. അതിനാലാണ് ഭക്ഷണം കഴിച്ചുകഴിയുമ്പോള്‍ ഷുഗര്നിംല ഉയരുന്നത്. നിത്യാഹാരത്തില്‍ അന്നജത്തിന്റെ അളവു കായികാധ്വാനത്തിനനു സരിച്ചാണെങ്കിലും സാധാരണ നിലയില്‍ അന്നജം ഒരു ദിവസം ഒന്ന് ഒന്നര കപ്പ് മതി.

പ്രോട്ടീന്‍
മാംസപേശികളിലെ പ്രധാനഘടകം പ്രോട്ടീനാണ്. ശരീരവളര്ച്ചിയ്ക്കു സഹായിക്കുന്ന പ്രോട്ടീന്‍ അടങ്ങിയ ഭക്ഷണപദാര്ഥപങ്ങളെ ബോഡി ബില്ഡിടങ് ഫൂഡ് എന്നും വിളിക്കും. മാംസ്യാഹാരത്തിലെ പ്രോട്ടീനെക്കാള്‍ പയറുവര്ഗോങ്ങളില്‍ നിന്നു കിട്ടുന്ന പ്രോട്ടീനാണു ഗുണമേന്മയുള്ളത്. കൂടാതെ നാരുകള്‍ ലഭിക്കുകയും ചെയ്യുന്നു. മോശപ്പെട്ട മാംസ്യാഹാരമാണു മട്ടന്‍, ബീഫ് മുതലായ റെഡ്മീറ്റുകള്‍. ഇവ കൊളസ്ട്രോള്‍ ചീത്ത കൊളസ്ട്രോള്‍ (എല്ഡിഗഎല്‍) കൂട്ടുന്നു.

പ്രതിരോധത്തിന് നാരുകള്‍‍
ഇലക്കറികളില്‍ നാരുകള്‍ സമൃദ്ധമാണ്. ശരീരത്തിലേക്കു നാരുകള്‍ വലിച്ചെടുക്കപ്പടുന്നില്ല എങ്കിലും ഇവയ്ക്ക് ആരോഗ്യം നിലനിര്ത്തുയന്നതില്‍ വലിയ പങ്കുണ്ട്. നാരുകള്‍ കുടലിന്റെ സങ്കോചത്തിനു സഹായിക്കുകയും മലബന്ധത്തെ ഇല്ലാതാക്കുകയും ചെയ്യുന്നു. പ്രമേഹത്തെ പ്രതിരോധിക്കുവാന്‍ സഹായിക്കുന്ന ഇന്ക്രി റ്റിന്‍ ഹോര്മോനണുകളെ ക്രമപ്പെടുത്തുന്നതിനും സഹായിക്കും. പയര്‍ വര്ഗിങ്ങള്‍ തൊലിയോടെ ഉപയോഗിച്ചാല്‍ ധാരാളം നാരുകള്‍ ലഭിക്കും. ഉണങ്ങിയ പയര്‍ വെള്ളത്തില്‍ കുതിര്ത്തു് മുളപ്പിച്ചാല്‍ വിറ്റമിന്‍ സി ധാരാളമായി ഉല്പാഭദിപ്പിക്കപ്പെടും. ഇവ അമിതമായി വേവിക്കുവാന്‍ പാടില്ല. പ്രമേഹരോഗിയുടെ ആഹാരത്തില്‍ എല്ലാ നേരവും കുറേശെ ഏതെങ്കിലും പയര്‍ ഉള്‍ക്കൊള്ളിക്കണം.

കൊഴുപ്പ് അദൃശ്യമായും
നാം കഴിക്കുന്ന സമീകൃതാഹാരത്തില്‍ 1525% വരെ അദൃശ്യകൊഴുപ്പുകള്‍ അടങ്ങിയിട്ടുണ്ട്. പൊണ്ണത്തടി, ആഹാരത്തിനനുസരിച്ചു ശാരീരിക അധ്വാനം ഇല്ലാത്തത്, മാംസ്യാഹാരം ധാരാളം കഴിക്കുന്നത്, വെളിച്ചെണ്ണയുടെ അമിത ഉപയോഗം ഇതെല്ലാം കൊളസ്ട്രോള്‍ കൂട്ടും. പ്രത്യേകിച്ച് ചീത്തകൊളസ്ട്രോളായ എല്ഡി്എല്‍ കൂടുതലുള്ള പ്രമേഹരോഗികളില്‍ ഹൃദയാഘാതത്തിനുള്ള സാധ്യത കൂടുതലാണ്. ഒരു ദിവസത്തെ അനുവദനീയമായ എണ്ണയുടെ തോത് മൂന്നു ടീസ്പൂണ്‍ ആണ്. അല്ലെങ്കില്‍ ഒരു മാസം അര കിലോ എണ്ണയില്‍ കൂടുതല്‍ ഉപയോഗിക്കാന്‍ പാടില്ല. മാത്രമല്ല ഒരു പ്രാവശ്യം ഉപയോഗിച്ച എണ്ണ വീണ്ടും ഉപയോഗിക്കരുത്. പൂരിതകൊഴുപ്പമ്ളങ്ങള്‍ ധാരാളമടങ്ങിയ വെളിച്ചെണ്ണയെക്കാള്‍ നല്ലത് അപൂരിത കൊഴുപ്പമ്ളങ്ങള്‍ അടങ്ങിയ സണ്ഫ്ളരവര്‍ ഓയില്‍, ഒലിവ് ഓയില്‍, തവിടെണ്ണ തുടങ്ങിയവയാണ്. ഒമേഗാ ഫാറ്റി ആസിഡ് രക്തത്തിലെ കൊളസ്ട്രോളിന്റെ ഒരു ഘടകമായ ട്രൈഗിസറൈഡ്സിന്റെ അളവു കുറയ്ക്കുന്നു. അയല, മത്തി മുതലായ മീനുകളില്‍ അതു ധാരാളമുണ്ട്.

പച്ചക്കറികളും പഴങ്ങളും
ഇവയെ നമുക്ക് മൂന്നായി തിരിക്കാം. ഇലക്കറികള്‍, കിഴങ്ങുവര്ഗംി, മറ്റു പച്ചക്കറികളും പഴങ്ങളും.
ഇലക്കറികള്‍: ചീര, മുരിങ്ങയില, ഉലുവയില, കാബേജ്, പുതിനയില എന്നിങ്ങനെ ഇലക്കറികള്‍ നിരവധി. വിറ്റമിന്‍ എയുടെ മുന്ഗാിമിയായ ബീറ്റാകരോട്ടിന്‍ ഇവയില്‍ ധാരാളമുണ്ട്. അവയിലുള്ള ബി. കോംപ്ളക്സ് വിറ്റമിനുകള്‍ പ്രമേഹസങ്കീര്ണലതകളിലൊന്നായ ഞരമ്പുരോഗത്തെ ചെറുക്കും.
കിഴങ്ങുവര്ഗ്ങ്ങള്‍: കപ്പ, ഉരുളക്കിഴങ്ങ്, മധുരക്കിഴങ്ങ്, കാച്ചില്‍, കാരറ്റ് തുടങ്ങിയവയാണ്. ഇതില്‍ ആദ്യത്തെ മൂന്നെണ്ണം ഒഴിവാക്കാം. മറ്റുള്ളവ പ്രമേഹരോഗി കഴിക്കുന്നുണ്ടെങ്കില്‍ ഒപ്പം കഴിക്കുന്ന ധാന്യത്തിന്റെ അളവു കുറയ്ക്കണം.
മറ്റു പച്ചക്കറികള്‍: തക്കാളി, വെണ്ടയ്ക്ക, പാവയ്ക്ക, വഴുതന, വെള്ളരിക്ക, പടവലം, മത്തന്‍ മതലായവയില്‍ വിറ്റമിനുകളും ലവണങ്ങളും ധാരാളം അടങ്ങിയിട്ടുണ്ട്. ഇവയില്‍ ചിലതു വേവിക്കാതെ എപ്പോള്‍ വേണമെങ്കിലും കഴിക്കാം. പ്രമേഹരോഗി പതിവായി അധികം വേവിക്കാത്ത ഇലക്കറികളും പച്ചക്കറികളും കഴിക്കുന്നുണ്ടെങ്കില്‍ ധാതുലവണങ്ങളുടെയും വിറ്റമിനുകളുടെയും കുറവു നികത്താന്‍ സാധിക്കുന്നു.
പഴവര്ഗിങ്ങള്‍: മത്തപ്പഴങ്ങളായ പപ്പായ, മാങ്ങ, വാഴപ്പഴങ്ങള്‍, ചക്ക മുതലായവ ധാരാളം കഴിക്കുന്ന ശീലം നമ്മുടെ ഇടയിലുണ്ട്. പ്രമേഹരോഗി ഇങ്ങനെ ചെയ്യുവാന്‍ പാടില്ല. മറ്റു ഭക്ഷണങ്ങള്ക്കൊ പ്പം മിതമായ അളവില്‍ കഴിക്കാം. ഉണങ്ങിയ പഴങ്ങള്‍, അണ്ടിപ്പരിപ്പുകള്‍, എണ്ണക്കുരുക്കള്‍ മുതലായവ പ്രമേഹരോഗികള്‍ ഒഴിവാക്കണം. ഇവ നല്കുങന്ന പോഷകങ്ങള്‍ വില കുറഞ്ഞ ഇലക്കറികളില്‍ നിന്നും ധാന്യങ്ങളില്‍ നിന്നും കിട്ടുമെന്നുള്ളപ്പോള്‍ വിലകൂടിയ ഇവയെ ഭക്ഷണത്തില്‍ ഉള്പ്പെറടുത്തേണ്ട ആവശ്യം ഇല്ല. ഭക്ഷണരീതി കര്ശളനമായി പാലിച്ചിട്ടും ചില രോഗികളില്‍ പ്രമേഹത്തെ പിടിച്ചുനിര്ത്തു വാന്‍ കഴിയാത്തതിനുകാരണം അവര്‍ ഇത്തരം പഴങ്ങളും മറ്റും ഇടയ്ക്കിടയ്ക്കു കഴിക്കുന്നതാണ്.

ബേക്കറിഭക്ഷണം ഇനി വേണ്ട
ബേക്കറി സാധനങ്ങള്‍ ഒഴിവാക്കുക. ഇവ ഉണ്ടാക്കാന്‍ ഉപയോഗിക്കുന്ന കൊഴുപ്പ് ട്രാന്സ്ഫാടറ്റ് അഥവാ ഹൈഡ്രോജിനേറ്റഡ് വെജിറ്റബിള്‍ ഓയില്‍ മോശപ്പെട്ട ഇനത്തില്പ്പെ ട്ട കൊഴുപ്പാണ്. ഇതു പ്രമേഹത്തിനു മാത്രമല്ല ഹൃദ്രോഗത്തിനും കാരണമാകും. ഏതൊരു പ്രമേഹരോഗിക്കും ആഹാരനിയന്ത്രണത്തിന് കുടുംബാംഗങ്ങളുടെ സഹകരണം ആവശ്യമാണ്. രോഗിയുടെ ഭക്ഷണക്രമം വീട്ടിലെ മറ്റുള്ളവരും സ്വീകരിക്കണം. ഇവിടെ പരാമര്ശിോച്ച പ്രകാരമുള്ള സമീകൃതഭക്ഷണം വെറും ഭക്ഷണമല്ല. പ്രമേഹനിയന്ത്രണത്തിനുള്ള മരുന്നുതന്നെയാണ്. പ്രമേഹപാരമ്പര്യമുള്ള കുടുംബങ്ങളില്‍ തലമുറകളിലേക്ക് ഈ രോഗം കൈമാറാതിരിക്കുവാനുള്ള മുന്ക്രുതല്‍ കൂടിയാണീ മരുന്ന്.

പ്രമേഹം മാറ്റിവയ്ക്കാന്‍ ന്യൂകാസില്‍ ഡയറ്റ്
ടൈപ് 2 പ്രമേഹമുള്ള അമിതവണ്ണക്കാരില്‍ പ്രമേഹം ആരംഭിച്ച് നാലുവര്ഷമത്തിനുള്ളിലാണെങ്കില്‍ കര്ശേനമായ ഭക്ഷണനിയന്ത്രണത്തിലൂടെ പ്രമേഹത്തിനു മുമ്പുള്ള അവസ്ഥയിലേക്കു മടങ്ങിപ്പോകാം. രണ്ടുവര്ഷംറ മുമ്പ് ഇംഗണ്ടിലെ ന്യൂകാസില്‍ സര്വ്കലാശാല ഗവേഷണാടിസ്ഥാനത്തില്‍ തെളിയിച്ച ഇക്കാര്യം ശരിയാണെന്നു സ്ഥാപിക്കുന്ന നിരവധി അനുഭവങ്ങള്‍ ഇതിനകം പുറത്തുവന്നു കഴിഞ്ഞു. അമിതവണ്ണമുള്ളവരിലെ കരളിലും പാന്ക്രിനയാസിലും അടിഞ്ഞുകൂടുന്ന അമിതമായ കൊഴുപ്പ് അവരില്‍ പ്രമേഹത്തിനു കാരണമാകാം. അങ്ങനെയുള്ളവരില്‍ ഏതാണ്ട് പട്ടിണിക്കു സമാനമായ ഡയറ്റ് (1500 കാലറി മുതല്‍ 2000 കാലറി വരെ ഭക്ഷണം വേണ്ട സ്ഥാനത്ത് ഭക്ഷണത്തിന്റെ അളവു കുറച്ച് 600800 കാലറിയായി വെട്ടിക്കുറയ്ക്കുന്നതാണ്. ന്യൂ കാസില്‍ ഡയറ്റ്). ഇത് ഏതാണ്ട് അഞ്ചുമുതല്‍ 10 ആഴ്ചവരെ തുടരേണ്ടിവരും. എന്നാല്‍ വെറും പതിനൊന്നു ദിവസം ഈ ഡയറ്റു തുടര്ന്ന പ്പോള്‍ തന്നെ തന്റെ പ്രമേഹാവസ്ഥ മാറിയെന്ന് അവകാശപ്പെട്ട റിച്ചാര്ഡ്ു ഡൗട്ടി എന്ന ഇംഗീഷുകാരന്‍ ഏതാനും മാസങ്ങള്ക്കു മുമ്പ് മാധ്യമശ്രദ്ധ നേടിയിരുന്നു. ഒരു ഡോക്ടറുടെ നിരീക്ഷണത്തില്‍ ഭക്ഷണം കുറയുമ്പോഴും പോഷകങ്ങള്‍ കുറയാതെ വേണം ഈ ഡയറ്റു സ്വീകരിക്കാനെന്നു ഗവേഷകര്‍ നിര്ദേുശിക്കുന്നുണ്ട്. ന്യൂകാസില്‍ ഡയറ്റില്‍ പട്ടിണിമേഖലയിലേക്ക് (സ്റ്റാര്വേ്ഷന്‍ മോഡ്) ശരീരം മാറുമ്പോള്‍ ശരീരത്തിലെ കൊഴുപ്പ് പരമാവധി ഉപയോഗിക്കപ്പെടും. ഈ സമയത്ത് ആദ്യം ശരീരം വിനിയോഗിക്കുന്നത് ആന്തരികാവയവങ്ങളില്‍ അടിഞ്ഞുകൂടിയിരിക്കുന്ന കൊഴുപ്പാണ്. പലരിലും പ്രമേഹ കാരണമാകുന്ന കരളിലേയും പാന്ക്രിുയാസിലേയും കൊഴുപ്പ് മാറ്റപ്പെടുമ്പോള്‍ പ്രമേഹം വരുന്നതിനു മുമ്പുള്ള അവസ്ഥയിലേക്ക് രോഗി എത്തും എന്നതാണ് ഗവേഷകരുടെ യുക്തി. തുടര്ന്ന് ആരോഗ്യകരമായ ഡയറ്റും വ്യായാമവും മുഖേന വണ്ണം കൂടാതെ നോക്കിയാല്‍ അവര്ക്ക് ദീര്ഘരകാലത്തേക്ക് പ്രമേഹത്തെ മാറ്റിവെയ്ക്കാന്‍ കഴിയും.

ഡോ. അനുപമ നായര്‍
ഫിസിഷ്യന്‍ + ഡയബറ്റോളജിസ്റ്റ്
സെന്റ് തോമസ് ഹോസ്പിറ്റല്‍, ചെത്തിപ്പുഴ, കോട്ടയം

പൊടി കൈകള്‍

1.കടുക്, ജീരകം ഇവ പൊട്ടിക്കുമ്പോള്‍ പാത്രം ചൂടായതിനുശേഷം മാത്രം എണ്ണ ഒഴിക്കുക. എണ്ണ ചൂടായിക്കഴിയുമ്പോള്‍ മാത്രമേ പൊട്ടിക്കാവൂ. അല്ലെങ്കില്‍ യഥാര്‍ത്ഥ രുചി ലഭിക്കില്ല.

2.പൂരി, സമോസ എന്നിവ ഉണ്ടാക്കുമ്പോള്‍ അധികംഎണ്ണ കുടിക്കാതിരിക്കാന്‍ ഗോതമ്പുമാവും മൈദമാവും ഒരേ അളവില്‍ ചേര്‍ക്കുക.

3.ദോശയുണ്ടാക്കുമ്പോള്‍ ഉഴുന്നിനൊപ്പം ഒന്നോ രണ്ടോ സ്പൂണ്‍ ഉലുവ ചേര്‍ത്താല്‍ സ്വാദേറും.

4.അവല്‍ നനയ്ക്കുമ്പോള്‍ കുറച്ച് ഇളം ചൂടുപാല്‍ കുടഞ്ഞശേഷം തിരുമ്മിയ തേങ്ങയും പഞ്ചസാരയും ചേര്‍ത്ത് ഉപയോഗിച്ചാല്‍ സ്വാദേറും.

5.മാംസവിഭവങ്ങള്‍ വേവിക്കുമ്പോള്‍ അടച്ചുവെച്ച് ചെറുതീയില്‍ കൂടുതല്‍ സമയം പാചകം ചെയ്യുക.

6.സീഫുഡുകള്‍ തയ്യാറാക്കുമ്പോള്‍ (മീന്‍, ചെമ്മീന്‍, കൊഞ്ച്) വിനാഗിരിയിലോ നാരങ്ങാനീരിലോ അല്‍പം വെളുത്തുള്ളി അരിഞ്ഞതും ചേര്‍ത്ത് കുറച്ചുസമയം വെച്ചതിനുശേഷം പാചകം ചെയ്താല്‍ സീഫുഡ് അലര്‍ജി ഒരു പരിധിവരെ ഒഴിവാക്കാം.

7.ഇടിയപ്പത്തിനുള്ള മാവില്‍ രണ്ടുസ്പൂണ്‍ നല്ലെണ്ണ കൂടി ചേര്‍ത്താല്‍ മാര്‍ദ്ദവമേറും.

8.ചൂടായ എണ്ണയില്‍ മഞ്ഞള്‍പ്പൊടി, മുളകുപൊടി, മല്ലിപ്പൊടി തുടങ്ങിയവ ചേര്‍ക്കുമ്പോള്‍ അല്‍പം വെള്ളത്തില്‍ കുതിര്‍ത്ത് കുഴമ്പുപരുവത്തില്‍ ചേര്‍ത്താല്‍ കരിഞ്ഞുപോകാതെ നല്ല മണത്തോടെ ലഭിക്കും.

9 .ഉപ്പുമാവ് ഉണ്ടാക്കുമ്പോള്‍ റവ അല്‍പ്പം എണ്ണ ഒഴിച്ച് ഇളക്കി യോജിപ്പിച്ച ശേഷം ഉണ്ടാക്കിയാല്‍ കട്ട കെട്ടുകയില്ല

10 . പച്ചക്കറികള്‍ പാകം ചെയ്യുമ്പോള്‍ ഉണ്ടാവുന്ന ഗന്ധം ഒഴിവാക്കാന്‍ ഒരു നുള്ള് സോഡാ പൊടി ചേര്‍ത്ത് പാചകം ചെയ്‌താല്‍ മതി.

11 .അച്ചപ്പം ഉണ്ടാക്കുമ്പോള്‍ തലേന്നോ രണ്ടു ദിവസം മുമ്പോ അച്ചു ഉപ്പുവെള്ളത്തില്‍ മുക്കി വക്കുക .അപ്പം അച്ചില്‍ ഒട്ടിപിടിക്കില്ല.

12 . തേങ്ങ പൊടിയായി തിരുമണമെങ്കില്‍ തേങ്ങാമുറി അഞ്ചു മണികൂര് ഫ്രീസെറില്‍ വച്ച ശേഷം തിരുമ്മുക

13 .മുട്ട പൊരിക്കുമ്പോള്‍ പാനില്‍ ഒട്ടിപിടികാതെ ഇരിക്കാന്‍ അല്‍പ്പം വിനാഗിരി പുരട്ടിയാല്‍ മതി

14 .അധികം വന്ന മോര് പുളിക്കാതെ ഇരിക്കാന്‍ അതില്‍ കുറച്ചു ഉപ്പും പച്ചമുളകും ഇട്ടു വച്ചാല്‍ മതി

15 . വെളിച്ചെണ്ണ കുറച്ചു മുരിങ്ങ ഇലയോ പഴം മുറിചിട്ടതോ ഇട്ടു മൂപ്പിച്ചാല്‍ എണ്ണയുടെ കനപ്പ് മാറും .

16 . പാല് ഉറ ഒഴിക്കാന്‍ തൈരോ മോരോ ഇല്ലെങ്കില്‍ നാലഞ്ചു പച്ചമുളക് ഞെട്ട് ഇട്ടു വച്ചാല്‍ മതി

17 .ചീര വേവിക്കുമ്പോള്‍ വെള്ളത്തില്‍ അല്പം ഉപ്പു ചേര്‍ത്താല്‍ ചീരയുടെ നിറം മാറുകയും ഇല്ല, രുചിയും കൂടും

18 .ഇറച്ചി പാചകം ചെയ്യുമ്പോള്‍ വെളുത്തുള്ളി കൂടുതല്‍ ചേര്‍ത്താല്‍ മണവും രുചിയും കൂടും

19. ദോശയ്ക്ക് അരിയും ഉഴുന്നും അരയ്ക്കുന്നതിനൊപ്പം ഒരു കപ്പ് ചോറു കൂടി അരച്ചുചേര്‍ത്താല്‍ നല്ല മയം കിട്ടും.

20. പഞ്ചസാരപാനിയുണ്ടാക്കുമ്പോള്‍ ഒരു സ്പൂണ്‍ നാരങ്ങാനീര് കൂട്ടിച്ചേര്‍ത്താല്‍ കട്ടിയാവുകയില്ല

21. ഉരുളക്കിഴങ്ങില്‍ കളപൊട്ടുന്നത് തടയാന്‍ ഉരുളക്കിഴങ്ങ് ഇട്ട് വയ്ക്കുന്ന പാത്രത്തില്‍ ഒരു ആപ്പിള്‍ വച്ചാല്‍ മതി

22. അച്ചാറിന്റെ അവസാനം വരുന്ന അരപ്പ് അല്‍പം ചൂട് വെള്ളത്തില്‍ കലക്കിയെടുക്കുക. ചിരവിയ തേങ്ങ ഈ വെള്ളം ഒഴിച്ച് അരച്ചെടുത്താല്‍ രുചികരമായ ചമ്മന്തി തയ്യാര്‍.

23. രാവിലെ തയ്യാറാക്കിയ ഉപ്പുമാവില്‍ ഒരു സ്പൂണ്‍ അരിമാവ് കൂടി ചേര്‍ത്ത് എണ്ണയില്‍ പൊരിച്ചെടുത്താല്‍ സ്വാദേറും റവവട റെഡി.

24. നല്ല മൃദുവായ പൂരി ഉണ്ടാക്കുവാന്‍ 100 ഗ്രാം ഗോതമ്പ് പൊടിക്ക് ഒരു ടേബിള്‍ സ്പൂണ്‍ സേമിയ തരുതരുപ്പായി പൊടിച്ചത് എന്ന ക്രമത്തില്‍ ചേര്‍ത്താല്‍ മതി.

25. കണ്ണാടിപ്പാത്രങ്ങള്‍ കഴുകുന്ന വെള്ളത്തില്‍ അല്‍പം വിനാഗിരി ചേര്‍ത്താല്‍ അവ വെട്ടിത്തിളങ്ങും.

26. ഗ്രീന്‍ ചട്ണി തയ്യാറാക്കുമ്പോള്‍ തൈര് ചേര്‍ക്കുന്നതിന് പകരം നാരങ്ങാനീര് ചേര്‍ത്താല്‍ ഗ്രീന്‍ചട്ണിക്ക് രുചിയേറും. ചട്ണിക്ക് നിറവ്യത്യാസം ഉണ്ടാവുകയുമില്ല.

27. ഓംലെറ്റ് ഉണ്ടാക്കുമ്പോള്‍ അല്‍പം പൊടിച്ച പഞ്ചസാരയോ ചോളപ്പൊടിയോ ചേര്‍ത്താല്‍ ഓംലെറ്റിന് നല്ല മയമുണ്ടായിരിക്കും.